10GB RAM ပါလာမယ့် OnePlus 6T McLaren Edition

OnePlus က ဒီဇင်ဘာလ ၁၁ ရက်နေ့မှာ McLaren နဲ့ ပူးပေါင်း ဖန်တီးထားတဲ့ အထူးထုတ် 6T ကို ကြေညာတော့မှာ ဖြစ်ပါတယ်။ ယခုထွက်ပေါ်လာတဲ့ သတင်းများအရ အဲဒီ စမတ်ဖုန်းမှာ 10GB RAM , 256GB Storage များ ပါလာမယ်လို့ သိရပါတယ်။ အနောက်ဘက်မှာ McLaren Logo လည်း ထည့်သွင်းထားမှာ ဖြစ်ပါတယ်။ လန်ဒန်မှာ မိတ်ဆက်ပြီးနောက် ဒီဇင်ဘာလ ၁၂ ရက်နေ့မှာ အိန္ဒိယတွင် ကြေညာမယ်လို့ သိရပါတယ်။ အကန့်အသတ်ဖြင့်သာ ရောင်းချမှာပါ။

အခြား Specs များကတော့ သာမာန် မော်ဒယ်များနဲ့ တူညီမှာပါ။ OnePlus 6T ရဲ့ Specs များကို ပြန်လည်ဖော်ပြလိုက်ပါတယ်။ သူ့မှာ Waterdrop စတိုင် Notch နဲ့ မျက်နှာပြင်အောက် လက်ဗွေရာ ကိရိယာ ၊ အရွယ်ကြီး ဘက်ထရီများ ထည့်သွင်းထားပါတယ်။ သူဟာ ယခင်မျိုးဆက်ထက် စကရင်ရဲ့ အထက်နဲ့ အောက်မှ ဘောင်များဟာ ပါးလွှာပါတယ်။ လက်ဗွေရာ ကိရိယာကို စကရင်ရဲ့ အောက်ဘက်ခြမ်းမှာ မြှပ်နှံထားပါတယ်။

သူ့မှာ ၆.၄ လက်မ မျက်နှာပြင် ထည့်သွင်းထားပြီး ယခင်မျိုးဆက်ရဲ့ ၆.၂၈ လက်မထက် အနည်းငယ် ကြီးမားပါတယ်။ OnePlus 6 ရဲ့ 3300mAh ထက်ပိုကြီးတဲ့ 3700mAh Battery ထည့်သွင်းထားပါတယ်။ ကင်မရာ ဟာ့ဒ်ဝဲများဟာ OnePlus 6 နဲ့ တူညီပါတယ်။ ဒါပေမယ့် ဆော့ဖ်ဝဲ အပိုင်းမှာ ကွာခြားပါတယ်။ အနောက်ဘက်မှာ 16MP f/1.7 OIS Camera နဲ့ 20MP f/1.7 Camera များ ထည့်သွင်းထားပြီး 2x Telephoto Shot ကို ထောက်ပံ့ပါတယ်။ အရှေ့ဘက်မှာ 16MP f/2.0 Camera ပါပါတယ်။ Snapdragon 845 Chipset , Android 9 Pie အခြေပြု OxygenOS ပါပါတယ်။

10GB RAM ပါလာမယ့် OnePlus 6T McLaren Edition

%d bloggers like this: