Word, Excel , PDF ဖိုင်များ ပြုလုပ်နိုင်တဲ့ OfficeSuite

Android Phone, Tablet များမှာ အလုပ်ကိစ္စများ ပြုလုပ်ချင်သူများအတွက် Microsoft Office Suite အစား အခြား တစ်ခုကို စမ်းသပ် အသုံးပြုချင်ရင်တော့ OfficeSuite ကို ရွေးချယ်နိုင်ပါတယ်။ OfficeSuite ကို Google Play Store ကနေ အခမဲ့ ဒေါင်းလုပ်လုပ်နိုင်ပါတယ်။ MobiSystems က ဖန်တီးထားတာဖြစ်ပြီး Word, PowerPoint, Excel , PDF များကို ဖန်တီးနိုင်ပါတယ်။ ရုံးသွား၊ ရုံးပြန်ချိန်များမှာ စမတ်ဖုန်းကနေ အလုပ်များ ပြုလုပ်ချင်သူများအတွက် အဆင်ပြေကောင်းမွန်ပါတယ်။

Documents များကို ဖန်တီးနိုင်တဲ့ အပြင် တည်းဖြတ်ခြင်း၊ ကြည့်ရှုခြင်းများကိုပါ ပြုလုပ်နိုင်ပါတယ်။ Microsoft Office Suite ထက် ထူးခြားတာကတော့ PDF ဖိုင်များကိုပါ ဖန်တီးနိုင်တာဖြစ်ပါတယ်။ Google Play Store မှာ Office Suite များစွာ ရှိတဲ့ အထဲမှာ OfficeSuite ဟာ အသုံးပြုမှုအများဆုံးထဲက တစ်ခုဖြစ်ပါတယ်။ နိုင်ငံပေါင်း ၂၀၅ နိုင်ငံမှာ အင်စတောလုပ်ထားတဲ့ Device ပေါင်း သန်း ၂၀၀ ကျော်ရှိပါတယ်။ PDF ဖိုင်ကနေ Word, Excel, PowerPoint ဖိုင်များကို ပြောင်းလဲနိုင်သလို အပြန်အလှန် ပြုလုပ်နိုင်ပါသေးတယ်။ Documents များစွာကို တစ်ပြိုင်နက် ဖွင့်နိုင်ပါတယ်။ App Settings များကို သင့်စိတ်ကြိုက် ပြင်ဆင်နိုင်ပြီး ပရိုဖိုင်အဖြစ်သိမ်းထားနိုင်ပါတယ်။

Excel မှ Sheets များ၊ Cells များကို အခြားလူများ ဖတ်လို့မရအောင် ကာကွယ်ထားနိုင်ပါတယ်။ ပုံနှိပ်စာရွက်များကို Scan ပြုလုပ်ပြီး PDF အဖြစ် သိမ်းပေးနိုင်တဲ့ စွမ်းဆောင်ချက်လည်းပါရှိပါတယ်။ File Commander ပါရှိပြီး ဖုန်းတွင်းမှ ဖိုင်များနဲ့ Cloud မှ ဖိုင်များကို ရယူနိုင်ပါတယ်။ Box, DropBox, Google Drive, OneDrive, Amazon Cloud များနဲ့ တွဲဖက် အသုံးပြုနိုင်ပါတယ်။ ဘာသာစကား ၅၆ မျိုးနဲ့ ထုတ်လုပ်ပေးထားပါတယ်။ သူဟာ Google Play Store မှာ ဒေါင်းလုပ်လုပ်မှုအများဆုံး App များထဲမှ တစ်ခု ဖြစ်ပါတယ်။ အခြား Office App များထက်လည်း လုပ်ဆောင်ချက်များ ပိုမိုပါဝင်ပါတယ်။

Download

Word, Excel , PDF ဖိုင်များ ပြုလုပ်နိုင်တဲ့ OfficeSuite

%d bloggers like this: