ဈေးနှုန်းချိုသာတဲ့ Pop-up ကင်မရာပါ Realme X ကို မိတ်ဆက်

OnePlus က OnePlus 7 နဲ့ 7 Pro တို့ကို မိတ်ဆက်အပြီးမှာ Realme ကလည်း တန်ဖိုးသင့်၊ မော်ဒယ်မြင့် ဖုန်းတလုံးကို မိတ်ဆက်လိုက်ပါတယ်။ Realme ဖုန်းတွေထဲမှာ Specs အကောင်းဆုံးနဲ့ စွမ်းဆောင်ရည် အမြင့်ဆုံးဖုန်းတလုံး ဖြစ်ပါတယ်။ Realme X ဒီဇိုင်းက OnePlus 7 Pro နဲ့ တော်တော်လေး ဆင်တူပြီး၊ OnePlus 7 Pro ထက် ဈေးနှုန်း ၃ ဆ လောက် သက်သာမှာပါ။

Realme X ကို တချို့က Flagship ဖုန်းလို့ ခေါ်ပေမယ့်၊ ကျနော်ကတော့ Upper-Midrange လို့ သုံးရင် ပိုမှန်မယ် ထင်ပါတယ်။ Snapdragon 710 Chipset၊ 19.5:9 Aspect Ratio ရှိတဲ့ 6.53-inch 1080p OLED Display ကို အသုံးပြုထားပြီး Notch လုံးဝ ပါမှာမဟုတ်ပါဘူး။ Notch အစား မော်တာတပ် Pop-up ရှေ့ကင်မရာစနစ်ကို အသုံးပြုထားပြီး၊ 16-megapixel ကင်မရာတလုံးတည်း ဖြစ်ပါတယ်။ OLED Display သုံးထားတာကတော့ Realme ပရိတ်သတ်တွေ အကြိုက်တွေ့စေမယ့် အဓိကအချက်ပါ။ OLED ဖြစ်တာကြောင့် မျက်နှာပြင်အောက် လက်ဗွေရာစနစ်လည်း ပါဝင်မှာပါ။ နောက်ထပ်အကြိုက်တွေ့မယ့် အချက်က OPPO ရဲ့ VOOC 3.0 အားအမြန်သွင်းစနစ် အသုံးပြုနိုင်တာပါ။ ဘက်ထရီကတော့ 3,765mAh ဘက်ထရီ ဖြစ်ပါတယ်။ မိနစ် ၃၀ အတွင်း အား ၅၅ ရာခိုင်နှုန်းအထိ သွင်းပေးနိုင်ပါတယ်။

Realme X ကို 4GB RAM, 6GB RAM နဲ့ 8GB RAM ဆိုပြီး မော်ဒယ်ကွဲ သုံးမျိုး ထုတ်သွားမှာပါ။ Storage ကိုတော့ 64GB နဲ့ 128GB နှစ်မျိုး ရွေးချယ်နိုင်ပါမယ်။

Realme X ရဲ့ နောက်ထပ်အဓိက ဆွဲဆောင်ချက်ကတော့ ကျောကင်မရာစနစ်ပါ။ ကျောကင်မရာနှစ်လုံးက Sony IMX 586 sensor သုံး f/1.7 48MP ကင်မရာတလုံးနဲ့ f/2.4 5MP depth ကင်မရာတလုံးတို့ ဖြစ်ပါတယ်။ Pixel bining နည်းပညာနဲ့ pixels ၄ ခုကို ပေါင်းစည်းကာ ရုပ်ထွက်ကောင်းမွန်ပြတ်သားတဲ့ 12MP ဓာတ်ပုံတွေ ရိုက်နိုင်မှာ ဖြစ်ပါတယ်။ Chroma Boost, AI Scene Recognition, Nightscape, Portrait စတိုင်အမျိုးမျိုးတို့ ရိုက်ကူးနိုင်ပါတယ်။

Realme X ကို Steam White နဲ့ Punk Blue အရောင်နှစ်မျိုး ထုတ်လုပ်ရောင်းချသွားမှာ ဖြစ်ပါတယ်။ ဈေးနှုန်းကတော့ 4GB/64GB ဗားရှင်းကို ၂၂၀ ဒေါ်လာခန့်၊ 6GB/64GB ကို ၂၃၀ ဒေါ်လာခန့် နဲ့ 8GB/128GB ကို ၂၆၀ ဒေါ်လာခန့် ရှိပါမယ်။ Upper-Midrange ဖုန်းတလုံးကို ဒီဈေးနဲ့ ရနိုင်မှာကတော့ စွဲမက်စရာပါ။ Realme ဝဘ်ဆိုဒ်နဲ့ အခြား တရုတ်အွန်လိုင်းအရောင်းဝဘ်ဆိုဒ်တွေကနေ မေလ ၂၀ ရက်နေ့မှာ စတင် ရောင်းချသွားမယ်လို့ သိရပါတယ်။

Ref: The Verge, GSM Arena

ဈေးနှုန်းချိုသာတဲ့ Pop-up ကင်မရာပါ Realme X ကို မိတ်ဆက်

%d bloggers like this: