Facebook မှာ တစ်ခြားလူအား စော်ကားတဲ့ စကားတွေပြောလို့ ထောင်ကျခံရမယ့် အမျိုးသမီး

ဗြိတိန် အမျိုးသမီး တစ်ဦးဟာ သူမ ခင်ပွန်းဟောင်းရဲ့ နောက်မိန်းမအား Facebook မှာ မြင်းလို့ စော်ကားတဲ့ အတွက် ဒူဘိုင်းမှာ ထောင် ၂ နှစ်ကျခံရတော့မှာပါ။ အမျိုးသမီးရဲ့ အမည်က Laleh Shahravesh ဖြစ်ပြီး အသက် ၅၅ နှစ်ရှိပါပြီ။ သူမ ခင်ပွန်းဟောင်းရဲ့ အသုဘကို လာတဲ့အချိန် ဒူဘိုင်း လေဆိပ်မှာ ဖမ်းဆီးလိုက်တာ ဖြစ်ပါတယ်။

သူမဟာ ၂၀၁၆ ခုနှစ်မှာ သူမ ခင်ပွန်းဟောင်း နောက်မိန်းမ ထပ်ယူတဲ့ အကြောင်း တင်ထားတဲ့ ပို့စ်မှာ မန့်ခဲ့တဲ့ ကွန်းမန့် ၂ ခုကြောင့် တရားရင်ဆိုင်ရတာပါ။ သူမဟာ ခင်ပွန်းဖြစ်သူနဲ့ ၁၈ နှစ်ကြာ ပေါင်းသင့်ခဲ့တာပါ။ United Arab Emirates မှာ ၈ လကြာ နေထိုင်ခဲ့ကြပါတယ်။ သူမ ဗြိတိန်ကို သမီးနဲ့ ပြန်သွားပြီးနောက်မှာ ခင်ပွန်းဟာ UAE မှာပဲ ဆက်နေထိုင်ပါတယ်။ ပြီးတော့ လင်မယား ကွာရှင်းခဲ့ကြပါတယ်။

Ms Shahravesh ဟာ ခင်ပွန်းဟောင်း နောက်မိန်းမ ယူတဲ့ ပို့စ်ကို Facebook မှာ တွေ့လိုက်တဲ့ အခါမှာ ကွန်းမန့် ၂ ခုကို ဝင်ရေးခဲ့ပါတယ်။ တစ်ခုက အဲဒီ မြင်းမကြောင့် နင် ငါ့ကို ထားသွားတာကိုး ဆိုပြီး ဖြစ်ပါတယ်။ UAE ရဲ့ ဆိုက်ဘာ ဥပဒေမှာ တစ်စုံတစ်ယောက်ဟာ အခြား လူတစ်ဦးရဲ့ ဂုဏ်သိက္ခာကို စော်ကားရင် ထောင်ဒဏ်၊ ငွေဒဏ်များ ရိုက်နိုင်တယ်လို့ ပါရှိပါတယ်။

သူမကို ဒူဘိုင်းမှာ ထိန်းသိမ်းထားပြီး ထောင်ဒဏ် ၂ နှစ်အထိ သို့မဟုတ် စတာလင်ပေါင် ၅၀ ၀၀၀ ကျခံရနိုင်ပါတယ်။ သူမဟာ ကွန်းမန့်များကို ဗြိတိန်မှာ ရှိနေစဉ် ရေးသားခဲ့တာပါ။ ဒါပေမယ့် နောက်မိန်းမက ဒူဘိုင်းမှာ နေထိုင်နေပြီး တိုင်ကြားခဲ့တာပါ။

Ref : bbc

Facebook မှာ တစ်ခြားလူအား စော်ကားတဲ့ စကားတွေပြောလို့ ထောင်ကျခံရမယ့် အမျိုးသမီး

%d bloggers like this: