0 Shares 170 Views

Siri ကို ဖန်တီးခဲ့သူတွေက Apple နဲ့ ခွာပြဲပြီးနောက်၊ ပိုမိုစွမ်းဆောင်ရည်မြင့်တဲ့ ‘Viv’ ကို ရေးဆွဲနေ

May 05, 2016
0 170

iOS မှာ ပါတဲ့ နာမည်ကျော် AI ဆော့ဖ်ဝဲ Siri ကို ရေးဆွဲခဲ့တဲ့ ပညာရှင်နှစ်ဦးဟာ အခုဆိုရင် နောက်ထပ် ပရောဂျက်အသစ်တစ်ခုကို ထပ်မံအကောင်အထည်ဖော်နေပြီလို့ သိရပါတယ်။

ဝါရှင်တန်ပို့စ်က ဖော်ပြချက်အရ Siri ကို ဖန်တီးခဲ့သူတွေဟာ ‘Viv’ အမည်ရ AI ဆော့ဖ်ဝဲတစ်ခုကို ရေးဆွဲနေပြီး၊ ‘Viv’ ဟာ Siri အပါအ၀င် လက်ရှိဈေးကွက်တွင်းက ဒီဂျစ်တယ်အထောက်အကူပြုဆော့ဖ်ဝဲတွေထက် စွမ်းဆောင်ရည်အများကြီးပိုမြင့်တယ်လို့ ဆိုပါတယ်။

Siri ကို Dag Kittlaus နဲ့ Adam Cheyer ဆိုသူနှစ်ဦးက ပူးတွဲဖန်တီးခဲ့တာဖြစ်ပြီး၊ အခုဆိုရင် သူတို့နှစ်ဦးလုံးဟာ ‘Viv’ ကို အတူတူ ထပ်ရေးနေကြပါတယ်။ Kittlaus နဲ့ Cheyer အပြင်၊ Siri ကို ရေးဆွဲခဲ့တဲ့အဖွဲ့ဝင် သုံးပုံတစ်ပုံလောက်ဟာလည်း Apple ကနေ ထွက်ကာ၊ ‘Viv’ ကို အတူတူရေးဆွဲနေကြတယ်လို့ သိရပါတယ်။ သူတို့အဖွဲ့ဟာ Siri ရဲ့ လုပ်ဆောင်နိုင်စွမ်းအပေါ် Apple ကုမ္ပဏီနဲ့ သဘောထားချင်းမတိုက်ဆိုင် မှုတွေဖြစ်ပြီး၊ ထွက်ခဲ့ရတာပါ။

Kittlaus နဲ့ Cheyer တို့နှစ်ဦး ‘Siri’ ကို ဖြစ်စေချင်ခဲ့တဲ့ပုံစံအတိုင်း ‘Viv’ ကို ရေးဆွဲနေပြီး၊ Siri မလုပ်ဆောင်နိုင်တဲ့အရာများစွာကို လုပ်ဆောင်နိုင်တယ်လို့ ဆိုပါတယ်။ ဥပမာအားဖြင့်၊ နောက်ထပ် app တစ်ခု ဒေါင်းလုပ်ဆွဲစရာ၊ စာရိုက်စရာမလိုဘဲ၊ Viv ကနေ ပီဇာ တန်းပြီး လှမ်းမှာနိုင်တာမျိုး ဖြစ်ပါတယ်။

Viv မှာ third-party apps တွေ ချိတ်ဆက်ထည့်ထားတာကြောင့်၊ ပီဇာမှာတာမျိုးထက် ပိုမိုရှုပ်ထွေးတာတွေလည်း လုပ်ဆောင်နိုင်ပါတယ်။ “ ကားတစ်စီးလောက် ခေါ်ပေးပါ” လို့ ခိုင်းတာမျိုးမှာ၊ Uber ၀န်ဆောင်မှုကနေတဆင့် ကားတွေငှားရမ်းနိုင်မှာဖြစ်ပြီး၊ ဒီလိုမျိုး တူညီတဲ့ခိုင်းစေမှုမျိုးအတွက် မတူညီတဲ့ app ပေါင်း ၅၀ ကျော်လောက် ချိတ်ဆက်ထားတယ်လို့ သိရပါတယ်။

ပိုစိတ်ဝင်စားစရာကောင်းတာကတော့၊ ယခု ‘Viv’ မှာ ပါဝင်လာမယ့်စွမ်းဆောင်ရည်တော်တော်များများဟာ Siri မူလအစဗားရှင်းမှာကတည်းက ပါဝင်တာဖြစ်ပေမယ့်၊ Apple ဟာ Siri ကို အသုံးပြုရပိုမိုလွယ်ကူရိုးရှင်းမှု ရှိအောင် ပြင်ဆင်လိုက်တာဖြစ်ပါတယ်။ Kittlaus နဲ့ Cheyer တို့ဟာ Siri ကို “ စကားတတ်တဲ့ AI ချက်တင်းဘော့’ အဆင့်လောက်ပဲ ရည်ရွယ်ခဲ့တာမဟုတ်ဘဲ၊ ‘မိုဘိုင်းစီးပွားရေးဈေးကွက်ကို ပြန်လည်ဆန်းသစ်နိုင်ဖို့’ မျှော်မှန်းခဲ့တာဖြစ်တယ်လို့ ဆိုပါတယ်။

Viv ဟာ Amazon ရဲ့ Alexa ပလက်ဖောင်းနဲ့ နေရာတော်တော်များများမှာတူညီပါတယ်။ အထူးသဖြင့် ဒီ AI ဆော့ဖ်ဝဲ နှစ်ခုလုံးဟာ အဓိကအားဖြင့် third-party service ပြင်ပ၀န်ဆောင်မှုတွေကို မှီခိုလုပ်ဆောင်တာပါ။ ဒီအတွက်ကြောင့် အသုံးပြုသူရဲ့ ပုဂ္ဂိုလ်ရေးလုံခြုံမှုမှာတော့ အနည်းငယ်အားနည်းချက်တွေ ရှိလာနိုင်မှာဖြစ်ပြီး၊ Siri ကတော့ Apple ရဲ့ မူဝါဒအတိုင်း လုံခြုံရေးကို ပိုဦးစားပေးထားပါတယ်။

‘Viv’ ကို Facebook နဲ့ Google တို့က ၀ယ်ယူဖို့ ကမ်းလှမ်းခဲ့တယ်လို့လည်း သိရပြီး၊ အောင်မြင်မှုတော့ မရရှိခဲ့ပါဘူး။ ဒီလာမယ့် တနလာင်္နေ့မှာ Viv ကို စတင်ပြသသွားမှာပါ။

You may be interested

ရေအောက်ထဲမှာ အသုံးပြုလို့ရတဲ့ Casio ရဲ့ အကြမ်းခံ Action Camera
Camera, NEWS
211 shares26 views

ရေအောက်ထဲမှာ အသုံးပြုလို့ရတဲ့ Casio ရဲ့ အကြမ်းခံ Action Camera

Ko Thuya - Nov 22, 2017

Casio က အကြမ်းခံတဲ့ Action Camera အသစ်တစ်လုံးကို မိတ်ဆက်လိုက်ပါတယ်။ ကင်မရာဟာ ကုမ္ပဏီရဲ့ နာမည်ကျော် G-Shock Brand နဲ့ ပုံသဏ္ဍာန် ဆင်တူပါတယ်။ သူ့ရဲ့ အမည်ကတော့ G’z Eye GZE-1 ဖြစ်ပြီး အဲဒီအမည်ဟာ Casio…

OnePlus 5T နဲ့ ပတ်သက်တဲ့ သိသင့်တဲ့ အချက် လေးချက်
Android, FEATURES, HUBS
258 shares78 views

OnePlus 5T နဲ့ ပတ်သက်တဲ့ သိသင့်တဲ့ အချက် လေးချက်

Ko Thuya - Nov 22, 2017

OnePlus က သူ့ရဲ့ စွမ်းဆောင်ရည်မြင့် 5T စမတ်ဖုန်းကို မိတ်ဆက်ပြီး တစ်ပတ်အကြာမှာပဲ အချို့နိုင်ငံများမှာ ရောင်းချပေးလိုက်ပါပြီ။ သူ့ရဲ့ နာမည်ကျော် OnePlus 5 ကို ရောင်းချအပြီး ငါးလအကြာမှာ 5T ကို ရောင်းချပေးလိုက်တာ ဖြစ်ပါတယ်။ OnePlus ဟာ…

Facebook Messenger မှာ 4K resolution နဲ့ ပုံတွေ ပေးပို့နိုင်ပြီ
NEWS, Softwares & Application
352 shares576 views

Facebook Messenger မှာ 4K resolution နဲ့ ပုံတွေ ပေးပို့နိုင်ပြီ

Nwe Oo - Nov 22, 2017

အရင်က Facebook Messenger မှာ ပုံတွေပို့လိုက်တယ်ဆိုရင် ပုံတွေရဲ့ဖိုင်ဆိုဒ်ပမာဏကို ချုံ့ပြီးမှပို့တာကြောင့် မူလ resolution အတိုင်းမရဘဲ ဝါးသွားတာမျိုးတွေရှိပါတယ်။ အခုတော့ Facebook Messenger မှာ ပို့လိုက်တဲ့ resolution အတိုင်း ရနိုင်ပြီဖြစ်ပါတယ်။ ဘယ်လိုကွာသွားသလဲဆိုတာကို ပုံလေးတွေမှာကြည့်လိုက်ရအောင် အရင်တုန်းက Facebook…

Leave a Comment

Most from this category