ဂျပန်မှာ ဖုန်းနံပါတ် ကုန်တော့မည်

5G ကွန်ရက်ကြောင့် အင်တာနက် ချိတ်ဆက်နိုင်တဲ့ ကိရိယာပေါင်း ဘီလီယမ်နဲ့ချီပြီး များပြားလာမှာ ဖြစ်ပါတယ်။ ဂျပန်က အဲဒီလိုအပ်ချက်အတွက် နံပါတ် ၁၄ လုံးပါတဲ့ ဖုန်း နံပါတ် အသစ် ၁၀ ဘီလီယမ်ကို ပြုလုပ်ပေးဖို့ စီစဉ်နေပါတယ်။ လက်ရှိမှာ ဂျပန်ဟာ နံပါတ် ၁၁ လုံးပါတဲ့ ဖုန်းနံပါတ်များကို အသုံးပြုနေပြီး ၂၀၂၂ ခုနှစ်လောက်မှာ အဲဒီ ဖုန်းနံပါတ်များ ကုန်သွားမယ်လို့ တွက်ချက်ထားပါတယ်။ ၂၀၂၁ ခုနှစ် မတိုင်ခင်မှာ ဖုန်းနံပါတ် အသစ်များကို စတင် အသုံးပြုနိုင်တော့မှာ ဖြစ်ပါတယ်။

ဖုန်းနံပါတ် ၁၄ ဘီလီယမ်ဟာ အရမ်းများတယ်လို့ ထင်နိုင်ပါတယ်။ ဒါပေမယ့် ဂျပန်မှာ ၂၀၁၇ ခုနှစ် ဇန်နဝါရီလကတည်းက ထိပ်စီး ၀၂၀ နဲ့စပြီး နံပါတ် ၁၁ လုံးပါ နံပါတ်များကို Internet of Things Devices များကပါ အသုံးပြုနေကြပါတယ်။ လွန်ခဲ့တဲ့ ၂ နှစ်အကြာက ၀၂၀ နဲ့စတဲ့ ၁၁ လုံးပါ နံပါတ် ၃၂.၆ သန်းကို Carrier များက အသုံးပြုခဲ့ကြပြီးပါပြီ။

Japan Times ရဲ့ အဆိုအရ နံပါတ် ၁၄ လုံးပါ ဖုန်း နံပါတ်များ အသုံးပြုမယ့် စီမံကိန်းကို KDDI, NTT Docomo, SoftBank တို့က သဘောတူညီပြီးပြီလို့ ပြောပါတယ်။ ဂျပန်မှာ ၂၀၂၀ ခုနှစ်မှာ 5G ကွန်ရက်ကို စတင် အသုံးပြုနိုင်တော့မှာ ဖြစ်ပြီး Device အသစ်များစွာ ပေါ်ထွက်လာမှာ ဖြစ်တဲ့ အတွက် နံပါတ် အသစ်များ လိုအပ်လာပါတယ်။ ၁၄ လုံးပါ နံပါတ်များဟာ မှတ်သားရ ခက်လာမယ့် ပြဿနာတော့ ရှိပါတယ်။

Ref : androidauthority

ဂျပန်မှာ ဖုန်းနံပါတ် ကုန်တော့မည်

%d bloggers like this: