အွန်လိုင်းကနေ ဗီဒီယိုအစည်းအဝေးတွေပြုလုပ်နိုင်တဲ့ Skype for Business ကို Mac OS မှာသုံးနိုင်ပြီ

Microsoft ကထုတ်ထားတဲ့ စီးပွားရေးလုပ်ငန်းသုံး Skype for Business ကို ယခုအခါ Macbook တွေမှာလည်း သုံးနိုင်ပြီဖြစ်ပါတယ်။

Preview အနေနဲ့ အရင်ထွက်ရှိလာတာဖြစ်တာကြောင့်၊ အိုင်တီပညာရှင်တွေ၊ စီးပွားရေးလုပ်ငန်းရှင်တွေနဲ့ စမ်းသုံးချင်သူတွေအနေနဲ့၊ Skypepreview.com မှာ sign up လုပ်ကာ စမ်းသုံးနိုင်ပြီဖြစ်ပါတယ်။

Apple ကွန်ပြူတာသုံးသူတွေအနေနဲ့၊ အရင်လို ရိုးရိုး Skype ကနေသာ၊ ဗီဒီယိုအစည်းအဝေးတွေလုပ်နေစရာ မလိုတော့ဘဲ၊ feature စုံ ပိုကောင်းမွန်တဲ့၊ Skype for Business နဲ့ ပိုအဆင်ပြေပြေလုပ်နိုင်တော့မှာပါ။

Skype နဲ့ Skype for Business ကွာခြားချက်တွေထဲမှာ အဓိကတစ်ချက်က ရိုးရိုး Skype မှာ လူအယောက် ၂၅ ယောက်အထိပဲ အများဆုံးပြောနိုင်ပေမယ့်၊ Skype for Business မှာတော့ အယောက် ၂၅၀ အထိပြောဆိုနိုင်ပါတယ်။

ဒီ့အပြင် Skype for Business မှာ Outlook ပါဝင်လာမှု၊ ကလစ်တစ်ချက်တည်းနဲ့ meetings တွေကို join နိုင်မှု၊ စခရင်အပြည့်ဗီဒီယိုနဲ့ ပြောနိုင်မှု၊ စခရင်ကို တစ်ယောက်နဲ့တစ်ယောက် share လုပ်နိုင်မှု၊ အစည်းအဝေးလုပ်နေစဉ် စာရိုက်စကားပြောနိုင်မှု စတဲ့ များပြားတဲ့ feature တွေ ပါဝင်ပါတယ်။

Microsoft ရဲ့ ပြောကြားချက်အရ၊ Skype for Business ကို တရားဝင်ဗားရှင်းအဖြစ်မထွက်ခင်မှာပဲ၊ နောက်ထပ် Preview နှစ်ခါထုတ်သွားဦးမှာဖြစ်ပြီး၊ feature အသစ်တွေ တစ်ခုပြီးတစ်ခုထည့်ပေးသွားမှာ ဖြစ်တယ်လို့ သိရပါတယ်။

Ref: 9 to 5 mac

 

 

 

 

 

 

 

%d bloggers like this: