Android အတွက် အလန်းစား VPN များ

VPN Apps များဟာ သင့်ရဲ့ IP Address ကို ဖျောက်ပေးနိုင်တဲ့အတွက် အင်တာနက်မှာ ခြေရာဖျောက်နိုင်သလို သင့်နိုင်ငံမှ ကြည့်လို့ မရတဲ့ ဝက်ဆိုက်များကိုလည်း ကျော်ခွ ကြည့်နိုင်ပါတယ်။ အစိုးရနဲ့ ISP များက သင့်ရဲ့ အင်တာနက် အသုံးပြုမှုကို ခြေရာခံလို့ မရပါဘူး။ VPN Apps များစွာ အထဲကမှ အကောင်းဆုံးများကို ရွေးချယ် တင်ဆက်ပေးလိုက်ပါတယ်။

၁။ SurfEasy

SurfEasy ကို Opera က ထုတ်လုပ်ထားပြီး အခမဲ့ သုံးနိုင်ပါတယ်။ ကမ္ဘာအဝန်းမှာ အသုံးပြုသူ သန်း ၃၅၀ ကျော် ရှိပါတယ်။ အင်တာနက်မှာ ကိုယ်ယောင်ဖျောက်ပေးနိုင်တဲ့အတွက် သင့်ရဲ့ Privacy အတွက် စိတ်ချရပါတယ်။ အကောင့်တစ်ခုအတွက် သင့် Device ၅ ခုမှာ သူ့ကို သုံးနိုင်ပါတယ်။ အိမ်၊ ကျောင်း၊ ရုံး စတဲ့ နေရာ အားလုံးမှာ သင့်ရဲ့ အင်တာနက် အသုံးပြုမှုကို ဖုံးကွယ်ပေးနိုင်ပါတယ်။

Download

၂။ VPN SecureLine by Avast – Security & Privacy Proxy

SecureLine VPN ကို Avast က ဖန်တီးထားတာ ဖြစ်ပါတယ်။ သင့်နိုင်ငံကနေ ကြည့်လို့ မရတဲ့ ဝက်ဆိုက်များကို ကြည့်ဖို့၊ သင့်ရဲ့ အင်တာနက် အသုံးပြုမှုကို လုံခြုံစေဖို့အတွက် အကောင်းဆုံး VPN App တစ်ခု ဖြစ်ပါတယ်။ နိုင်ငံများစွာကို ရွေးချယ်နိုင်တဲ့အတွက် နိုင်ငံကန့်သတ်ချက်ရှိတဲ့ ဝက်ဆိုက်များကို ကြည့်ဖို့ အဆင်ပြေပါတယ်။ Private Encryption VPN Tunnel ကို သုံးထားတဲ့အတွက် အများသုံး ဝိုင်ဖိုင်ကို သင် သုံးနေရင်တောင် ဟက်ကာများက သင့်ရဲ့ ဒေတာများကို မခိုးနိုင်ပါဘူး။

၃။ FREEDOME VPN Unlimited anonymous Wifi Security

F-Secure Freedome VPN ကလည်း အကောင်းဆုံးများထဲမှ တစ်ခု ဖြစ်ပါတယ်။ User Interface က ရိုးရှင်းပြီး အသုံးပြုရတာ လွယ်ကူပါတယ်။ အင်တာနက်မှာ ခြေရာလက်ရာ မကျန်ချင်ရင် F-Secure Freedome VPN က ရွေးချယ်စရာ တစ်ခု ဖြစ်ပါတယ်။

Download

၄။ VPN: Best Private & Secure VyprVPN

VyprVPN က သင့်ရဲ့ Online Privacy အတွက် ကောင်းမွန်တဲ့ VPN App တစ်ခု ဖြစ်ပါတယ်။ အခမဲ့ အနေဖြင့် အကောင့်တစ်ခုလျှင် 1GB သုံးနိုင်ပါတယ်။ သင့်ရဲ့ Android Device ကနေ လုံခြုံစွာ အင်တာနက် သုံးချင်ရင်တော့ VyprVPN ကို စမ်းသပ် အသုံးပြုသင့်ပါတယ်။

၅။ TunnelBear VPN

TunnelBear က Android အတွက် နာမည်ကြီးတဲ့ VPN App တစ်ခု ဖြစ်ပါတယ်။ အမေရိကန်၊ ဗြိတိန်တို့လို Virtual Location ကို အသုံးပြု၍ ကန့်သတ်ထားတဲ့ ဝက်ဆိုက်များကို ကြည့်နိုင်ပါတယ်။ လုံခြုံတဲ့ Encryption ခံထားတဲ့အတွက် နေအိမ်၊ ကျောင်းနဲ့ အများသုံး ဝိုင်ဖိုင်များမှာ သင့်ရဲ့ အင်တာနက် အသုံးပြုမှုကို ခြေရာဖျောက်ပေးနိုင်ပါတယ်။

၆။ Hotspot Shield

Hotspot Shield က လွန်ခဲ့တဲ့ နှစ်များစွာ ကတည်းက ထွက်ပေါ်ခဲ့တဲ့ နာမည်ကြီး VPN App တစ်ခု ဖြစ်ပါတယ်။ အများသုံး ဝိုင်ဖိုင်များမှာတောင် သင့်ရဲ့ ဒေတာများကို လုံခြုံစေပါတယ်။ အွန်လိုင်းမှာ သင့်ကို ကာကွယ်စောင့်ရှောက်ပေးနိုင်တဲ့အတွက် စမ်းသပ် အသုံးပြုသင့်ပါတယ်။

Download

၇။ ExpressVPN

ExpressVPN ကတော့ Android အတွက် အမြန်ဆုံး VPN App ဖြစ်ပါတယ်။ လျှင်မြန်ပြီး တုန့်ပြန်မှုအား ကောင်းပါတယ်။ အသုံးပြုရတာလည်း လွယ်ကူပါတယ်။ သင့် Android မှာ အင်စတောလုပ်ပြီးတာနဲ့ နေရာတိုင်း ၊ အချိန်တိုင်း လုံခြုံစိတ်ချစွာ အင်တာနက် သုံးနိုင်ပါတယ်။

၈။ NordVPN

NordVPN ကလည်း Android အတွက် ကောင်းမွန်တဲ့ VPN App ဖြစ်ပါတယ်။ ကျောင်း၊ ရုံးနဲ့ အများသုံး ဝိုင်ဖိုင်များကို သုံးနေစဉ်မှာ သင့်ရဲ့ ကိုယ်ရေးကိုယ်တာ ဒေတာများ လုံခြုံအောင် သူက ကာကွယ်ပေးပါတယ်။ အခြား VPN Apps များလိုပဲ ကန့်သတ်ထားတဲ့ ဝက်ဆိုက်များကို ကြည့်နိုင်ပါတယ်။

၉။ Snap VPN – Unlimited Free & Super Fast VPN Proxy

Free VPN proxy by Snap VPN ကို အခမဲ့ အသုံးပြုနိုင်ပြီး Username, Password များလည်း မလိုအပ်ပါဘူး။ တစ်နည်းအားဖြင့် အကောင့်တစ်ခု ပြုလုပ်ဖို့ မလိုအပ်ဘဲ သူ့ကို အသုံးပြုနိုင်ပါတယ်။

Download

၁၀။ Turbo VPN

Turbo VPN ကိုလည်း Bandwidth အကန့်အသတ် မရှိ အခမဲ့ အသုံးပြုနိုင်ပါတယ်။ နိုင်ငံကန့်သတ်ချက်ရှိတဲ့ ဝက်ဆိုက်များကို ကြည့်ရှုနိုင်အောင် သူက ပံ့ပိုးပေးနိုင်ပါတယ်။ အများသုံး ဝိုင်ဖိုင်များမှာလည်း သင့်ရဲ့ ဒေတာများကို သူက ကာကွယ်ပေးပါတယ်။

ref : tricksgalaxy

Android အတွက် အလန်းစား VPN များ

%d bloggers like this: