Windows 10 ကို အလွယ်ကူဆုံး Clean Installation လုပ်နည်း

အကြောင်းအမျိုးမျိုးကြောင့် Windows ပြန်တင်ချင်တဲ့သူတွေအတွက် ဖိုင်တွေ၊ ဒေတာတွေ တခုမှ မပျောက်ဆုံးဘဲ၊ Settings တွေကအစ ကိုယ်သတ်မှတ်ထားတဲ့အတိုင်း အဆင်သင့်ပြန်သုံးနိုင်တဲ့ Clean Installation နည်းလမ်းတခုနဲ့ မိတ်ဆက်ပေးပါရစေ။

Fresh Start လို့ အမည်ပေးထားတဲ့ ယခု Feature ဟာ Windows 10 Creators Update မှာ စတင်ပါဝင်ခဲ့တဲ့ Feature ဖြစ်ပြီး၊ Windows ကို Clean Installation လွယ်လွယ်လုပ်ချင်တဲ့သူတွေအတွက် အဆင်ပြေဆုံးဖြစ်အောင် Microsoft က ကြိုးစားပေးထားတဲ့ Feature တခုပါ။

ကိုယ့် PC က စက်တက်တာ၊ ပိတ်တာ မတရားကြာနေရင်၊ မမ်မိုရီအသုံးပြုမှု အရမ်းများနေရင်၊ Browsing လုပ်ရတာ နှေးကွေးလေးလံနေရင်၊ ဘက်ထရီအကုန်မြန်နေရင် စသဖြင့် Windows အသုံးပြုနေကျလူတွေ ပုံမှန်ကြုံတွေ့နေရတဲ့ အခက်အခဲလေးတွေကို Fresh Start လုပ်ပေးခြင်းအားဖြင့် ဖြေရှင်းနိုင်ပါတယ်။ Fresh Start ကို ကျနော်သဘောအကျဆုံး တချက်ကတော့ အင်တာနက်ချိတ်ဆက်ပြီး လုပ်မယ်ဆိုရင် နောက်ဆုံး Up-to-date Windows ဗားရှင်းကိုပါ အလိုလိုမြှင့်ပေးသွားတာပါ။ Windows ပြန်တင်ဖို့လည်း စိတ်ကူးရှိတယ်၊ Up-to-date ဗားရှင်းလည်း သုံးချင်တယ်ဆိုရင် ဒီနည်းလမ်းက အလွယ်ကူဆုံးနည်းလမ်းတခု ဖြစ်ပါတယ်။

Fresh Start အသုံးပြုနည်း

မှတ်ချက် – Fresh Start မသုံးခင် အရင်ဆုံး သတိပေးချင်တာကတော့ ဒီ Feature ဟာ သင့်စက်ထဲသွင်းထားတဲ့ Third-party Softwares တွေ၊ Apps တွေ အားလုံးကို ဖျက်ပစ်ပြီး၊ Windows အသစ်အတိုင်း ပြန်သုံးရမှာဖြစ်လို့ လိုအပ်တာတွေကို Backup ရယူထားဖို့ အကြံပေးချင်ပါတယ်။ ဒီ့အပြင် Apps တွေရဲ့ ဒီဂျစ်တယ်လိုင်စင်နဲ့ Content တွေကိုပါ ဖြုတ်ပစ်နိုင်တဲ့အတွက် Product Keys တွေ၊ License ကုဒ်တွေ ပြန်ရှာထားဖို့ လည်း လိုပါလိမ့်မယ်။

  • Fresh Start ကို Windows 10 Settings ထဲက Device Performance & Health setting ထဲကနေ အသုံးပြုနိုင်ပါတယ်။
  • Get Started လုပ်လိုက်ပြီဆိုရင် Fresh Start သုံးဖို့ သေချာလားဆိုတာ Microsoft က ထပ်မေးပါလိမ့်မယ်။ သင့်စက်အပေါ်မူတည်ပြီး ပျှမ်းမျှ ကြာချိန်ကိုလည်း ခန့်မှန်းဖော်ပြပေးထားမှာပါ။
  • Next နှိပ်လိုက်မယ်ဆိုရင် သင့်စက်ထဲ သွင်းထားတဲ့ ဘယ် Apps တွေ၊ Softwares တွေကို ဖြုတ်ပစ်ရမလဲဆိုတာ စစ်ဆေးပါလိမ့်မယ်။
  • စစ်ပြီးသွားရင် Remove လုပ်မယ့် စာရင်းကို ဖော်ပြပါလိမ့်မယ်။ ဖုန်းနဲ့ ဓာတ်ပုံရိုက်ထားစရာမလိုပါဘူး။ အားလုံးပြီးဆုံးသွားရင်လည်း ဘယ် Apps တွေတော့ Remove လုပ်လိုက်ပြီဆိုတာ Microsoft က ထပ်ပြပေးသွားမှာဖြစ်တဲ့အတွက် အချိန်မရွေး ပြန်ကြည့်နိုင်ပါတယ်။
  • ဒီလိုပေါ်လာပြီဆိုရင်တော့ Start နှိပ်လိုက်ပါ။ Laptop ဆိုရင် အားသွင်းကြိုးတပ်ထားပေးပါ။
  • ထုံးစံအတိုင်း ဘယ်လောက်အထိ ပြီးပြီလဲဆိုတာ ရာခိုင်နှုန်းနဲ့ ပြနေပါလိမ့်မယ်။ နည်းနည်းကြာမှာ ဖြစ်လို့ လုပ်စရာရှိတာ လုပ်နေပါ။
  • Fresh Start လုပ်နေချိန်အတွင်း PC က Restart တခါထက်မနည်း ကျနိုင်ပါတယ်။ မစိုးရိမ်ပါနဲ့။ သူ့ဘာသာ ရောက်တဲ့နေရာကနေ ပြန်လုပ်ပေးသွားမှာဖြစ်ပါတယ်။
  • နောက်ဆုံးတကြိမ် Restart ကျပြီးရင်တော့ Login စခရင်ကို မြင်ရပါလိမ့်မယ်။ ဒီအဆင့်မှာတော့ Windows 10 နောက်ဆုံးဗားရှင်းအတွက် Updates တွေကိုပါ တခါတည်း သွင်းပေးသွားမှာလည်း ဖြစ်ပါတယ်။
  • အားလုံးပြီးဆုံးသွားရင်တော့ Windows 10 အသစ်ကို စတင်အသုံးပြုနိုင်ပါပြီ။ ကိုယ်ထားထားတဲ့ Wallpaper ကအစ၊ Wi-Fi password အဆုံး ဘာမှပြန်လုပ်စရာမလိုဘဲ အဆင်သင့်တန်းသုံးနိုင်မှာ ဖြစ်ပါတယ်။
  • Fresh Start လုပ်ပြီးသွားချိန်မှာ ကိုယ့် PC အတွင်း မရှိတော့တဲ့ Apps စာရင်းကို Microsoft Edge icon လေးနဲ့ စာရင်းလုပ်ပေးထားပါတယ်။
  • တကယ်လို့ ဒီဖိုင်ကို မှားဖျက်မိလိုက်လည်း ကိစ္စမရှိပါဘူး။ Windows 10 Settings ထဲက Fresh Start အောက်မှာ See removed apps ကို နှိပ်ပြီး အချိန်မရွေး ပြန်ကြည့်နိုင်ပါတယ်။

Fresh Start ဟာ အရင်လို Windows 10 OS ကြီးတခုလုံးကို Microsoft website ကနေ ပြန် Download ဆွဲ၊ DVD ဒါမှမဟုတ် USB Drive နဲ့ ပြန်သွင်းတာထက်စာရင် ပိုမိုအဆင်ပြေတဲ့နည်းလမ်းတခုဖြစ်ပါတယ်။

Ref: Microsoft, Tech Republic

Windows 10 ကို အလွယ်ကူဆုံး Clean Installation လုပ်နည်း

Get Started လုပ်လိုက်ပြီဆိုရင် Fresh Start သုံးဖို့ သေချာလားဆိုတာ Microsoft က ထပ်မေးပါလိမ့်မယ်။ သင့်စက်အပေါ်မူတည်ပြီး ပျှမ်းမျှ ကြာချိန်ကိုလည်း ခန့်မှန်းဖော်ပြပေးထားမှာပါ။

ထုံးစံအတိုင်း ဘယ်လောက်အထိ ပြီးပြီလဲဆိုတာ ရာခိုင်နှုန်းနဲ့ ပြနေပါလိမ့်မယ်။ နည်းနည်းကြာမှာ ဖြစ်လို့ လုပ်စရာရှိတာ လုပ်နေပါ။

Fresh Start လုပ်နေချိန်အတွင်း PC က Restart တခါထက်မနည်း ကျနိုင်ပါတယ်။ မစိုးရိမ်ပါနဲ့။ သူ့ဘာသာ ရောက်တဲ့နေရာကနေ ပြန်လုပ်ပေးသွားမှာဖြစ်ပါတယ်။
နောက်ဆုံးတကြိမ် Restart ကျပြီးရင်တော့ Login စခရင်ကို မြင်ရပါလိမ့်မယ်။ ဒီအဆင့်မှာတော့ Windows 10 နောက်ဆုံးဗားရှင်းအတွက် Updates တွေကိုပါ တခါတည်း သွင်းပေးသွားမှာလည်း ဖြစ်ပါတယ်။

Fresh Start လုပ်ပြီးသွားချိန်မှာ ကိုယ့် PC အတွင်း မရှိတော့တဲ့ Apps စာရင်းကို Microsoft Edge icon လေးနဲ့ စာရင်းလုပ်ပေးထားပါတယ်။

တကယ်လို့ ဒီဖိုင်ကို မှားဖျက်မိလိုက်လည်း ကိစ္စမရှိပါဘူး။ Windows 10 Settings ထဲက Fresh Start အောက်မှာ See removed apps ကို နှိပ်ပြီး အချိန်မရွေး ပြန်ကြည့်နိုင်ပါတယ်။

%d bloggers like this: