၇၈ ဒီဂရီ 13 MP ကင်မရာ နဲ့ ၁၂၀ ဒီဂရီ 5 MP ကင်မရာနှစ်လုံးတွဲပါ LG X Cam

LG ဟာ X စီးရီးစမတ်ဖုန်းရဲ့ X Cam နဲ့ X Screen ဆိုတဲ့ ဖုန်းနှစ်မျိုးကို ဖေဖော်ဝါရီလတုန်းက စတင်ကြေငြာခဲ့ပြီး၊ X Screen ဖုန်းကို မကြာသေးခင်က စတင်ရောင်းချခဲ့ပါတယ်။

အခုဆိုရင် ကျောကင်မရာနှစ်လုံးတွဲပါတဲ့ LG X Cam ဖုန်းကိုလည်း မကြာခင်ရောင်းချတော့မှာ ဖြစ်ပြီး၊ ဒီဖုန်းရဲ့ အသေးစိတ်အချက်အလက်တွေကို မနေ့က တရားဝင်ကြေငြာလိုက်ပါတယ်။

LG X Cam ဖုန်းဟာ မျက်နှာပြင် ၅.၂ လက်မ (1920 x 1080 pixels) IPS dislay ပါရှိပြီး၊ Android Marshmallow နဲ့ လာမှာဖြစ်ပါတယ်။ 1.14 GHz octa core ပရိုဆက်ဆာကို အသုံးပြုထားပြီး၊ RAM 2 GB နဲ့ ဖုန်းတွင်း storage 16 GB ပါရှိတယ်လို့ သိရပါတယ်။ ထူးခြားချက်အနေနဲ့ microSD ကတ် 2TB အထိ ထပ်စိုက်နိုင်တာဖြစ်ပါတယ်။ ဘက်ထရီကတော့ သိပ်မများဘဲ 2520 mAh ဘက်ထရီဖြစ်ပါတယ်။

LG X Cam ဖုန်းရဲ့ အဓိကထူးခြားချက်ကတော့ ကျောကင်မရာနှစ်လုံးတွဲ ပါရှိတာဖြစ်ပြီး၊ တစ်လုံးက ၇၈ ဒီဂရီ lens ပါဝင်တဲ့ 13MP ကင်မရာဖြစ်ပြီး၊ ကျန်တစ်လုံးကတော့ ၁၂၀ ဒီဂရီကျယ် lens ပါဝင်တဲ့ 5MP ကင်မရာ ဖြစ်ပါတယ်။ ဒီကင်မရာနှစ်လုံးတွဲကနေ LG G5 ဖုန်းမှာလိုမျိုး၊ မြင်ကွင်းတွေ ရှေ့တိုး၊နောက်ဆုတ်လုပ်လို့ရတဲ့ ဓာတ်ပုံတွေ ရိုက်ကူးနိုင်တယ်လို့ သိရပါတယ်။ ရှေ့ကင်မရာကတော့ 8 MP ဖြစ်ပါတယ်။

ဈေးနှုန်းနဲ့ ဘယ်နေ့ တရားဝင်ထုတ်မလဲဆိုတာကိုတော့ LG က ထုတ်ပြန်ကြေငြာထားခြင်း မရှိသေးပါဘူး။

Ref: GSM Arena

 

%d bloggers like this: