“Gather Round” ပွဲမှာ Apple ကြေညာသွားခဲ့သမျှ

မနေ့ည မြန်မာစံတော်ချိန် ည ၁၁ နာရီခွဲ၊ Apple Park ရုံးချုုပ်အသစ်က Steve Jobs Theater မှာ ကျင်းပပြုလုပ်ခဲ့တဲ့ Gather Round ပွဲကြီးကတော့ ပြီးစီးသွားခဲ့ပါပြီ။ ထုံးစံအတိုင်း iPhone မော်ဒယ်အသစ်တွေကို အဓိကမိတ်ဆက်တဲ့ပွဲဖြစ်ပါတယ်။

အမှန်အတိုင်းပြောရရင် အရင်ပွဲတွေလောက် စိတ်လှုပ်ရှားစရာအသစ်တွေ မိတ်ဆက်တာမျိုး မတွေ့ခဲ့ရသလို၊ Apple ပွဲတွေမှာ နောက်ဆုံးမိတ်ဆက်နေကျ ‘One more thing’ မှာလည် ထူးထူးခြားခြား မြင်ရမယ့်အစား LCD iPhone ကိုပဲ ‘One more iPhone’ လုပ်ပြီး မိတ်ဆက်သွားခဲ့ပါတယ်။ ကောလာဟလ ထွက်ခဲ့သလို ဘောင်မဲ့ iPad Pro တွေ ဘာတွေလည်း မတွေ့ခဲ့ရပါဘူး။

Apple Gather Round မှာ မိတ်ဆက်သွားတာတွေကတော့

Apple Watch Series 4

ပထမဦးဆုံး မိတ်ဆက်ခဲ့တာကတော့ Apple Watch Series 4 စမတ်နာရီအသစ်ဖြစ်ပါတယ်။ iPhone မော်ဒယ်အသစ်တွေမှာ ပြောင်းလဲမှုသိပ်မလုပ်ခဲ့ပေမယ့် Watch Series 4 မှာတော့ တော်တော်ပြောင်းလဲထားပါတယ်။ 40mm နဲ့ 44mm ဆိုပြီး အရွယ်အစား ၂ မျိုး ထွက်ရှိမှာဖြစ်ပြီး၊ Display အရွယ်အစား ၃၀ ရာခိုင်နှုန်းလောက်စီ ပိုကြီးလာပါတယ်။ အချက်အလက်ပြသမှုလည်း ပိုအသေးစိတ် လုပ်လာနိုင်ပြီး၊ စတော့ဈေးနှုန်းတွေ၊ အားကစားအသင်းတွေရဲ့ ရလဒ်တွေစတဲ့ အချက်အလက်တွေပါ ကြည့်လို့ရတော့မှာပါ။ Watch Series 4 ကို Silver ၊ Gold နဲ့ Space Grey Aluminum finishe သုံးမျိုးနဲ့ ရရှိနိုင်မှာဖြစ်သလို၊ Stainless Steel collection လည်း ရွေးချယ်ဝယ်ယူနိုင်မှာဖြစ်ပါတယ်။

Apple Watch Series 4 မှာ ကျန်းမာရေး features အသစ်တွေလည်း ပါဝင်လာပြီး၊ ECG ရိုက်နိုင်မယ့် electronic heart sensor ပါ ပါဝင်လာပါတယ်။ ECG ရိုက်ချင်ရင် သူ့ App ကို ဖွင့်ပြီး နာရီရဲ့ Digital Crown ပေါ်မှာ လက်တင်ထားရုံနဲ့ အလွယ်ရိုက်နိုင်မှာဖြစ်ပါတယ်။ ဒီဒေတာတွေကိုတော့ ဆရာဝန်နဲ့ ပြန် share ပြီး ကိုယ့်နှလုံးကျန်းမာရေးကို စစ်ဆေးနိုင်မှာပါ။ လေ့ကျင့်ခန်းအမျိုးအစားကို အလိုအလျောက်သိရှိနိုင်မယ့် Automatic workout detection လုပ်ဆောင်ချက်လည်း ပါဝင်လာပါတယ်။ Chipset အနေနဲ့ S4 Chipset ကို အသုံးပြုထားပြီး၊ အရင်မော်ဒယ်ထက် စွမ်းဆောင်ရည် ၂ ဆ ကောင်းမွန်လာမှာဖြစ်တယ်လို့ ဆိုပါတယ်။

Watch Series 4 ကို ၃၉၉ ဒေါ်လာနဲ့ စတင်ရောင်းချသွားမှာဖြစ်ပြီး၊ ဆယ်လူလာမော်ဒယ်ကိုတော့ ၄၉၉ ဒေါ်လာနဲ့ ရောင်းချသွားမှာဖြစ်ပါတယ်။ iPhone အသစ်တွေအတိုင်း လာမယ့် သောကြာနေ့ကစ Pre-Oder မှာနိုင်ပြီဖြစ်ပြီး၊ စက်တင်ဘာ ၂၁ မှာ ရောင်းချသွားမှာပါ။

iPhone အသစ်များ

အားလုံးမျှော်လင့်နေတဲ့ iPhone မော်ဒယ်အသစ်တွေကိုလည်း ယခုပွဲမှာ မိတ်ဆက်သွားခဲ့ပါတယ်။ စုစုပေါင်း iPhone မော်ဒယ်အသစ် ၃ မျိုး မိတ်ဆက်ခဲ့ပြီး၊ အနိမ့်ဆုံးမော်ဒယ်ကို ၇၄၉ ဒေါ်လာနဲ့ ရောင်းချမှာဖြစ်တာကြောင့် ဒေါ်လာ ၁ ထောင်နီးပါး သုံးစရာမလိုဘဲ iPhone မော်ဒယ်သစ် ကိုင်နိုင်မယ့် အခွင့်အရေးလို့ ဆိုရမှာပါ။

iPhone XS ၊ iPhone XS Max နဲ့ iPhone XR လို့ နာမည်ပေးထားတဲ့ မော်ဒယ်သုံးမျိုးဟာ အရင် iPhone X နဲ့ ဒီဇိုင်းပိုင်း အဓိကကွာခြားချက်မရှိဘဲ၊ 7nm A12 Bionic Chipset ပါလာတာ၊ eSIM နဲ့ SIM နှစ်ကတ် သုံးလာနိုင်တာ၊ 512GB အထိ Storage မော်ဒယ် ထွက်လာတာလောက်ပဲ ကွာပါတယ်။

iPhone XS နဲ့ XS Max တို့က OLED Super Retina Display နဲ့ ဖြစ်ပြီး၊ iPhone XR ကတော့ LCD Liquid Retina Display နဲ့ ဖြစ်ပါတယ်။ iPhone မော်ဒယ်အသစ်အကြောင်းကိုတော့ ယခုလင့်ခ်မှာ စုံလင်စွာ ဖတ်ရှုနိုင်ပါတယ်။

တရားဝင္မိတ္ဆက္လိုက္ျပီျဖစ္တဲ့ iPhone XS ၊ iPhone XS Max နဲ႕ iPhone XR

တခြားကြေညာချက်များ

HomePod

Apple HomePod စမတ်စပီကာအသစ်ကိုတော့ မိတ်မဆက်ခဲ့ပေမယ့် စမတ်စပီကာအကြောင်းတော့ နည်းနည်းပြောသွားခဲ့ပါတယ်။ HomePod ကနေ မကြာခင် ဖုန်းခေါ်ဆိုမှုတွေ ပြုလုပ်လာနိုင်မှာဖြစ်ပြီး၊ Siri ကနေတင် ခေါ်လာနိုင်တော့မှာပါ။ ဒါ့အပြင် Siri ကနေ သီချင်းစာသားနဲ့ သီချင်းရှာတာ၊ Timer တခုမက ပေးတာတွေ လုပ်လာနိုင်မှာဖြစ်ပါတယ်။

Apple TV and macOS

Apple ဟာ iOS 12 ၊ watchOS 5 ၊ macOS Mojave နဲ့ tvOS 12 betas တို့ကို ပြီးခဲ့တဲ့ ဂျွန်လက ကျင်းပခဲ့တဲ့ WWDC 2018 မှာ မိတ်ဆက်သွားခဲ့ပါတယ်။ Apple ဟာ macOS အသစ်ကလွဲလို့ ကျန်တဲ့ OS အသစ်အကုန်လုံးကို စက်တင်ဘာ ၁၇ ရက်နေ့မှာ စတင်ထုတ်ပေးသွားမှာဖြစ်ကြောင်း ပြောကြားခဲ့ပြီး၊ macOS Mojave ကတော့ စက်တင်ဘာ ၂၄ မှ ထွက်ရှိလာတော့မှာ ဖြစ်ပါတယ်။

Apple Discounts and Deals

Apple ဟာ အရင် iPhone မော်ဒယ်တွေဖြစ်တဲ့ iPhone 7 နဲ့ 8 မော်ဒယ်အကုန်လုံးကို ဒေါ်လာ ၁၀၀ စီ ဈေးလျော့ပေးလိုက်ပါတယ်။ ဒါကြောင့် iPhone 7, iPhone 7 Plus, iPhone 8, and iPhone 8 Plus တို့ကို $449, $569, $599, and $699 တို့နဲ့ ဝယ်ယူရရှိနိုင်တော့မှာဖြစ်ပါတယ်။ ဒါ့အပြင် Apple ဟာ မနှစ်ကတင် ထုတ်ခဲ့တဲ့ iPhone X ကို ဆက်လက်ရောင်းချတော့မှာ မဟုတ်ကြောင်းလည်း ကြေညာခဲ့ပါတယ်။ iPhone X အပြင်၊ iPhone SE နဲ့ iPhone 6s တို့ကိုလည်း ထုတ်တော့မှာမဟုတ်တာကြောင့် Apple ဆီကနေ 3.5mm နားကြပ်ပေါက်ပါတဲ့ iPhone ကို တရားဝင်တိုက်ရိုက်ဝယ်လို့ရတော့မှာမဟုတ်ပါဘူး။ Apple Watch Series 3 ကိုလည် း ဈေးလျော့ပေးလိုက်ပြီး၊ ၂၇၉ ဒေါ်လာနဲ့ တင် ရောင်းချပေးတော့မှာဖြစ်ပါတယ်။ Series 1 ကိုတော့ ဆက်ထုတ်တော့မှာမဟုတ်ဘူးလို့ သိရပါတယ်။

သတင်းမကြားခဲ့တဲ့ Product များ

Apple ဟာ မနှစ်က Device သုံးခု တပြိုင်တည်း အားတင်သွင်းနိုင်တဲ့ ကြိုးမဲ့ Charger ‘AirPower’ ကို မိတ်ဆက်ခဲ့ပေမယ့် အခုထိ ထုတ်လုပ်ရောင်းချနိုင်ခြင်းမရှိသေးပါဘူး။ အခုပွဲမှာလည်း AirPower အကြောင်း ဘာမှ မပြောခဲ့တာကြောင့် ထွက်ကောထွက်လာဦးမှာလားဆိုတာ စဉ်းစားစရာပါ။ ဒ့ါအပြင် ဘောင်မဲ့ Display နဲ့ ထွက်မယ်လို့ သတင်းထွက်ခဲ့တဲ့ iPad Pro မော်ဒယ်အသစ်အကြောင်းလည်း မသိခဲ့ရပါဘူး။

Ref: Venture Beat

%d bloggers like this: