ေရာင္းအား မေကာင္းလို႔ iPhone ေတြကို ေစ်းေလွ်ာ့ေရာင္းခ်မယ့္ Tim Cook

Apple CEO Tim Cook က ေရာင္းအား ေကာင္းေစဖို႔ အခ်ိဳ႕ ႏုိင္ငံမ်ားမွာ အုိင္ဖုန္းေတြကို ေစ်းေလွ်ာ့ေရာင္းခ်မယ္လို႔ ေျပာပါတယ္။ Apple ဟာ ၿပီးခဲ့တဲ့ အဂၤါေန႔မွာ ေနာက္ဆံုး ကြာတားမွာ အိုင္ဖုန္း ကေန ၀င္ေငြ ေဒၚလာ ၅၁.၉ ဘီလီယမ္ ရရွိခဲ့ၿပီး ယခင္ႏွစ္ကထက္ ၁၅ ရာခုိင္ႏႈန္း ေရာင္းအား က်ဆင္းခဲ့တယ္လို႔ ထုတ္ျပန္ေၾကညာပါတယ္။ ဒီလို ေၾကညာအၿပီးမွာ ဒီသတင္းထြက္လာတာ ျဖစ္ပါတယ္။

ႏိုင္ငံတကာမွာ ေဒၚလာေစ်းဟာ မာေနတဲ့ အတြက္ Apple ဟာ အိုင္ဖုန္းမ်ားကို ေစ်းေလွ်ာ့ေရာင္းခ်ဖို႔ စဥ္းစားေနတယ္လို႔ Cook က Reuters ကို ေျပာပါတယ္။ Apple က ၂၀၁၈ ခုႏွစ္ ဒီဇင္ဘာလကုန္မွာ အဆံုးသတ္တဲ့ ကြာတားမွာ စုစုေပါင္း ၀င္ေငြ ေဒၚလာ ၈၄.၃ ဘီလီယမ္ ရရွိခဲ့ၿပီး ယခင္ႏွစ္က အဲဒီ ကြာတားထက္ ၅ ရာခုိင္ႏႈန္း က်ဆင္းခဲ့တယ္လုိ႔ ေၾကညာပါတယ္။ ဆယ္စုႏွစ္အတြင္းမွာ အျမတ္ေငြနဲ႔ ၀င္ေငြ က်ဆင္းျခင္းဟာ Apple အတြက္ ဒါ ပထမဆံုး ျဖစ္ပါတယ္။

ယခုလ အေစာပိုင္းကတည္းက တင္ကြတ္က အိုင္ဖုန္း ေရာင္းအားမ်ား က်ဆင္းႏိုင္တယ္ဆိုတာကို ရွယ္ယာရွင္မ်ားအား အသိေပးခဲ့ပါတယ္။ ယခုလ ၂ ရက္ေန႔က ထုတ္ျပန္တဲ့ ေၾကညာခ်က္မွာ တင္ကြတ္က “ ကမာၻ႕ စီးပြားေရး က်ဆင္းေနပါတယ္။ အထူးသျဖင့္ တရုတ္မွာပါ။ ေဒၚလာေစ်းလည္း မာေနတဲ့ အတြက္ ေရာင္းအား က်ဆင္းႏုိင္ပါတယ္။ ဒါ့အျပင္ အိုင္ဖုန္း ဘက္ထရီ လဲလွယ္ခမ်ားကို ေလွ်ာ့ခ်ေပးခဲ့တာကလည္း အုိင္ဖုန္း အသစ္မ်ား ေရာင္းအား က်ေစတဲ့ အခ်က္ပါ။ “ လို႔ ေရးသားထားပါတယ္။

Ref : digitaltrends

[Unicode]

ရောင်းအား မကောင်းလို့ iPhone တွေကို ဈေးလျှော့ရောင်းချမယ့် Tim Cook

Apple CEO Tim Cook က ရောင်းအား ကောင်းစေဖို့ အချို့ နိုင်ငံများမှာ အိုင်ဖုန်းတွေကို ဈေးလျှော့ရောင်းချမယ်လို့ ပြောပါတယ်။ Apple ဟာ ပြီးခဲ့တဲ့ အင်္ဂါနေ့မှာ နောက်ဆုံး ကွာတားမှာ အိုင်ဖုန်း ကနေ ဝင်ငွေ ဒေါ်လာ ၅၁.၉ ဘီလီယမ် ရရှိခဲ့ပြီး ယခင်နှစ်ကထက် ၁၅ ရာခိုင်နှုန်း ရောင်းအား ကျဆင်းခဲ့တယ်လို့ ထုတ်ပြန်ကြေညာပါတယ်။ ဒီလို ကြေညာအပြီးမှာ ဒီသတင်းထွက်လာတာ ဖြစ်ပါတယ်။

နိုင်ငံတကာမှာ ဒေါ်လာဈေးဟာ မာနေတဲ့ အတွက် Apple ဟာ အိုင်ဖုန်းများကို ဈေးလျှော့ရောင်းချဖို့ စဉ်းစားနေတယ်လို့ Cook က Reuters ကို ပြောပါတယ်။ Apple က ၂၀၁၈ ခုနှစ် ဒီဇင်ဘာလကုန်မှာ အဆုံးသတ်တဲ့ ကွာတားမှာ စုစုပေါင်း ဝင်ငွေ ဒေါ်လာ ၈၄.၃ ဘီလီယမ် ရရှိခဲ့ပြီး ယခင်နှစ်က အဲဒီ ကွာတားထက် ၅ ရာခိုင်နှုန်း ကျဆင်းခဲ့တယ်လို့ ကြေညာပါတယ်။ ဆယ်စုနှစ်အတွင်းမှာ အမြတ်ငွေနဲ့ ဝင်ငွေ ကျဆင်းခြင်းဟာ Apple အတွက် ဒါ ပထမဆုံး ဖြစ်ပါတယ်။

ယခုလ အစောပိုင်းကတည်းက တင်ကွတ်က အိုင်ဖုန်း ရောင်းအားများ ကျဆင်းနိုင်တယ်ဆိုတာကို ရှယ်ယာရှင်များအား အသိပေးခဲ့ပါတယ်။ ယခုလ ၂ ရက်နေ့က ထုတ်ပြန်တဲ့ ကြေညာချက်မှာ တင်ကွတ်က “ ကမ္ဘာ့ စီးပွားရေး ကျဆင်းနေပါတယ်။ အထူးသဖြင့် တရုတ်မှာပါ။ ဒေါ်လာဈေးလည်း မာနေတဲ့ အတွက် ရောင်းအား ကျဆင်းနိုင်ပါတယ်။ ဒါ့အပြင် အိုင်ဖုန်း ဘက်ထရီ လဲလှယ်ခများကို လျှော့ချပေးခဲ့တာကလည်း အိုင်ဖုန်း အသစ်များ ရောင်းအား ကျစေတဲ့ အချက်ပါ။ “ လို့ ရေးသားထားပါတယ်။

Ref : digitaltrends

%d bloggers like this: