Galaxy A Series များမှာ မျက်နှာပြင်အောက် လက်ဗွေရာ ကိရိယာများ သုံးမယ့် Samsung

မျက်နှာပြင်အောက် လက်ဗွေရာ ကိရိယာများဟာ Smartphone Trend တစ်ခု ဖြစ်လာပါပြီ။ ကုမ္ပဏီများက သူတို့ရဲ့ စွမ်းရည်မြင့် တန်ဖိုးကြီး စမတ်ဖုန်းများမှာ အဲဒီ နည်းပညာကို ထည့်သွင်းပေးနေကြပါတယ်။ အခုတော့ ဆမ်ဆောင်းက သူ့ရဲ့ စွမ်းရည်သင့် A Series များမှာပါ ဒီနည်းပညာ ထည့်သွင်းပေးတော့မယ်လို့ သတင်းထွက်လာပါတယ်။

ဆမ်ဆောင်းက တန်ဖိုးနည်း တရုတ် စမတ်ဖုန်းများကို ယှဉ်ပြိုင်ဖို့ အတွက် ဒီလို ပြုလုပ်တာလည်း ဖြစ်နိုင်ပါတယ်။ စွမ်းရည်မြင့် Galaxy S10 Series များမှာ ထည့်သွင်းမယ့် Qualcomm ရဲ့ Ultrasonic Under-display Sensors ကိုတော့ A Series Phone များမှာ ထည့်သွင်းမှာ မဟုတ်ပါဘူး။ အဲဒီအစား Ultrasonic Sensors များနဲ့ ယှဉ်ရင် သိပ်ပြီး မတိကျတဲ့ Optical Sensors များကိုသာ A Series များမှာ ထည့်သွင်းထားမှာ ဖြစ်တယ်လို့ သတင်းထွက်နေပါတယ်။

A Series များမှာသုံးမယ့် ဆန်ဆာများကို ထုတ်လုပ်ပေးဖို့ ဆမ်ဆောင်းက တရုတ်ရဲ့ Aegis Technology ကို အလုပ်အပ်ထားတယ်လို့ သိရပါတယ်။ မျက်နှာပြင်အောက် လက်ဗွေရာ ကိရိယာပါတဲ့ A Series Smartphone များကို လာမယ့်နှစ်မှာ ဆမ်ဆောင်းက ရောင်းချမှာ ဖြစ်ပါတယ်။

ဆမ်ဆောင်းက မကြာခင်ကမှ Ultrasonic in-display Fingerprint Sensors များကို ထုတ်လုပ်ပေးဖို့ Qualcomm အား အလုပ်အပ်ခဲ့တယ်ဆိုတဲ့ သတင်းထွက်ပေါ်လာပြီး ရက်ပိုင်းအတွင်းမှာ ဒီသတင်းထွက်ပေါ်လာခဲ့တာ ဖြစ်ပါတယ်။ Ultrasonic Sensor များဟာ လက်ရှိ Optical Sensors များထက် ပိုမြန်ပြီး Recognition Area ကလည်း ပိုကြီးမားပါတယ်။

Ref : ndtv

Galaxy A Series များမှာ မျက်နှာပြင်အောက် လက်ဗွေရာ ကိရိယာများ သုံးမယ့် Samsung

%d bloggers like this: