လုံခြုံရေး အားနည်းတဲ့ 123456 ကို Password အဖြစ် သုံးနေကြ

UK ရဲ့ National Cyber Security Centre (NCSC) ရဲ့ စစ်တမ်း တစ်ခုအရ အွန်လိုင်း သုံးသူများဟာ ဆိုက်ဘာလုံခြုံရေး ဗဟုသုတများ အားနည်းနေတယ်ဆိုတာကို ဖော်ပြထားပါတယ်။ လူသန်းပေါင်းများစွာဟာ 123456 ကို Password အဖြစ် သုံးနေတယ်လို့ ဖော်ပြထားပါတယ်။ သူတို့က ဟက်ခံရတဲ့ အကောင့်များရဲ့ ဒေတာများကို စစ်ဆေးခဲ့ကြတာ ဖြစ်ပါတယ်။

123456 ကို အကောင့်ပေါင်း ၂၃ သန်းက အသုံးပြုထားပါတယ်။ ဒုတိယ လူသုံးအများဆုံးက 123456789 ဖြစ်ပါတယ်။ ပရီးမီးယားလိဂ် ဘောလုံး အသင်းများရဲ့ အမည်များကိုလည်း Password အနေနဲ့ သုံးကြပါတယ်။ အသုံးအများဆုံး အသင်းက လီဗာပူး ဖြစ်ပြီး နံပါတ် ၂ မှာ ချဲလ်ဆီး ဖြစ်ပါတယ်။ လူအမည်များကို Password အဖြစ် အသုံးပြုမှုအထဲမှာ Ashley , Michael , Daniel , Jessica နဲ့ Charlie များက အများဆုံး ဖြစ်ပါတယ်။

Password များဟာ ဟက်ကာများ ခိုးယူဖို့ ခက်ခဲအောင် ပြုလုပ်ထားသင့်ပါတယ်။ ရှည်လျားရှုပ်ထွေးပြီး အက္ခရာများ၊ နံပါတ်များ၊ အထူး သင်္ကေတများ ထည့်သွင်းထားသင့်ပါတယ်။ ဒါပေမယ့် မှတ်ရလွယ်အောင်လည်း ပြုလုပ်ထားသင့်ပါတယ်။

အခုခေတ်မှာ စွမ်းရည်မြင့်မားတဲ့ Password Manager များ ပေါ်လာပါပြီ။ သူတို့က အားကောင်းတဲ့ Password များကို ဖန်တီးပေးနိုင်ပါတယ်။ ဒါ့အပြင် User Name, Password များစွာကို မှတ်သားထားနိုင်ပါတယ်။ အရေးကြီး မှတ်စုများ၊ ဘဏ်အကောင့်များကိုလည်း သိမ်းထားပေးနိုင်ပါတယ်။ နာမည် အကြီးဆုံး Password Manager တစ်ခုက LastPass ဖြစ်ပြီး အခမဲ့ အသုံးပြုနိုင်ပါတယ်။

Ref : bbc

လုံခြုံရေး အားနည်းတဲ့ 123456 ကို Password အဖြစ် သုံးနေကြ

%d bloggers like this: