Samsung Galaxy Note 9 Event မှ အဓိကကြေညာချက် သုံးခု

ဆမ်ဆောင်းက Galaxy Note 9 ကို တရားဝင်ကြေညာလိုက်ပါပြီ။ သူနဲ့အတူ သတင်းထွက်နေတာ ကြာပြီ ဖြစ်တဲ့ Galaxy Home စမတ် စပီကာ အပါအဝင် အခြား ထုတ်ကုန်များကိုပါ ကြေညာခဲ့ပါတယ်။ အဲဒီအထဲက အကောင်းဆုံးများကို ရွေးထုတ်ပေးလိုက်ပါတယ်။

ပိုမိုစွမ်းရည်မြင့်လာတဲ့ S Pen ပါလာတဲ့ Note 9

Note 9 ဟာ နောက်ပိုင်းထုတ် စွမ်းရည်မြင့် ဂလက်ဆီ ဖုန်းများနဲ့ ဒီဇိုင်းတူပါတယ်။ ၆.၄ လက်မ မျက်နှာပြင်နဲ့ Android 8.1 ပါပါတယ်။ Note Series များထဲမှာ အကြီးမားဆုံး 4000mAh Battery ထည့်ထားပါတယ်။ S Pen မှာ ဘလူးတု စွမ်းရည်ပါလာပြီး Selfie , Presentation များအတွက် Remote Shutter လို အလုပ်များကို လုပ်နိုင်လာပါတယ်။ သူ့အတွက်သီးခြား ဘက်ထရီ စွမ်းအင်လိုအပ်လာပေမယ့် Note 9 ထဲမှာ စိုက်ထားချိန်မှာ အားသွင်းပေးတုန်းပါပဲ။

Note 9 ဟာ Bixby 2.0 ပါတဲ့ ပထမဆုံး ဖုန်းပါ။ Update မှာ အနီးအနားမှ ပွဲများကို ရှာခြင်း၊ စားသောက်ဆိုင်များမှာ ဘွတ်ကင်လုပ်ခြင်း၊ Uber အငှားယာဉ်ကို ခေါ်ခြင်းများလို အလုပ်အသစ်များကို လုပ်နိုင်လာပါတယ်။ ဒါပေမယ့် Google Assistant ကိုပါ သုံးနိုင်ပါတယ်။

Note 9 ရဲ့ Specs များစွာဟာ Galaxy S9 နဲ့ တူညီပါတယ်။ 12MP Rear Camera များနဲ့ Snapdragon 845 များက တူညီပါတယ်။ အခြေခံ မော်ဒယ်ဖြစ်တဲ့ 6GB/128GB ကို ၉၉၉ ဒေါ်လာ သတ်မှတ်ထားပါတယ်။ ဈေးနှုန်းက iPhone X နဲ့ တူပါတယ်။

Galaxy Home

ဆမ်ဆောင်းရဲ့ စမတ်စပီကာက တကယ် ထွက်ရှိလာပါပြီ။ Galaxy Home လို့ အမည်ပေးထားပြီး Bixby ပါလာပါတယ်။ စပီကာမှာ မိုက်ကရိုဖုန်း ရှစ်လုံး၊ စပီကာ ခြောက်လုံး၊ Subwoofer တစ်လုံး ပါပါတယ်။ “Hey Bixby “ Voice Command ဖြင့် သူ့ကို ဆင့်ခေါ်နိုင်ပြီး အလုပ်များ ခိုင်းနိုင်ပါတယ်။

ဆမ်ဆောင်းက စပီကာရဲ့ Surrround Sound အရည်အသွေးကိုသာ ပြသခဲ့ပေမယ့် ဈေးနှုန်းနဲ့ ရောင်းချမယ့် ရက်ကို မပြောသေးပါဘူး။ နိုဝင်ဘာလမှာ သူ့ရဲ့ သတင်းအချက်အလက်များကို ပိုမို ပြောမယ်လို့ ကုမ္ပဏီက ပြောပါတယ်။ Bixby ဟာ Amazon Alexa, Google Assistant , Apple Siri တို့ကို ယှဉ်ပြိုင်မှာပါ။

Galaxy Watch

Samsung က စမတ်နာရီ အသစ်မှာ Gear Brand ကို မသုံးတော့ဘဲ Galaxy Watch အမည်အသစ်ကို ပေးထားပါတယ်။ သူ့မှာ LTE ဆက်သွယ်မှု၊ Resolution မြင့်မားတဲ့ AMOLED Touch Screen ၊ Gorilla DX+ Glass နဲ့ ရေကူးရင် ဝတ်ဆင်ထားနိုင်တဲ့ ရေစိုခံစွမ်းရည်များ ပါလာပါတယ်။ အားသွင်းစရာ မလိုဘဲ ရက်တော်တော်ကြာကြာ သုံးနိုင်မယ်လို့ ကုမ္ပဏီက ပြောပါတယ်။ လေ့ကျင့်ခန်းလုပ်ရင် အလိုအလျှောက် သိခြင်း၊ နှလုံးခုန်နှုန်း ရုတ်တရက် မြန်လာတာကို အာရုံခံနိုင်ခြင်း၊ အိပ်စက်မှုကို စောင့်ကြည့်ပေးခြင်းများလို ကျန်းမာရေးနဲ့ ပတ်သက်တဲ့ စွမ်းရည်များ ပါလာပါတယ်။ အရောင်သုံးမျိုးနဲ့ အရွယ်အစား နှစ်မျိုး ထုတ်လုပ်ပေးထားပါတယ်။ LTE Model ကို $375 (42mm) နဲ့ $400 (46mm) သတ်မှတ်ထားပါတယ်။ Bluetooth Model ဟာ $330 (42mm) နဲ့ $350 (46mm) ကျသင့်ပါတယ်။

Ref : theverge

unicode

Samsung Galaxy Note 9 Event မှ အဓိကကြေညာချက် သုံးခု

%d bloggers like this: