Ongo နှင့် Carlsberg တို့ ပူးပေါင်းပြီး အရောင်းဆိုင်များသို့ ငွေပေးချေမှုအား ဒစ်ဂျစ်တယ်စနစ်သို့ ပြောင်းလဲမည်

ကမ္ဘာ့ဈေးကွက်ဦးဆောင် ဘီယာချက်စက်ရုံတစ်ခုဖြစ်တဲ့ Carlsberg နှင့် မြန်မာနိုင်ငံဈေးကွက်ဦးဆောင် B2B ဒစ်ဂျစ်တယ် ငွေပေးချေခြင်းဝန်ဆောင်မှုကုမ္ပဏီတခုဖြစ်တဲ့ Ongo တို့က Carlsberg ရောင်းချသူများအတွက် ရိုးရှင်း၊ လျင်မြန်ပြီး စိတ်ချရသည့် ငွေပေးချေမှု နည်းစနစ်များ ပံ့ပိုးပေးရန် စာချုပ်ချုပ်ဆိုခဲ့ပါတယ်။

Carlsberg ရောင်းချသူများရဲ့ ငွေပေးချေမှုများကို ထိရောက်လုံခြုံသည့်နည်းလမ်းဖြင့် စုစည်းကာ ဒစ်ဂျစ်တယ်စနစ်သို့ ပြောင်းလဲပေးမယ့် ငွေသား/အကြွေး ဝယ်ယူကောက်ခံခြင်းစနစ်ကို Ongo နှင့် Carlsberg တို့က မေလ ၈ ရက်၊ ဗုဒ္ဓဟူးနေ့မှာ တရားဝင် စတင် ကြေညာလိုက်ပါတယ်။

မြန်မာနိုင်ငံတွင် ၂၀၁၃ ခုနှစ်က စတင်တည်ထောင်ခဲ့သည့် Carlsberg ဟာ နိုင်ငံတွင်းဈေးကွက်တွင် သိသာ ထင်ရှားစွာ ကြီးထွားလာခဲ့ပြီး ယနေ့အချိန်တွင် နိုင်ငံတစ်ဝန်းမှ ဝယ်ယူအားပေးသူပေါင်း ၃,၇၀၀ ကျော် အတွက် ဝန်ဆောင်မှုပေးလျက် ရှိတယ်လို့ သိရပါတယ်။ ရောင်းချသူများ နဲ့ Carlsberg တို့အကြား ငွေပေးချေမှုများကို ပိုမို ချောမွေ့စေရန် ကြိုးပမ်းဆောင်ရွက်ခဲ့မှုကြောင့် ရောင်းချသူတစ်ဦးချင်းစီ၏ သတင်းအချက်အလက်အသေး စိတ်ကို အချိန်နှင့်တပြေးညီရရှိနိုင်မှာဖြစ်ပြီး၊ ငွေပေးချေမှုတိုင်းကို မြန်ဆန်လုံခြုံစေကာ စားသုံးသူများနှင့် ပိုမိုထိထိရောက်ရောက် ချိတ်ဆက်နိုင်မယ်လို့ ဆိုပါတယ်။

“ကျွန်တော်တို့ Carlsberg Myanmar က ထုတ်ကုန်တွေရဲ့အရည်အသွေးမြင့်မားမှုတစ်ခုတည်းကိုတင် ဂုဏ်ယူတာမဟုတ်ပါဘူး။ တန်ဖိုးထားရတဲ့ရောင်းချသူတွေနဲ့ကြားက ဆက်ဆံရေးအရည်အသွေးအတွက် လည်း ဂုဏ်ယူပါတယ်။” လို့ မြန်မာနိုင်ငံရှိ Carlsberg ရဲ့ မန်နေးဂျင်း ဒါရိုက်တာဖြစ်သူ Christoph Vavrik က ရှင်းပြခဲ့ပါတယ်။

“အခုလို ပူးပေါင်းဆောင်ရွက်မှုက ငွေသားကိုင်တွယ်သုံးစွဲမှုရဲ့ ကုန်ကျစရိတ်တွေကို လျှော့ ချပေးနိုင်ပြီး ကျွန်တော်တို့နဲ့ ရောင်းချသူတွေကြားက ငွေလွှဲပြောင်းမှုလုပ်ငန်းစဉ်တွေအားလုံးကို ပိုပြီး တိုးတက်ထိရောက်လာစေနိုင်မှာဖြစ်လို့ Ongo နဲ့ ပူးတွဲလုပ်ဆောင်ရတာအတွက် တကယ်စိတ်လှုပ်ရှားမိ ပါတယ်။” လို့ Christoph က ဆိုပါတယ်။

Ongo က Carlsberg နှင့် ဝယ်ယူအားပေးသူများအကြား ငွေသားအသုံးပြုမှုကို ရပ်ဆိုင်းပြီး၊ ငွေပေးချေမှုများကို ဒစ်ဂျစ်တယ်စနစ်သို့ ပြောင်းလဲပေးခြင်းဖြင့် Carlsberg ကို ငွေသားကိုင်တွယ်မှုဆိုင်ရာ ကုန်ကျစရိတ်များအတွက် အချိန်မကုန်စေဘဲ အမှန်တကယ်အရေးကြီးသောကိစ္စရပ်ဖြစ်သည့် ဝယ်ယူအား ပေးသူများ၏ စိတ်ကျေနပ်စေခြင်းအပေါ် ပိုမိုအာရုံစိုက်စေနိုင်မှာဖြစ်ပါတယ်။

မြန်မာနိုင်ငံအတွင်း စီးပွားရေးလုပ်ငန်းတစ်ခုကနေ တခုသို့ ဒစ်ဂျစ်တယ်ငွေပေးချေဝန်ဆောင်မှုဈေးကွက်ကို ဦးဆောင်နေတဲ့ Ongo ဟာ စီးပွားရေးလုပ်ငန်း ၁၃၀ ကျော်နှင့် ပူးပေါင်းဆောင်ရွက်လျက်ရှိပါတယ်။ ငွေကြေးကောက်ခံခြင်းနှင့် ငွေပေးချေခြင်းဝန်ဆောင်မှုများအပြင် Carlsberg ကဲ့သို့ သုံးစွဲသူကော်ပိုရိတ် လုပ်ငန်းများကို အချိန်နှင့်တစ်ပြေးညီ ငွေပေးချေမှု အချက်အလက်များနှင့် အဆိုပါအချက်အလက်များကို အသုံးပြုထားသည့် ဈေးကွက်ချဲ့ထွင်မှုနည်းစနစ်များကိုလည်း ပံ့ပိုးပေးမှာဖြစ်ကြောင်း သတင်းထုတ်ပြန်ခဲ့ပါတယ်။

Ongo ဟာ စီးပွားရေးလုပ်ငန်းတစ်ခုကနေ တစ်ခုအကြား ဒစ်ဂျစ်တယ်ငွေပေးချေမှု မိတ်ဖက်လုပ်ဆောင်မှုများ သာမက အရောင်းဆိုင်/ရောင်းချသူ ၂၆,၀၀၀ ကျော်၊ အသုံးပြုသူ ၅၀၀,၀၀၀ ကျော်နှင့် လုပ်ငန်းဆောင်ရွက်လျက်ရှိပြီး မြန်မာနိုင်ငံတစ်ဝန်းရှိ မြို့ကြီးမြို့ငယ် ၅၅ မြို့သို့ ကွန်ယက်ဖြန့် ကျက်ထားနိုင်ပြီ ဖြစ်ပါတယ်။

Ongo နှင့် Carlsberg တို့ ပူးပေါင်းပြီး အရောင်းဆိုင်များသို့ ငွေပေးချေမှုအား ဒစ်ဂျစ်တယ်စနစ်သို့ ပြောင်းလဲမည်

%d bloggers like this: