Facebook မှာ 3D Photos များ တင်နိုင်တော့မည်

Facebook က သင့်ရဲ့ News Feed မှာ 3D Photo များ တင်နိုင်မယ့် လုပ်ဆောင်ချက်ကို ဖြန့်ချီပေးလိုက်ပါပြီ။ အချို့ နိုင်ငံများမှာ News Feed မှာ သုံးဖက်မြင် ဓါတ်ပုံများကို မြင်နေရပါပြီ။ ကမ္ဘာအဝန်းမှာ တစ်ဖြည်းဖြည်း ဖြန့်ချီပေးနေတဲ့အတွက် သင့် နိုင်ငံမှာ မရသေးရင် စောင့်ဆိုင်းရမှာပါ။ သူ့ကို သုံးဖို့အတွက် အနောက်ကင်မရာ ၂ လုံးပါတဲ့ iPhone လိုအပ်ပါတယ်။ အနောက်ကင်မရာ ၂ လုံးပါတဲ့ အန်းဒရွိုက်များအတွက် အနာဂတ်မှာဒီလုပ်ဆောင်ချက်ကို ထည့်သွင်းပေးမယ်လို့ Facebook က ပြောပါတယ်။

3D Photo ကို မေလက ကြေညာခဲ့တာပါ။ သူ့ကို ဖန်တီးရတာ လွယ်ပါတယ်။ သင်က ဓါတ်ပုံတစ်ခုကို ရွေးပေးလိုက်တာနဲ့ Facebook က သုံးဖက်မြင် ဓါတ်ပုံအဖြစ် ပြောင်းပေးမှာပါ။ ဖုန်းကို လှုပ်ခြင်းဖြင့် ဓါတ်ပုံများကို ရုပ်လုံးကြွစွာ မြင်ရမှာပါ။ ဒီနည်းပညာက အနောက်ကင်မရာ ၂ လုံးကနေ ဖမ်းယူထားတဲ့ အသေးစိတ် ဒေတာများကို ရယူပြီး ဆော့ဖ်ဝဲဖြင့် ပြင်ဆင်ခြင်းဖြင့် 3D Photo များကို ဖန်တီးခြင်း ဖြစ်ပါတယ်။ 3D Photo များကို ဖုန်းများမှာပဲ ကြည့်နိုင်ပါတယ်။ ဒါ့အပြင် Oculus Go VR , Oculus Rift Headset များနဲ့လည်း ကြည့်နိုင်ပါတယ်။

Facebook က အမြင်ဆန်းသစ်တဲ့ နည်းပညာများကို ဖန်တီးနေတာ နှစ်များစွာ ကြာပါပြီ။ ၃၆၀ ဒီဂရီ ဗီဒီယိုနဲ့ ဓါတ်ပုံများကို သူ့ရဲ့ လူမှုကွန်ရက်မှာ မျှဝေနိုင်ဖို့လည်း ပြုလုပ်ပေးထားပါတယ်။ Virtual or Augmented Reality နည်းပညာများကိုလည်း ဖန်တီးနေပါတယ်။

Ref : theverge

Facebook မှာ 3D Photos များ တင်နိုင်တော့မည်

%d bloggers like this: