iPhone XS နဲ့ XS Max တို့ရဲ့ ပြဿနာများနဲ့ ဖြေရှင်းနည်းများ

Apple ရဲ့ နောက်ဆုံးထုတ် iPhone XS နဲ့ XS Max တို့ဟာ ထွက်ရှိပြီးသမျှ အိုင်ဖုန်းများထဲမှာ အကောင်းဆုံး ဖြစ်ပါတယ်။ ဒါပေမယ့်လည်း သူတို့မှာ ပြဿနာ အချို့ရှိနေတယ်လို့ User များက ပြောနေကြပါတယ်။ အဲဒီ ပြဿနာများအား ဖြေရှင်းနည်းများကို အောက်မှာ လေ့လာပါ။

ပြဿနာ။ ။ အားသွင်းမရခြင်း။

အသုံးပြုသူ အချို့ှက Lightning Cable နဲ့ အားသွင်းတဲ့ အခါမှာ အားမဝင်ဘူးလို့ ပြောပါတယ်။ အချို့ကလည်း Sleep Mode မှာ အားသွင်းလို့ မရဘူးလို့ ပြောပါတယ်။

ဖြေရှင်းနည်း

Apple က အဲဒီ ပြဿနာကို ဖြေရှင်းပေးမယ့် iOS 12.0.1 ကို ဖြန့်ချီပေးထားပါတယ်။ သင့်ဖုန်းမှာ အဲဒီ ပြဿနာ ဖြစ်နေရင် Settings > General > Software Update ထဲမှာ Update လုပ်ပါ။

ပြဿနာ။ ။ ဒေတာနဲ့ ဝိုင်ဖိုင်ဟာ နှေးကွေးနေခြင်း။

အသုံးပြုသူ အချို့က ဒေတာနဲ့ ဝိုင်ဖိုင် အမြန်နှုန်းဟာ နှေးနေတယ်လို့ ပြောကြပါတယ်။ ဒီပြဿနာကို အောက်ပါ အတိုင်း ဖြေရှင်း နိုင်ပါတယ်။

• Settings > General > Reset > Reset Network Settings ထဲသွားပြီး ဝိုင်ဖိုင် Password ကို ပြန်ထည့်ပေးပါ။ ဒီလိုလုပ်ရင် ပြဿနာ ပြေလည်သွားတတ်ပါတယ်။
• iOS 12.0.1 မှာ ဝိုင်ဖိုင် ပြဿနာ အချို့ကိုလည်း ဖြေရှင်းပေးထားပါတယ်။ Settings > General > Software Update ထဲသွားပြီး Update လုပ်ပေးပါ။

ပြဿနာ။ ။ Selfie များဟာ အလွန် ချောမွတ်နေခြင်း။

ဒါက တကယ်တော့ ပြဿနာ တစ်ခု မဟုတ်ပါဘူး။ ဒါပေမယ့် လူအချို့က Selfie Photo များမှ မျက်နှာများဟာ အလွန် ချောမွတ်နေတာကို မကြိုက်ဘူးလို့ ပြောပါတယ်။ သဘာ၀ သိပ်မကျဘူးလို့ ဆိုပါတယ်။ Apple က Selfie Photo များမှာ လှပချောမွတ်အောင် တမင် ပြုလုပ်ပေးထားတာ ဖြစ်တဲ့အတွက် ဒီကိစ္စကို အမြန်ဆုံး ဖြေရှင်းပေးမယ်လို့ မထင်ပါဘူး။ နောက်ထုတ်မယ့် Update မှာတော့ ချောမွတ်မှုကို လျှော့ချပေးကောင်း ပေးနိုင်ပါတယ်။

ဒီပြဿနာဟာ အိုင်ဖုန်း Camera App ရဲ့ လုပ်ဆောင်ချက်ကြောင့် ဖြစ်ပါတယ်။ Selfie Photo များမှာ အလွန် ချောမွတ်တာကို မကြိုက်ရင် Third-party App များကို သုံးနိုင်ပါတယ်။

Ref : digitaltrends

iPhone XS နဲ့ XS Max တို့ရဲ့ ပြဿနာများနဲ့ ဖြေရှင်းနည်းများ

%d bloggers like this: