5G နဲ့ အဝေးကနေ ခွဲစိတ်နေတဲ့ တရုတ် ဆရာဝန်များ

သိပ်မကြာခင်မှာတော့ သင့်ကို ခွဲစိတ်ကုသမယ့် ဆရာဝန်ဟာ သင်နဲ့ အတူ ခွဲခန်းထဲမှာ ရှိနေစရာ မလိုတော့ပါဘူး။ စွမ်းရည်မြင့် 5G ဆက်သွယ်မှုနဲ့ ဆရာဝန်များက အဝေးကနေ ခွဲစိတ်နိုင်တော့မှာပါ။ ဒါကို တရုတ်က ဆရာဝန်များက ယခုလ အစောပိုင်းမှာ အောင်မြင်စွာ စမ်းသပ်နိုင်ခဲ့ကြပါတယ်။ နှလုံးခွဲစိတ် အထူးကု Huiming Guo က အသက် ၄၁ နှစ်အရွယ် အမျိုးသမီးကို ခွဲစိတ်ရာမှာ အဝေးကနေ ပါဝင်ခဲ့တာပါ။ Guo ဟာ Guangdong General Hospital ကနေ သူနဲ့ ကီလိုမီတာ ၄၀၀ အကွာမှာ ရှိတဲ့ Gaozhou People’s Hospital မှ လူနာကို ခွဲစိတ်ပေးခဲ့တာပါ။

5G ကို သုံးတဲ့ အတွက် 4K Ultra-high Definition Live Video ကို မထစ်မငေါ့ဘဲ ကြည့်ရှုပြီး ညွှန်ကြားမှုများ ပြုလုပ်ပေးခဲ့တာပါ။ ခွဲစိတ်မှုဟာ ၄ နာရီ ကြာမြင့်ခဲ့ပါတယ်။ ဆေးရုံက သုံးတဲ့ 5G ကွန်ရက်ဟာ 4G ထက် ၁၀ ဆ ပိုမြန်ပါတယ်။ ဒီလို လူ့အသက်နဲ့ သက်ဆိုင်တဲ့ ကိစ္စများမှာ 5G ဟာ အလွန် အရေးပါလာပါတယ်။

“ အဆင့်မြင့် အင်တာနက် နည်းပညာကြောင့် ဆရာဝန်တွေဟာ ခရီးတွေ သွားစရာ မလိုဘဲ အဝေးကနေ လူနာများကို ခွဲစိတ်နိုင်ပါပြီ။ အချိန်ကုန် သက်သာသွားတဲ့ အတွက် လူနာတွေရဲ့ အသက်တွေကို ပိုပြီး ကယ်တင်ပေးနိုင်ပါတယ်။ “ လို့ Guangdong General Hospital မှ Zhiwei Zhang က မီဒီယာများကို ပြောပါတယ်။

ဒါဟာ အဝေးကနေ လူနာကို ခွဲစိတ်တဲ့ ပထမဆုံး အကြိမ် မဟုတ်ပါဘူး။ မကြာခင်ကပဲ Guangdong မှ Second Prople’s Hospital မှ ဆရာဝန်တစ်ယောက်ဟာ သူနဲ့ ၂၀၀ ကီလိုမီတာ အကွာမှ Guangdong’s Yangshan Hospital မှ လူနာကို ခွဲစိတ်ပေးခဲ့ပါတယ်။

Ref : digitaltrends

5G နဲ့ အဝေးကနေ ခွဲစိတ်နေတဲ့ တရုတ် ဆရာဝန်များ

%d bloggers like this: