သင့်ဖုန်း မြန်ချင်ရင် ဟောဒီ App တွေကို အမြန်ဆုံး ဖြုတ်လိုက်ပါ

သင့်ဖုန်းဟာ Specs တွေ လန်ထွက်နေလို့ အကောင်းဆုံး စွမ်းရည်ကို ပိုင်ဆိုင်ထားတယ်လို့ ထင်ရင် အမှားကြီးမှားပါပြီ။ အကောင်းဆုံးဆိုတဲ့ ဖုန်းများမှာတောင် App အချို့ကြောင့် ဖုန်း လေးလံခြင်း၊ ဘက်ထရီ အကုန်မြန်ခြင်းများ ဖြစ်ကြပါတယ်။ နာမည်ကျော် Anti-Virus Software များကို ဖန်တီးနေတဲ့ Avast က ဖုန်းများကို ဒုက္ခအပေးဆုံး App များကို ရှာဖွေဖော်ထုတ်ပေးလိုက်ပါတယ်။ အဲဒီ App များကို သင် မသုံးဘူးဆိုရင် Uninstall or Disable ပြုလုပ်နိုင်ပါတယ်။ ဒါမှမဟုတ် ပေါ့ပါးသွက်လက်ပြီး မိုဘိုင်းဒေတာ စားသုံးမှု သက်သာတဲ့ Lite Version များကို ပြောင်းသုံးပါ။

သင့်ဖုန်းကို လေးလံစေတဲ့ App များ

သင့်ရဲ့ ဖုန်း၊ တက်ဘလက်များဟာ လေးလံလာရင် ပြဿနာဟာ အချို့ App များကြောင့် ဖြစ်နိုင်ပါတယ်။ ဖုန်းများကို လေးလံစေတဲ့ အဆိုးရွားဆုံး App များကို အောက်မှာလေ့လာပါ။

စာရင်းမှာ Google နဲ့ Samsung တို့မှ App များ အများစုပါနေတာကို မြင်ရမှာပါ။ အဲဒီ App များဟာ များသောအားဖြင့် ကြိုတင်ထည့်သွင်းထားကြတာပါ။ အလိုအလျှောက် Run တဲ့ App များနဲ့ သင်ဖွင့်မှ Run တဲ့ App များကို ခွဲခြားပြသထားပါတယ်။

ဘက်ထရီ အစားဆုံး App များ

အချို့ App များဟာ ဖုန်းရဲ့စွမ်းအင်ကို အလွန်အကျွံ စားသုံးနေပါတယ်။ ဘက်ထရီ သက်တမ်းဟာ ဖုန်းရဲ့ အဓိကကျတဲ့ အရာ တစ်ခု ဖြစ်ပါတယ်။ ဘက်ထရီ သက်တမ်းကြာရှည်တာကို နှစ်သက်သူများဟာ အောက်ပါ App များကို ဖယ်ရှားခြင်း သို့မဟုတ် Lite Version များကို ပြောင်းသုံးခြင်းများ ပြုလုပ်သင့်ပါတယ်။

ဒီစာရင်းမှာတော့ ဆမ်ဆောင်း၊ ဖေ့စ်ဘွတ် အပါအဝင် နည်းပညာ နယ်ပယ်မှ နာမည်ကျော်များကို မြင်ရမှာပါ။ နာမည်ကျော် လူမှုကွန်ရက်နဲ့ မက်ဆင်ဂျာ ဝန်ဆောင်မှုများ ဖြစ်တဲ့ Facebook , WhatsApp , Snapchat, LINE, WeChat တို့ ပါဝင်နေပါတယ်။ အွန်လိုင်း ရုပ်ရှင် ဝန်ဆောင်မှု Netflix နဲ့ နာမည်ကျော် App တစ်ခုဖြစ်တဲ့ Clean Master လည်း ပါနေပါတယ်။

မိုဘိုင်း ဒေတာ အစားဆုံး App များ

မိုဘိုင်း ဒေတာဖြင့်သာ အင်တာနက် သုံးနေတဲ့ လူများအတွက်တော့ မိုဘိုင်း ဒေတာကို နောက်ကွယ်မှာ အလွန်အကျွံ စားသုံးနေတဲ့ App များကို သတိထားသင့်ပါတယ်။

ဒီစာရင်းမှာ နာမည်ကျော် အွန်းလိုင်း ရုပ်ရှင် ဝန်ဆောင်မှု Netflix က နံပါတ် ၁ နေရာရောက်နေတာ မဆန်းပါဘူး။ လူသုံးများတဲ့ Facebook ဟာလည်း ထိပ်ပိုင်းမှာ ရှိနေပါတယ်။ Facebook ကို မသုံးဘဲ မနေနိုင်ရင်တော့ ဒေတာစားသုံးမှု နည်းပါးတဲ့ Facebook Lite ကို ပြောင်းသုံးပါ။

Ref : androidpit

သင့်ဖုန်း မြန်ချင်ရင် ဟောဒီ App တွေကို အမြန်ဆုံး ဖြုတ်လိုက်ပါ

%d bloggers like this: