OPPO F11 Pro Avengers Limited Edition ဖုန်းနှင့် F Series မျိုးဆက်သစ် F11 ဖုန်းကို မကြာမီ မိတ်ဆက်မည်

ကမ္ဘာကျော်ကုန်အမှတ်တံဆိပ်များဖြစ်သော Lamborghini၊ Pikachu၊ Barca၊ Guerlain စသည့်အမှတ်တံဆိပ်များနှင့် ပူးပေါင်း၍ လူငယ်များအကြိုက်တွေ့စေမည့် Limited Edition စမတ်ဖုန်းများ ထုတ်လုပ်ခဲ့သော OPPO သည် ယခု ၂၀၁၉ ခုနှစ်တွင်လည်း Marvel ကုမ္ပဏီနှင့်ပူးပေါင်းပြီး Avengers Edition စမတ်ဖုန်းကို မကြာမီမိတ်ဆက်မည်ဖြစ်သည်။ OPPO နှင့် Marvel သည် ၎င်းတို့၏ သက်ဆိုင်ရာဈေးကွက်တွင် ထိပ်တန်းနေရာရရှိထားသည့် အမှတ်တံဆိပ်များဖြစ်ပြီး OPPO ၏ F Series နှင့် Marvel ၏ Avengers Series တို့သည်လည်း သက်ဆိုင်ရာနယ်ပယ်များတွင် လူကြိုက်အများဆုံးကုန်ပစ္စည်းများဖြစ်သည်။ OPPO နှင့် Marvel ၏ ခမ်းနားထည်ဝါသော ပူးပေါင်းဆောင်ရွက်မှုကို OPPO F11 Pro Avengers Limited Edition စမတ်ဖုန်းအဖြစ် တွေ့မြင် ရမည်ဖြစ်သည်။

စူပါဟီးရိုးတစ်ယောက်တည်းဖြင့် ပြဿနာအားလုံး ဖြေရှင်းခြင်းထက် ဟီးရိုးများ စုပေါင်းဖြေရှင်းခြင်းက ပြဿနာကို ပို၍ မြန်ဆန်စွာပြေလည်စေမည်ဟူသော မျှော်မှန်းချက်ဖြင့် Marvel သည် Avengers စူပါဟီးရိုးများအဖွဲ့ကို ဖွဲ့စည်းခဲ့သကဲ့သို့ စမတ်ဖုန်းအသုံးပြုသူများ၏ လိုအပ်ချက်များကို အကောင်းဆုံးဖြည့်ဆည်းပေးမည့် Portrait Master ဖြစ်သော F11 Pro ကို OPPO မှ ဖန်တီးခဲ့သည်။ ကမ္ဘာတစ်ဝန်းရှိ လူငယ်လူရွယ်များအတွက် စမတ်ဖုန်းဒီဇိုင်းဆန်းများ အစဉ်ထုတ်ပေးလျက်ရှိသည့် OPPO သည် ယခုအကြိမ်တွင် Marvel ပရိသတ်များအတွက် စိတ်လှုပ်ရှားဖွယ် အမှတ်တရအဖြစ် Avengers စူပါဟီးရိုးဇာတ်ကောင်များ၏ ပေါ်လွင်ထင်ရှားသော လက္ခဏာများပါရှိသည့် F11 Pro ဖုန်းကို မိတ်ဆက်မည် ဖြစ်သည်။

OPPO F11 Pro Avengers Limited Edition ဖုန်းတွင် Avengers အဖွဲ့ခေါင်းဆောင် Captain America ကဲ့သို့ လှပခံ့ညားသောစမတ်ဖုန်းကိုယ်ထည်ဒီဇိုင်း၊ Iron Man ၏ ပျံသန်းနိုင်သော ချပ်ဝတ်တန်ဆာကဲ့သို့ နည်းပညာ အဆင့်အတန်းမြင့်မားသည့် Rising Camera၊ Thor ၏ မိုးကြိုးလျှပ်စီးအစွမ်းကဲ့သို့ အလွန်မြန်ဆန်သည့် VOOC 3.0 အားသွင်းစနစ်၊ ခံနိုင်ရည်အားကောင်းသော တည်ဆောက်မှုရှိသည့် Hulk ကဲ့သို့ 6GB RAM + 128GB ROM သိုလှောင်မှုပမာဏ၊ Black Widow ကဲ့သို့ ပေါ့ပါးသွက်လက်မြန်ဆန်သော Hyper Boost စနစ်နှင့် ညအချိန်တွင်ပင် မှန်ကန်တိကျစွာ မြားပစ်နိုင်သည့် Hawkeye ကဲ့သို့ အလင်းမှိန်မှိန်တွင် ပုံရိပ်များကို ထင်ရှားစွာရိုက်ကူးနိုင်သည့် 48MP ပါ ကျောဘက်ကင်မရာနှစ်လုံးတို့ ပါရှိသည်။

F11 Pro Avengers Limited Edition စမတ်ဖုန်းအရောင်ကို Avengers: Endgame ရုပ်ရှင်ဇာတ်ကားမှ စေ့ဆော်ဖန်တီးထားခြင်းဖြစ်ပြီး Space Blue အရောင်ဟု အမည်ပေးထားသည်။ ဖုန်းကိုယ်ထည်နောက်ခံကို အပြာရောင်ဆဋ္ဌဂံအကွက်လေးများဖြင့် အလှဆင်ထားပြီး OPPO အမှတ်တံဆိပ်ရောင်ပြေး effect များကို ထည့်သွင်းပုံဖော်ထားသည်။ အနီရောင်ရင့်ရင့်ရှိသော Avengers logo သည် အပြာရောင်နောက်ခံနှင့်အတူ ဆွဲဆောင်မှုရှိသော အနီနှင့်အပြာ ဆန့်ကျင်ဘက်အရောင်ပေါင်းစပ်မှုကို ဖန်တီးပေးရုံသာမက ဖုန်းဘေးဘက်ရှိ အနီရောင်ခလုတ်ကိုလည်း သိသာထင်ရှားစေသည်။ စမတ်ဖုန်းကျောဘက်ရှိ ကြီးမားသောတစ်ပိုင်းတစ်စ logo နှင့် ကင်မရာများအပေါ်ဘက်ရှိ ပြည့်စုံသည့် logo များဖြင့် Limited Edition စမတ်ဖုန်းကို အနုပညာမြောက်စေမည်ဖြစ်သည်။ ရင်သပ်ရှုမောဖွယ် Panoramic Screen နှင့် တွေ့မြင်ရမည့် Limited Edition ဖုန်းတွင် အမြင်အာရုံကို ညှို့ယူဖမ်းစားနိုင်သော Avengers Logo Wallpaper လည်းပါရှိမည်ဖြစ်သည်။

ထို့အပြင် OPPO Myanmar သည် F Series ၏ နောက်ထပ်မျိုးဆက်သစ်ဖြစ်သော OPPO F11 စမတ်ဖုန်းကို F11 Pro Avengers Limited Edition ဖုန်းနှင့်အတူ ပြည်တွင်းဈေးကွက်တွင် မိတ်ဆက်သွားမည်ဖြစ်သည်။ OPPO F11 စမတ်ဖုန်းသည် ရေစက်ပုံစံမျက်နှာပြင်၊ ၆.၅ လက်မရှိသော မျက်နှာပြင်အရွယ်အစား၊ ၉၀.၇၀% ရှိသော မျက်နှာပြင်အချိုး၊ ညအချိန်တွင်ပင် ပိုမိုကြည်လင်ပြတ်သားသော ဓာတ်ပုံရုပ်ထွက်များရရှိစေမည့် 48MP+5MP ကျောဘက်ကင်မရာနှစ်လုံး၊ ပိုမိုလှပသော Selfie ပုံများကို ရရှိစေမည့် 16MP AI Beauty ရှေ့ဘက်ကင်မရာ၊ ပုံမှန်အားသွင်းစနစ်များထက် တစ်နာရီပိုမြန်သော VOOC 3.0 အမြန်အားသွင်းစနစ်၊ တစ်နေကုန်အသုံးပြုနိုင်သော တာရှည်ခံသည့် 4,020mAh ဘက်ထရီပမာဏ၊ ဖုန်းစွမ်းဆောင်ရည်ကို ပိုမိုမြန်ဆန်စေပြီး တုံ့ပြန်အား ပိုကောင်းစေသော Hyper Boost စနစ်၊ 4GB RAM+ 128GB ROM သိုလှောင်မှုပမာဏနှင့် Android 9.0 ကို အခြေခံထားသော ColorOS 6 ဖြင့် ထွက်ရှိမည်ဖြစ်သည်။ F11 ဖုန်းကို ဆန်းသစ်လှပသော Fluorite Purple အရောင်နှင့် Marble Green အရောင်ဟူသည့် 3D အရောင်ပြေးကာလာနှစ်မျိုးဖြင့် ရရှိမည်ဖြစ်သည်။

စူပါဟီးရိုးစွမ်းအားများကို စုပေါင်းထားသည့်အလား ဖန်တီးထားပြီး OPPO F11 Pro ၏ အဓိကဖုန်းအစိတ်အပိုင်းအားလုံး အပြည့်အစုံပါရှိသော F11 Pro Avengers Limited Edition စမတ်ဖုန်းနှင့် F Series ၏ မျိုးဆက်သစ်ဖြစ်သော F11 စမတ်ဖုန်းကို Marvel ပရိသတ်များ အထူးမျှော်လင့်စောင့်စားနေသည့် Avengers: Endgame ရုပ်ရှင်ဇာတ်ကား ပွဲဦးထွက်ရုံတင်ပြသမည့် ဧပြီလ (၂၆) ရက်နေ့တွင် ရန်ကုန်မြို့ စံရိပ်ငြိမ်ဂမုန်းပွင့်ရှိ မင်္ဂလာရုပ်ရှင်ရုံ၌ မိတ်ဆက်သွားမည်ဖြစ်သည်။

OPPO F11 Pro Avengers Limited Edition ဖုန်းနှင့် F Series မျိုးဆက်သစ် F11 ဖုန်းကို မကြာမီ မိတ်ဆက်မည်

%d bloggers like this: