အူရီဒူးမြန်မာမှ တနင်္သာရီတိုင်းဒေသကြီးတွင် ၁၁ ခုမြောက် နှင့် ၁၂ခုမြောက် ကျေးလက်ကျန်းမာရေးဌာနခွဲအား ကျန်းမာရေး နှင့် အားကစားဝန်ကြီးဌာနသို့ လွှဲပြောင်းပေးအပ်

အူရီဒူးမြန်မာသည် တနင်္သာရီတိုင်းဒေသကြီး သရက်ချောင်းမြို့နယ် နှင့် လောင်းလုံးမြို့နယ်တို့တွင် ၎င်းတို့လှူဒါန်းထားသော ၁၁ ခုမြောက် နှင့် ၁၂ ခုမြောက် ကျေးလက်ကျန်းမာရေးဌာနခွဲ အား ကျန်းမာရေး နှင့် အားကစားဝန်ကြီးဌာနသို့ လွှဲပြောင်းပေးအပ်ခဲ့ပါသည်။ ဤစီမံကိန်း၏ အဓိကရည်ရွယ်ချက်မှာ ဒေသခံပြည်သူလူထုများ၏ ကျန်းမာရေးလိုအပ်ချက်များ အထူးသဖြင့် မိခင်များ၊ မွေးကင်းစကလေးငယ်များ နှင့် ကလေးသူငယ်များ၏ ကျန်းမာရေး စောင့်ရှောက်မှုအတွက် အဓိကထား၍ ဝန်ဆောင်မှုပေးရန်ဖြစ်သည်။

အဆိုပါ လွှဲပြောင်းပေးအပ်ပွဲအခမ်းအနားကို ၂၀၁၈ ခုနှစ်၊ ဒီဇင်ဘာလ ၁၂ရက် တွင် တနင်္လာရီတိုင်း၊ ထားဝယ်ခရိုင်၊ သရက်ချောင်းကျေးရွာရှိ ပိန်းတောကျေးရွာ နှင့် လောင်းလုံးမြို့နယ်ရှိ ကရင်ကြီးရွာတို့၌ ကျင်းပခဲ့ပြီး တနင်္လာရီတိုင်းဒေသကြီးမှ လူမှုရေးရာနှင့် စည်ပင်သာယာရေးဝန်ကြီးဌာမှ ဝန်ကြီး ဦးဟိုပင်၊ သယံဇာတနှင့် သဘာဝပတ်ဝန်းကျင်ထိန်းသိမ်းရေး ဝန်ကြီးဌာန ဝန်ကြီး ဦးမြင့်မောင်၊ ကရင်တိုင်းရင်းသားရေးရာဝန်ကြီး ဦးစောလုကာ နှင့် အတူ အစိုးရ အရာရှိများ၊ အားကစား နှင့် ကျန်းမာရေး ဝန်ကြီးဌာနမှ ကိုယ်စားလှယ်များ၊ UNOPS မှ တာဝန်ရှိသူများ၊ ကျေးရွာပြည်သူလူထုများနှင့် အူရီဒူး မြန်မာအဖွဲ့သားများ တက်ရောက်ခဲ့သည်။

အူရီဒူးမြန်မာသည် ကဏ္ဍ ၂ခုဖြစ်သော ကျန်းမာရေးနှင့် ပညာရေးကဏ္ဍတို့တွင် အဓိကထားပြီး ပြည်သူလူထုကို ကူညီပံ့ပိုးပေးလိုပါသည်။ အူရီဒူးမြန်မာမှ ကျေးလက်ကျန်းမာရေး ဌာနခွဲ ၂၁ခုကို မြန်မာနိုင်ငံတစ်ဝှမ်းလုံးတွင် ဆောက်လုပ်ရန် ငွေကြေး အမေရိကန်ဒေါ်လာ ၃.၁ သန်း အပြည့်အ၀ ကူညီပံ့ပိုးထားပြီး ဆောက်လုပ်မှုကို ကြီးကြပ်ဆောင်ရွက်ရန် UNOPS နှင့် ပူးပေါင်းဆောင်ရွက်ခဲ့ပါသည်။ အဆိုပါ ကျေးလက်ကျန်းမာရေးဌာနခွဲများသည် မြန်မာနိုင်ငံတစ်ဝှမ်းရှိ ကျေးလက်နှင့် မြို့စွန်ဒေသများတွင် နေထိင်သော ပြည်သူလူထုအား ပိုမိုကောင်းမွန်သော ကျန်းမာရေးစောင့်ရှောက်မှု ရရှိစေရန် ရည်ရွယ်ပါသည်။

ကျေးလက်ကျန်းမာရေး ဌာနခွဲများမှ တစ်ဆင့် လောင်းလုံမြို့နယ် ကရင်ကြီးကျေးရွာ နှင့် ပတ်ဝန်းကျင်ရှိ ကျေးရွာပေါင်း (၄)ရွာတွင် နေထိုင်ကြသော အိမ်ထောင်စု ၁၀၂၃ အတွက် ပိုမို ကောင်းမွန်သော ကျန်းမာရေးစောင့်ရှောက်မှုများရှိနေပြီ ဖြစ်သည့်အပြင် သရက်ချောင်းမြို့နယ်အတွင်းရှိ ပိန်တောကျေးရွာနှင့် ပတ်ဝန်းကျင်ရှိ ကျေးရွာ (၃)ရွာရှိ အိမ်ထောင်စု ၁၁၆၆ စု အတွက် ပိုမို ကောင်းမွန်သော ကျန်းမာရေးစောင့်ရှောက်မှုများ ရရှိနိုင်ပြီ ဖြစ်ပါသည်။

၎င်းဒေသတဝိုက်တွင် နေထိုင်ကြသော ကိုယ်ဝန်ဆောင်မိခင်များ အနေဖြင့် မီးဖွားရန်အတွက် မီးဖွားခန်း မရှိခြင်းကြောင့် မီးဖွားဆရာမ များမှာ ၎င်းတို့၏ နေအိမ်များသို့ ကိုယ်တိုင်သွားရောက်၍ မီးဖွားပေးကြရသည်။ သန့်ရှင်းမှု အပြည့်အဝမရှိသောကြောင့် မိခင်များ နှင့် မွေးကင်းစကလေးငယ်များ၏ အသက်ဆုံးရှုံးမှုနှုန်းကို မြင့်တက်ခဲ့သည်။ အဆိုပါဒေသများတွင် နေထိုင်ကြသော ကျေးလက်နေပြည်သူလူထုမှာ အခြေခံ ကျန်းမာရေးစောင့်ရှောက်မှု ဗဟုသုတများ အလွန်နည်းပါးကြပါသည်။

ယခုအခါတွင် ၁၁ ခုမြောက် နှင့် ၁၂ ခုမြောက် ကျေးလက်ကျန်းမာရေးဌာနခွဲ များရှိလာခြင်းကြောင့် အနီးအနားရှိ ဒေသခံပြည်သူလူထုများအား အကျိုးပြု ထောက်ပံ့မည့် လုံခြုံစိတ်ချရသည့် ကျန်းမာရေးစောင့်ရှောက်မှုများကို ရရှိမည်ဖြစ်သောကြောင့် အရေးပေါ် မီးဖွားမှုဆိုင်ရာစောင့်ရှောက်မှုများ ရရှိနိုင်ခြင်း၊ မိခင်နှင့် မွေးကင်းစကလေးငယ်များ အသက်ဆုံးရှုံးမှုနှုန်း လျော့နည်းလာခြင်း၊ မရှိမဖြစ် လိုအပ်သော မွေးကင်းစကလေးသူငယ် ပြုစုစောင့်ရှောက်မှုများ ရရှိနိုင်ခြင်း၊ မီးဖွားပြီးကာစ ကျန်းမာရေးစောင့်ရှောက်မှု ရရှိနိုင်ခြင်း၊ ကျန်းမာရေး စောင့်ရှောက်မှုဆိုင်ရာ အသိအမြင် ဗဟုသုတများ ပိုမိုရရှိနိုင်ခြင်း၊ ပိုမိုကောင်းမွန်သော မှီငြမ်းစာရာနည်းလမ်းကောင်းများနှင့် ဒေသတွင်းလူထုအတွက် စေတနာဝန်ထမ်းများအား လေ့ကျင့်ပေးနိုင်ခြင်းနှင့် မီးဖွားဆရာမများနှင့် ပြည်သူ့ကျန်းမာရေးအရာရှိများအတွက် ပိုမိုအဆင့်မြင့်သော နေရာတစ်ခု ရရှိနိုင်ခြင်း အစရှိသည့် အကျိုးကျေးဇူးများအား ရရှိခံစားနိုင်မည် ဖြစ်သည်။

အူရီဒူးမြန်မာ၏ Head of Corporate Communications ဖြစ်သူ ဦးတင့်နိုင်ထွဋ်မှ “အူရီဒူးဟာဆိုရင် မြန်မာနိုင်ငံမှာ ဆက်သွယ်ရေးဝန်ဆောင်မှုတွေ ပေးအပ်နေတဲ့ အတွက် မြန်မာပြည်သူပြည်သားတွေဘ၀ တိုးတက်မှုကို အလေးထားပါတယ်။ ဒီလို အရည်အသွေးပြည့်မီတဲ့ ကျန်းမာရေး စောင့်ရှောက်မှုတွေ မြန်မာနိုင်ငံမှာ အရမ်းလိုအပ်ပါတယ်။ ပြီးတော့ ကျေးလက်ဒေသတွေနဲ့ မြို့ပြအနီးအနားမှာရှိတဲ့ ရပ်ရွာတွေမှာဆို ပိုပြီး လိုအပ်ပါတယ်။ ယခု ကျန်းမာရေးစောင့်ရှောက်မှု ဌာနခွဲတွေဟာဆိုရင် ပြည်သူလူထုအတွက် ကျန်းမာရေးစောင့်ရှောက်မှုတွေ ပေးရန်အတွက်သာမကဘဲ နောက်မျိုးဆက်အတွက် ကျန်းမာရေးပြည့်စုံကောင်းမွန်မှုတွေ ရရှိနိုင်မှာဖြစ်ပါသည်။ အဆိုပါ ဒေသများတွင်နေထိုင်သော ကျေးလက်ပြည်သူများအနေဖြင့် အရည်အသွေးပြည့်ဝသော ကျန်းမာရေးစောင့်ရှောက်မှုများ ကို ရရှိမှာဖြစ်တဲ့အတွက် ကိုယ်ဝန်ဆောင်မိခင်တွေနဲ့ ကလေးသူငယ်တွေရဲ့ အသက်သေဆုံးမှုနှုန်း လျော့ကျစေမှာဖြစ်ပါတယ်။” ဟု ပြောကြားခဲ့သည်။

Ref: Ooredoo Myanmar

 

{Unicode}

%d bloggers like this: