Samsung Galaxy Note 9 Event မှာ မိတ်ဆက်နိုင်တဲ့ ထုတ်ကုန်များ

ဆမ်ဆောင်းက မနက်ဖြန်မှာ Galaxy Unpacked Event ကို ပြုလုပ်တော့မှာ ဖြစ်ပါတယ်။ အဲဒီပွဲမှာ Note 9 အပါအဝင် အခြား ထုတ်ကုန်များကို ကြေညာမှာပါ။ သူတို့ရဲ့ သတင်းအချက်အလက်များစွာလည်း ပေါက်ကြားထွက်ပေါ်ခဲ့ဖူးပါတယ်။ Samsung Galaxy Note 9 Event မှာ မိတ်ဆက်နိုင်တဲ့ အရာများကို အောက်မှာလေ့လာပါ။

Galaxy Note 9

ဆမ်ဆောင်းက Galaxy Note 9 ရဲ့ Unpacked Event အတွက် ဖိတ်စာများကို ဝေငှထားပါတယ်။ ဖိတ်စာမှာ S Pen ကို အဓိကထား ပြသထားပြီး သူ့မှာ စွမ်းရည် အသစ်များပါလာမယ်လို့ ယူဆရပါတယ်။ ဒီဇိုင်းကတော့ ယခင်နှစ် Note 8 ရဲ့ S Pen နဲ့ တူညီပါတယ်။ အနောက်ကင်မရာ စနစ်နဲ့ အနောက် လက်ဗွေရာ ကိရိယာ၊ မျက်လုံး အာရုံခံကိရိယာများကိုလည်း ယခင်နှစ်ထုတ် မော်ဒယ်မှာလို တပ်ဆင်ထားမှာပါ။ ဒါပေမယ့် တိုးတက်မှုများ ပါလာမှာပါ။

အဆင့်မြှင့်ထားတဲ့ S Pen

တိကျမှုနဲ့ အာရုံခံနိုင်စွမ်းမှာ ယခင်နှစ်ကထက် တိုးတက်လာမှာပါ။ သူ့ကို Portable Bluetooth Controller လို အသုံးပြုနိုင်မှာ ဖြစ်ပြီး သီချင်းများကို ထိန်းချုပ်ခြင်း၊ Remote Self-Timer လို အသုံးပြုနိုင်ခြင်း စတဲ့ စွမ်းရည်များ ပါလာမယ်လို့ ပြောပါတယ်။ S Pen မှာ ဂိမ်း ကစားနိုင်တဲ့ စွမ်းရည်တောင် ပါလာနိုင်တယ်လို့ သိရပါတယ်။

ပိုကောင်းလာတဲ့ ဘက်ထရီ သက်တမ်း

Note 9 မှာ Note 8 ရဲ့ 3300mAh Battery ထက် ပိုမိုကြီးမားတဲ့ 3850mAh or 4000mAh Battery များ ပါလာနိုင်ပါတယ်။ Note 7 ရဲ့ 3500mAh Battery ထက် ၁၄ ရာခိုင်နှုန်း ပိုမို ကြီးမားလာမှာပါ။ ဆမ်ဆောင်းရဲ့ Note 9 Teaser မှာလည်း ဘက်ထရီ သက်တမ်းကို အဓိက ညွှန်းထားပါတယ်။

ပိုများလာမယ့် Storage

ပေါက်ကြားထွက်ပေါ်ခဲ့ဖူးတဲ့ Samsung ရဲ့ ပရိုမို ဗီဒီယိုမှာ Note 9 အတွက် 512GB Storage အထိတောင် ထုတ်လုပ်ပေးထားမယ်လို့ သိရပါတယ်။ ဈေးကွက်ထဲမှာ အများဆုံး အနေနဲ့ 512GB microSD Card Slot ပါလာမှာပါ။ အဲဒီ နှစ်ခု ပေါင်းလိုက်ရင် 1 Terabyte အထိတောင် သိမ်းနိုင်မှာပါ။

ပိုကောင်းလာမယ့် ကင်မရာများ

ဆမ်ဆောင်းက စမတ်ဖုန်း အသစ်တိုင်းမှာ ကင်မရာများကို အဆင့်မြှင့်ထားလေ့ရှိပါတယ်။ Note 9 မှာ Galaxy S9 မှာ စတင် မိတ်ဆက်ခဲ့တဲ့ Dual-Aperture System ကို အဆင့်မြှင့်ထားနိုင်ပါတယ်။

တိုးတက်လာမယ့် အမြန်နှုန်း

Galaxy S9 မှာလိုပဲ Note 9 မှာ Qualcomm ရဲ့ နောက်ဆုံးထုတ် စွမ်းရည်မြင့် Snapdragon 845 Chipset နဲ့အတူ နောက်ဆုံးထုတ် Modem ပါလာနိုင်ပါတယ်။

Galaxy Watch

အဲဒီ ပွဲမှာ Galaxy Watch ကိုပါ ကြေညာနိုင်ပါတယ်။ Gear အမည်ကနေ ခွဲထွက်သွားဖို့ ရှိပါတယ်။ အမည်ပြောင်းသွားပေမယ့် အခြား အရာများက အများကြီး ပြောင်းသွားမယ်လို့ မထင်ရပါဘူး။ အမည်ပြောင်းသွားလို့ Android Wear OS ကို ပြောင်းသုံးမှာ မဟုတ်နိုင်ပါဘူး။ Tizen OS ကိုသာ သုံးထားမယ်လို့ သတင်းများက ဆိုပါတယ်။

Wireless Chargere Duo

နောက်ထပ် ထုတ်ကုန် တစ်ခုက Wireless Charger Duo ဖြစ်ပြီး Device ၂ ခုကို တစ်ပြိုင်နက် အားသွင်းပေးနိုင်မှာပါ။ အဲဒီအတွက် Galaxy Note 9 နဲ Galaxy Watch ၂ ခုစလုံးကို တစ်ပြိုင်နက် အားသွင်းနိုင်မှာပါ။

Bixby ပါတဲ့ စမတ် စပီကာ

နောက်ဆုံးထုတ်ကုန်က ကာလရှည်ကြာ သတင်းထွက်နေတဲ့ Bixby ပါတဲ့ စမတ် စပီကာ ဖြစ်ပါတယ်။ သူဟာ Amazon Alexa Device , Google Home , Apple HomePod များကို ယှဉ်ပြိုင်မှာပါ။ ဒေါ်လာ ၃၀၀ လောက်ရှိမယ်လို့ သတင်းထွက်နေပါတယ်။

Ref : theverge

unicode

Samsung Galaxy Note 9 Event မှာ မိတ်ဆက်နိုင်တဲ့ ထုတ်ကုန်များ

%d bloggers like this: