မျက်လုံး ခွဲစိတ်ပေးတဲ့ စက်ရုပ်များ လာပြီ

ခွဲစိတ်ကုသရေး လုပ်ငန်းများမှာ စက်ရုပ်များကို အသုံးပြုနေကြပါပြီ။ အခုတော့ လူ့မျက်လုံးကို ခွဲစိတ်ဖို့ ပထမဆုံးအနေဖြင့် စက်ရုပ်ကို အသုံးပြုခဲ့ပါတယ်။ အဲဒီ ခွဲစိတ်မှုကို အောက်စဖို့ဒ်မှ John Radcliffe Hospital မှာ ပြုလုပ်ခဲ့တာ ဖြစ်ပြီး Nature Biomedical Engineering မှာ အဲဒီ ခွဲစိတ်မှုကို ဖော်ပြ ထားပါတယ်။ လူနာ ၆ ဦးရဲ့ ခွင့်ပြုချက်ကို ရယူပြီး ခွဲစိတ်ပေးခဲ့တာ ဖြစ်ပါတယ်။

နယ်သာလန် အခြေစိုက် ကျန်းမာရေးသုံး စက်ရုပ်များ ဖန်တီးနေတဲ့ Preceyes က ဖန်တီးထားတဲ့ စက်ရုပ်ဖြစ်ပြီး စက်ရုပ်ဟာ မျက်လုံးရဲ့ အနောက်ဘက်မှ Membrane ကို ဖယ်ရှားခြင်းကို ပြုလုပ်ခဲ့ရပါတယ်။ အလွန်ခက်ခဲတဲ့ ခွဲစိတ်မှုတော့ မဟုတ်ပေမယ့် စက်ရုပ်က ဒီလိုလုပ်ဆောင်နိုင်တာက အလွန် ကျေနပ်စရာ ဖြစ်ပါတယ်။

စက်ရုပ်ရဲ့ ခွဲစိတ်မှုဟာ ၄ မိနစ်နဲ့ ၅၅ စက္ကန့်ကြာမြင့်ခဲ့ပြီး လူသား ဆရာဝန်များခွဲစိတ်ရင်တော့ ၁ မိနစ်နဲ့ ၂၀ စက္ကန့်သာ ကြာမြင့်ပါတယ်။ Oxford University ရဲ့ Ophthalmology မှ ပါမောက္ခ ဖြစ်သူ Robert MacLaren က “ ဒီ စမ်းသပ်မှုဟာ စက်ရုပ်များရဲ့ ခွဲစိတ်ကုသနိုင်စွမ်းကို ပြသလိုက်တာ ဖြစ်ပါတယ်။ စက်ရုပ်များဟာ အလွန်တိကျမှု လိုအပ်တဲ့ မျက်လုံးခွဲစိတ်မှုများကိုတောင် ပြုလုပ်နိုင်ပါတယ်။ ၂၀၁၉ ခုနှစ် မှာ စက်ရုပ်ဖြင့် မျက်လုံးခွဲစိတ်မှုများကို ပြုလုပ်မှာ ဖြစ်ပါတယ်။ “ လို့ ပြောပါတယ်။

ဒီနည်းပညာဟာ မျက်လုံးကွယ်နေတဲ့ လူများကိုတောင် အနာဂတ်မှာ ကုသလာနိုင်မှာ ဖြစ်ပါတယ်။ စက်ရုပ်များဟာ ကျန်းမာရေး စောင့်ရှောက်မှု နယ်ပယ်မှာ အသုံးတည့်လာပါပြီ။

Ref : tnw

မျက်လုံး ခွဲစိတ်ပေးတဲ့ စက်ရုပ်များ လာပြီ

%d bloggers like this: