Huawei က စွမ်းရည်သင့် MediaPad M5 Lite ကို ကြေညာ

ဟွာဝေးက သူ့ရဲ့ ဝက်ဘ်ဆိုက်မှာ စွမ်းဆောင်ရည်သင့် တက်ဘလက် တစ်လုံးကို စာရင်းတင်လိုက်ပါတယ်။ သူ့ရဲ့ အမည်မှာ MediaPad M5 Lite ဖြစ်ပါတယ်။ MediaPad M5 Lite မှာ ၁၀.၁ လက်မ 1920x1200p Display တပ်ဆင်ထားပါတယ်။ မျက်နှာပြင် အချိုးုမှာ 16:10 ဖြစ်ပါတယ်။ ဒါပေမယ့် Kirin 659 SoC ကတော့ အနည်းငယ် အိုဟောင်းနေပြီ ဖြစ်ပါတယ်။

မန်မိုရီ အနေနဲ့ 3GB + 32GB နဲ့ 4GB + 64GB ၂ မျိုး ထုတ်လုပ်ပေးထားပါတယ်။ သူ့ရဲ့ အကောင်းဆုံး စွမ်းရည်က Harman/Kardon စပီကာ ၄ လုံး ထည့်သွင်းထားတာဖြစ်ပါတယ်။ သူ့မှာ အလူမီနီယမ် ကိုယ်ထည် ထည့်သွင်းထားပါတယ်။ Huawei Histen 5.0 Sound System က 3D Surround Sound ကို ပံ့ပိုးပေးပါတယ်။

မာလ်တီမီဒီယာနဲ့ ဂိမ်းများ ကစားရင် အလွန် အသုံးခံတဲ့ 7500mAh ဖြစ်ထည့်သွင်းထားပါတယ်။ Android 8.0 Oreo အခြေပြု EMUI 8.0 ပါပါတယ်။ အချို့နိုင်ငံများမှာ Huawei M-Pen Lite Stylus ကို ထည့်သွင်းပေးထားပြီး သူဟာ 2048 Pressure Level အထိ ထောက်ပံ့ပါတယ်။ ရှန်ပိန် ရွှေနဲ့ အညိုရောင်များ ရွေးချယ်နိုင်ပါတယ်။ ဟွာဝေးက ဈေးနှုန်းကို မပြောကြားသေးပါဘူး။

Ref : gsmarena

Huawei က စွမ်းရည်သင့် MediaPad M5 Lite ကို ကြေညာ

%d bloggers like this: