အွန်လိုင်းမှာ ရည်းစားရှာနည်း သင်ပေးမယ့် ဝန်ဆောင်မှု

Match ဟာ Dating App များထဲမှာတော့ အစောဆုံးထဲက တစ်ခု ဖြစ်ပါတယ်။ အခုလည်း သူ့ရဲ့ ဝန်ဆောင်မှုကို အခပေး အသုံးပြုနေသူများအတွက် ရည်းစားရှာနည်း သင်တန်းများကို ကျွမ်းကျင်သူများကနေ သင်ကြားပေးမယ့် အစီအစဉ်ကိုပြုလုပ်ပေးလိုက်ပါတယ်။ အဲဒီ ဝန်ဆောင်မှု အသစ်ရဲ့ အမည်က AskMatch ဖြစ်ပါတယ်။ သင်တန်းမှာ ကောင်းမွန်တဲ့ Dating Profile တည်ဆောက်နည်း၊ ပိုးပန်းနည်းများ၊ လမ်းခွဲနည်းများကို သင်ကြားပြသပေးမှာ ဖြစ်ပါတယ်။ ပညာရှင်များက သင့်ကို Match App ကနေပဲ သင်ကြားပေးမှာ ဖြစ်ပါတယ်။

Match ရဲ့ စီအီးအို ဖြစ်သူ Hesam Hosseini က ဒီဝန်ဆောင်မှု အသစ်ဟာ ၁၉၉၅ ခုနှစ်ကတည်းက စတင်ခဲ့တဲ့ ကုမ္ပဏီရဲ့ ရည်းစားရှာပေးတဲ့ ပလက်ဖောင်းကို တိုးချဲ့စေနိုင်တယ်လို့ ပြောပါတယ်။ သူက “ Match ဟာ သင့်ဖုန်းမှ သာမာန် App တစ်ခုသာ မဟုတ်ပါဘူး။ လူတွေရဲ့ ပေါင်းသင်းဆက်ဆံရေးကို တိုးတက်စေဖို့ အမြဲတမ်း ကူညီပေးနေပါတယ်။ “ လို့ ဖြည့်စွက်ပြောပါတယ်။

ကုမ္ပဏီရဲ့ ဘလော့ ဆောင်းပါးတစ်ခုမှာ အဲဒီ ဝန်ဆောင်မှု အသစ်ကို လက်ရှိမှာ နယူးယောက်စီးတီးတွင် စတင် အသုံးပြုနိုင်ပြီ ဖြစ်ပြီး အမေရိကန်တစ်လွှားမှာ တိုးချဲ့ဝန်ဆောင်မှုပေးမယ်လို့ ရေးသားထားပါတယ်။ App ရဲ့ Discover Tab မှ Talk to Coach Button ကို နှိပ်ခြင်းဖြင့် ကျွမ်းကျင်သူများထံကနေ အကြံဉာဏ်များ ရယူနိုင်ပါတယ်။

အွန်လိုင်း ရည်းစားရှာဖွေပေးတဲ့ ဝန်ဆောင်မှု နယ်ပယ်ဟာ အပြိုင်အဆိုင်များစွာ ရှိလာပါပြီ။ Bumble , Hinge, Happn တို့လို Dating App များကို ယှဉ်ပြိုင်ဖို့ Match က ကြိုးစားနေပါတယ်။

Ref : techradar

အွန်လိုင်းမှာ ရည်းစားရှာနည်း သင်ပေးမယ့် ဝန်ဆောင်မှု

%d bloggers like this: