Shoe ဖိနပ်မှ အနံ့ဆိုးများကို ပျောက်အောင်လုပ်ပေးမယ့် ကိရိယာ

ခြေအိတ် မဝတ်သူများ၊ ခြေထောက် အနံ့အသက် မကောင်းသူများရဲ့ ရှူးဖိနပ်များမှာ အနံ့ဆိုးများ ကပ်ညိနေတတ်ပါတယ်။ အခုတော့ Panasonic က ရှူးဖိနပ်ရဲ့ အနံ့အသက်ဆိုးများကို စုပ်ယူပေးနိုင်တဲ့ Shoe Deodorizer တစ်ခုကို ပြသလိုက်ပါတယ်။ သူ့ရဲ့ အမည်မှာ MS-DS100 ဖြစ်းပြီး သူဟာ Zany “ Nanoe” နည်းပညာကို အသုံးပြု၍ အနံ့ဆိုးများကို စုပ်ယူတာလို့ သိရပါတယ်။

ကိရိယာကို ပလက်ပေါက်မှာ တပ်ဆင်ပြီး သူ့ရဲ့ မျက်နှာပြင်ကို ရှူးဖိနပ်ရဲ့ အပေါက်ဝမှာ ကပ်ထားရမှာ ဖြစ်ပါတယ်။ ကိရိယာက အဲဒီနောက်မှာ ရှူးဖိနပ်ထဲသို့ လျှပ်စစ်စွမ်းအင်ပါတဲ့ မော်လီကျူးများကို ထုတ်လွှင့်ပေးမှာ ဖြစ်ပါတယ်။ မော်လီကျူးများက ဖိနပ်ရဲ့ ဒြပ်ထုများထဲသို့ စီးဝင်သွားပြီး အနံ့ဆိုးများ ဖြစ်စေတဲ့ အရာများကို ဖျက်ဆီးပေးတာ ဖြစ်ပါတယ်။

ကိရိယာမှာ Mode ၂ ခု ပါပါတယ်။ Normal နဲ့ Long Mode များဖြစ်ပြီး ငါးနာရီနဲ့ ၇ နာရီကြာ အသီးသီး အလုပ်လုပ်ပါတယ်။ Panasonic က အနံ့အရမ်းဆိုးနေချိန်မှာ Long Mode ကို အသုံးပြုဖို့ ကုမ္ပဏီက အကြံပေးထားပါတယ်။ ကုမ္ပဏီက ယခင်နှစ်ကလည်း အဝတ်အစားများရဲ့ အနံ့ဆိုးများကို ဖယ်ရှားပေးတဲ့ ကိရိယာကိုလည်း ထုတ်လုပ်ရောင်းချပေးခဲ့ပါတယ်။

ယခုကိရိယာကို စက်တင်ဘာလ ၂၀ ရက်နေ့မှာ ဂျပန်တွင် ရောင်းချမှာပါ။ သူ့ရဲ့ ဈေးနှုန်းကို ကုမ္ပဏီက မပြောသေးပါဘူး။ အဝတ်အစားများရဲ့ အနံ့ဆိုးများကို ဖယ်ရှားပေးတဲ့ ကိရိယာကိုတော့ အမေဇုန်မှာ ၁၈၀ ဒေါ်လာနဲ့ ရောင်းချပေးနေပါတယ်။

Ref : theverge

Shoe ဖိနပ်မှ အနံ့ဆိုးများကို ပျောက်အောင်လုပ်ပေးမယ့် ကိရိယာ

%d bloggers like this: