Microsoft က ၈၅ လက်မ Surface Hub 2 ကို ပြသ

Microsoft က အရွယ်ပိုကြီးတဲ့ Surface Hub 2 Model အသစ်ကို ပြသလိုက်ပါတယ်။ နယူးယောက်စီးတီးမှာ မိုက်ကရိုဆော့ဖ်က ၈၅ လက်မ Surface Hub 2 ကို ကြေညာလိုက်တာပါ။ ယခင် ၅၀ လက်မ မော်ဒယ်မှာလို မဟုတ်ဘဲ အရွယ်ကြီး မော်ဒယ်မှာ 16:9 Display ထည့်သွင်းထားပါတယ်။

၈၅ လက်မ မော်ဒယ်အသစ်ဟာ စကရင်ပိုကြီးတာကို အလို ရှိတဲ့ စီးပွားရေး လုပ်ငန်းများအတွက် ဖန်တီးထားတာ ဖြစ်ပါတယ်။ Surface ဌာနရဲ့ အကြီးအကဲ ဖြစ်သူ Panos Panay က မော်ဒယ် အသစ်ကို မိတ်ဆက်လိုက်တာပါ။ သူက လက်မ ၅၀ မော်ဒယ် ၂ ခု အကြားမှာ မော်ဒယ် အသစ်ကို ပြသခဲ့ပါတယ်။ ကုမ္ပဏီက မော်ဒယ် အသစ်ရဲ့ ဈေးကို မပြောသေးပါဘူး။ ၂၀၂၀ ခုနှစ်ထဲမှာ ရောင်းချမှာ ဖြစ်ပါတယ်။

ကုမ္ပဏီက Surface Hub 2S Model ကို ဒေါ်လာ ၉၀၀၀ နဲ့ ရောင်းချပေးလိုက်ပါပြီ။ သူ့အတွက် ဖြုတ်၊ တပ်နိုင်တဲ့ ဒေါက်တိုင်လည်း ထည့်ထားပါတယ်။ လာမယ့် နှစ်ထုတ် ၈၅ လက်မမော်ဒယ်အတွက် ဒေါက်တိုင်ကို အဆင့်မြှင့်ပေးထားမှာ ဖြစ်ပါတယ်။ ဒါ့အပြင် CPU, RAM , GPU များကလည်း အဆင့်မြင့်လာမှာပါ။ Operating System အသစ်ကိုလည်း ထည့်သွင်းထားမှာပါ။

Ref : theverge

Microsoft က ၈၅ လက်မ Surface Hub 2 ကို ပြသ

%d bloggers like this: