အိန္ဒိယမှာ Galaxy S9+ ရောင်းအားကို ကျော်တက်သွားတဲ့ OnePlus 6

OnePlus ဟာ အိန္ဒိယမှာ သမိုင်းမှတ်တမ်းတစ်ခု ရေးထိုးနိုင်ခဲ့ပါတယ်။ အဲဒါကတော့ ယခုနှစ် ဒုတိယ ကွာတားတွင် စွမ်းရည်မြင့် ဖုန်းဈေးကွက်မှာ OnePlus 6 ဟာ Galaxy S9+ ထက် ရောင်းအား ပိုများခဲ့တာပါ။ ဒါဟာ သမိုင်းကြောင်းတစ်လျှောက်မှာ ပထမဆုံး အကြိမ် ရောင်းအား ပိုကောင်းခဲ့တာ ဖြစ်ပါတယ်။

ဒီသုတေသန စစ်တမ်းကို Counterpoint က ပြုလုပ်ခဲ့တာဖြစ်ပါတယ်။ အိန္ဒိယတွင် ဒုတိယ ကွာတားမှာ ရောင်းအား အးကောင်းဆုံး စွမ်းရည်မြင့် ဖုန်း စာရင်းမှာ OnePlus 6 က နံပါတ် ၁ နေရာကို သိမ်းပိုက်ထားပြီး စွမ်းရည်မြင့် ဖုန်းဈေးကွက်ရဲ့ ၃၀ ရာခိုင်နှုန်းကို ပိုင်ဆိုင်ထားပါတယ်။ Samsung Galaxy S9+ က နံပါတ် ၂ နေရာမှာ ရပ်တည်နေပြီး ဈေးကွက်ဝေစုရဲ့ ၁၂ ရာခိုင်နှုန်းကို အုပ်စိုးထားပါတယ်။ OnePlus 5T က နံပါတ် ၃ နေရာမှာ ရှိနေပြီး ဈေးကွက်ဝေစုရဲ့ ၁၀ ရာခိုင်နှုန်းကို ရရှိထားပါတယ်။

Apple ရဲ့ iPhone 8 နဲ့ iPhone X တို့ဟာ သက်တမ်း အနည်းငယ် ကြာသွားပြီ ဖြစ်တဲ့အတွက် ဒုတိယကွာတားမှာ အိန္ဒိယတွင် ရောင်းအား မကောင်းခဲ့ပါဘူး။ တန်ဖိုးကြီးမြင့်မှုကလည်း ရောင်းအား မကောင်းတဲ့ အချက်တစ်ခု ဖြစ်ပါတယ်။

Counterpoint က စွမ်းရည်မြင့် ဖုန်းလို့ ဆိုရာမှာ ရူပီး ၃၀၀၀၀ နဲ့ အထက်များပြားတဲ့ ဖုန်းများကို ဆိုလိုပါတယ်။ ဒေါ်လာအားဖြင့် ၄၄၀ နဲ့ အထက်ဖြစ်ပါတယ်။ ဒေါ်လာ ၄၄၀ ကို အခြေခံ ဈေးနှုန်း သတ်မှတ်တာ နည်းပါးပေမယ့် OnePlus နဲ့ ကုမ္ပဏီ အချို့ဟာ ရူပီး ၄၀၀၀၀ အောက် စွမ်းရည်မြင့် ဖုန်းများကို ထုတ်လုပ်ရောင်းချနေကြပါတယ်။

Ref : gsmarena

အိန္ဒိယမှာ Galaxy S9+ ရောင်းအားကို ကျော်တက်သွားတဲ့ OnePlus 6

%d bloggers like this: