iPhone မှာပါဝင်တဲ့ Siri ကို အသံနဲ့တင်စေခိုင်းနိုင်တဲ့အရာများ

iPhone နဲ့iPad တွေမှာ ပါဝင်တဲ့ Siri ဆိုတာ အသံနဲ့တင်စေခိုင်းနိုင်တဲ့ Apple ရဲ့ နာမည်ကျော် ဉာဏ်ရည်တု (AI) စနစ်တစ်ခုဖြစ်ပါတယ်။ iPhone ကိုင်သူတော်တော်များများဟာ Siri ကို ဟိုရှာဒီရှာခိုင်းဖို့လောက်သာ အသုံးပြုတတ်ကြပေမယ့် တကယ်တမ်းတော့ Siri ဟာ ဒီထက်ပိုအသုံးဝင်ပါတယ်။

Siri ကို အသုံးချပြီး ဘယ်နေ့ဘယ်အချိန်မှာ ငါ့ကိုသတိပေးဆိုပြီး reminder ထားတာမျိုး၊ မှတ်စုလိုက်မှတ်ခိုင်း တာမျိုး၊ နဲ့သတိပေး၊နှိုးစက် alarm ပေးတာမျိုးတွေလုပ်နိုင်သလို၊ ကိုယ့်ဖုန်းရဲ့ system ကို ဝင်ပြင်တာမျိုးတွေ ပါလုပ်နိုင်ပါတယ်။

Siri ကို iOS 9 အောက်က iPhone တွေမှာ home ခလုတ်ကို ဖိနှိပ်ထားပြီး သုံးနိုင်ကာ၊ iOS 9 မှာတော့ ဖုန်းကို မကိုင်ထားရင်တောင် “Hey Siri” လို့လှမ်းခေါ်ပြီး သုံးနိုင်ပါတယ်။

ယခုဆောင်းပါးမှာတော့၊ Siri ကို အသုံးချကာ သင်လုပ်ဆောင်နိုင်တဲ့အရာလေးတွေကို ဖော်ပြထားပါတယ်။ ဒါကိုဖတ်ကြည့်ပြီးရင် Siri ဟာ တော်တော်အသုံးဝင်ပြီး စွယ်စုံအသုံးချနိုင်တာကို သင်သိရမှာပါ။

၁။ သင်သိချင်သမျှရှာဖွေနိုင်တယ်

ဘောလုံးပွဲဘယ်လိုပြီးသွားလဲ၊ ရုပ်ရှင်ဘယ်အချိန်ပြမှာလဲစတာတွေကို သိချင်ရင် Siri ကို အသံနဲ့စေခိုင်းကာ ရှာဖွေခိုင်းနိုင်ပါတယ်။ ဥပမာ ” Hey Siri, What movies are playing near me? ” ဆိုရင် သင့်အနီးနား တစ်ဝိုက်က ရုပ်ရှင်ရုံတွေမှာ တင်နေတဲ့ဇာတ်ကားတွေကို ဖော်ပြသွားမှာပါ။

movies_showtimes_siri_howto_updated

၂။ Reminder သတိပေးချက်ထားမယ်

ကျွန်တော်တို့ဟာ အလုပ်တွေရှုပ်နေတဲ့အခါမျိုးမှာ ချိန်းထားတာတွေ၊ သွားစရာရှိတာတွေကို မေ့တတ်ပါတယ်။ ဒီအတွက် Siri ကို ခိုင်းနိုင်ပါတယ်။ Siri ကို ခေါ်ဆိုကာ “Hey Siri remind me to go to the gym at 3 PM” လို့လွယ်လွယ်ပြောပြီး ၃ နာရီမှာ အားကစားခန်းမသွားဖို့သူ့ကိုသတိပေးခိုင်းနိုင်ပါတယ်။

ximg_5625bbf6ab645.jpg.pagespeed.gp+jp+jw+pj+js+rj+rp+rw+ri+cp+md.ic.uqem0Smlrn

၃။ Alarm ပေးမယ်

လွယ်လွယ်ကူကူပဲ ‘ Set an alarm for 8 AM” လို့ပြောလိုက်တာနဲ့မနက်ရှစ်နာရီထိုးရင် သင့်ကို နှိုးပေးပါမယ်။ တကယ်လို့ မနက်ခြောက်နာရီထချင်တယ်ဆိုရင်လည်း ဖုန်းထဲကနေ alarm သွားပေးနေစရာ မလိုဘဲ Siri ကို ခေါ်ကာ “Hey Siri, wake me up at 6 AM” ဆိုရင် မနက်ခြောက်နာရီထိုးတာနဲ့သင့်ကို နှိုးပေးမှာပါ။

ximg_5625bc1811a3d.png.pagespeed.gp+jp+jw+pj+js+rj+rp+rw+ri+cp+md.ic.MwpYejRagO

၄။ ဖုန်းခေါ်မယ်

ဒါကတော်တော်အသုံးဝင်ပါတယ်။ လူတွေအများကြီးမှတ်ထားတဲ့ ကိုယ့် contact ထဲမှာ ခေါ်ချင်တဲ့လူကို ရှာနေစရာမလိုဘဲ ကိုယ်ခေါ်ချင်တဲ့လူနာမည်ကို ပြောဆိုကာ ခေါ်ဆိုနိုင်ပါတယ်။ ဥပမာ ( Call mom ) ( Call David)

ximg_5625bc2e7aa34.png.pagespeed.gp+jp+jw+pj+js+rj+rp+rw+ri+cp+md.ic.96fgy14HVg

၅။ App တွေဖွင့်မယ်

Siri ကို Hey Siri ဆိုပြီး လှမ်းခေါ်ကာ ကိုယ့်ဖွင့်ချင်တဲ့ app နာမည်ကို ပြောကာ ဖွင့်ခိုင်းနိုင်ပါတယ်။ ( ဥပမာ – Open Facebook )

 

၆။ အချိန်ရေခိုင်းမယ်

ဒါကလည်း ရိုးရိုးရှင်းရှင်းနဲ့တော်တော်အသုံးဝင်ပါတယ်။ ဟင်းချက်တာမျိုး၊ လေ့ကျင့်ခန်းလုပ်တာမျိုးမှာ ကိုယ်လုပ်နေတာဘယ်နှစ်မိနစ်ရှိသွားပြီဆိုတာ ကြည့်စရာမလိုဘဲ Siri ကို အချိန်မှတ်ထားခိုင်းနိုင်ပါတယ်။

ximg_5625bc4e5c444.png.pagespeed.gp+jp+jw+pj+js+rj+rp+rw+ri+cp+md.ic.8XGqGomHxb

၇။ တစ်ကမ္ဘာလုံးက စံတော်ချိန်တွေကြည့်နိုင်တယ်

ကိုယ်အချိန်သိချင်တဲ့မြို့နဲ့နိုင်ငံနာမည်ကိုပြောကာ၊ စံတော်ချိန်ဘယ်လောက်ရှိပြီလဲဆိုတာ Siri ကို မေးနိုင်ပါတယ်။

ximg_5626f0a7108af.jpg.pagespeed.gp+jp+jw+pj+js+rj+rp+rw+ri+cp+md.ic.b87TrJzZM2

၈။ ကိုယ်မသိတဲ့၊မေ့နေတဲ့သီချင်းနာမည်ကိုတောင် သူ့မေးနိုင်တယ်

ဒီလို လုပ်ဆောင်နိုင်တဲ့ app တွေရှိတယ်ဆိုပေမယ့်၊ လွယ်လွယ်ကူကူနဲ့Home key လေးနှိပ်ပြီး Siri ကို သီချင်း နားထောင်ခိုင်းကာ၊ ဘာသီချင်းလဲဆိုတာမေးနိုင်တာကတော့ တော်တော်မိုက်ပါတယ်။

ximg_5625ce3eb0413.jpg.pagespeed.gp+jp+jw+pj+js+rj+rp+rw+ri+cp+md.ic.-gHW54kAoE

၉။ ကိုယ့်အကြိုက်အဆိုတော်သီချင်းကို နားထောင်မယ်

ကိုယ့်မှာထည့်ထားတဲ့ သီချင်းတွေထဲက ကိုယ့်အကြိုက်အဆိုတော်ရဲ့သီချင်းတွေကို အဆိုတော်နာမည်၊ ဒါမှမဟုတ် သီချင်းနာမည်ပြောပြီး ဖုန်းကို လက်နဲ့ထိစရာမလိုဘဲ Siri ကို လှမ်းပြောကာဖွင့်ခိုင်းနိုင်ပါတယ်။ တကယ်လို့ကိုယ့်ဖုန်းထဲမှာ ကိုယ်ပြောလိုက်တဲ့သီချင်းမရှိဘူးဆိုရင်တောင် Siri က Apple Music ရေဒီယိုကနေ ဖွင့်ပေးဦးမှာပါ။

ximg_5626efe7edb03.png.pagespeed.gp+jp+jw+pj+js+rj+rp+rw+ri+cp+md.ic.BXSEeRSVmA

၁၀။ အီးလ်မေး ရှာဖတ်ခိုင်းမယ်

တစ်ယောက်ယောက်ကပို့လိုက်တဲ့ အီးမေးလ်တစ်စောင်ကိုလိုက်မရှာချင်ဘူးလား။ လွယ်ပါတယ်။ Siri ကို ရှာခိုင်းလိုက်ပါ။ ပေးပို့သူနာမည်၊ ပေးပို့တဲ့ရက်စွဲ၊ အကြောင်းအရာ စသဖြင့် ကိုယ်ရှာချင်တာကို ဦးတည်ရှာခိုင်းနိုင်ပါတယ်။

ximg_5626e4f2c06f9.jpg.pagespeed.gp+jp+jw+pj+js+rj+rp+rw+ri+cp+md.ic.stlKPwbcE_

၁၁။ ဖုန်း Setting ပြင်မယ်

ဒါက တကယ့်ကိုအသုံးဝင်ပါတယ်။ တစ်ခါတစ်လေ ဖုန်းထဲဝင်ပြီး setting ချိန်ရတာက နည်းနည်းလက်ဝင်ပါတယ်။ “ Hey Siri, Turn on Wi-Fi” လို့ပြောလိုက်တာနဲ့Wi-Fi- ဖွင့်ပေးပြီး ” Turn off Wi-Fi” ဆိုတာနဲ့wi-fi ပိတ်ပေးသွားမှာပါ။

ximg_5625bc816b30d.png.pagespeed.gp+jp+jw+pj+js+rj+rp+rw+ri+cp+md.ic.I4XUAGEEsM

ဒါဟာ Siri တကယ်လုပ်ဆောင်နိုင်တာတွေထဲက အနည်းအကျဉ်းသာ ရှိပါသေးတယ်။ Siri ကို အသံနဲ့တင်ခိုင်းစေပြီး သင့်အတွက် အသုံးဝင်တာတွေ စေခိုင်းနိုင်ပုံကို  ဆက်လက်ဖော်ပြသွားပါမယ်။

Ref: howtogeek

 

%d bloggers like this: