OnePlus 3 နဲ့ 3T တို့အတွက် Android P ရမည်

OnePlus က နှစ်နှစ်ကြာ သက်တမ်းရှိတဲ့ 3 နဲ့ 3T တို့အတွက် Android P ကို ဖြန့်ချီပေးမယ်လို့ ကြေညာလိုက်ပါတယ်။ ကုမ္ပဏီက သူတို့ရဲ့ ဖိုရမ်မှာ ဒီကြေညာချက်ကို ပြုလုပ်ခဲ့တာပါ။ ကုမ္ပဏီက စားသုံးသူများရဲ့ တောင်းဆိုမှုကြောင့် ဒီလိုပြုလုပ်ပေးလိုက်တာပါလို့ ပြောပါတယ်။ OnePlus က “ ကုမ္ပဏီမှာ ဆွေးနွေးညှိနှိုင်းမှုများ ပြုလုပ်ပြီးနောက်မှာ 3/3T တို့အတွက် Android P ကို ဖြန့်ချီပေးဖို့ သဘောတူညီလိုက်ပါတယ်။ Android 8.1 ကိုတော့ မထုတ်လုပ်ပေးတော့ပါဘူး။ “ လို့ ပြောပါတယ်။

ကုမ္ပဏီက 3/3T တို့အတွက် Android P ကို အဓိက ပြုလုပ်ပေးမှာ ဖြစ်ပြီး Android 8.1 Update ကိုတော့ မဖြန့်ချီပေးတော့ဘူးလို့ ပြောပါတယ်။ သူတို့ဟာ လက်ရှိမှာ Android 8.0 ကို ရရှိထားတာဖြစ်ပါတယ်။ Android P ကို ဖြန့်ချီပေးမယ့်အချိန်ကိုတော့ ကုမ္ပဏီက ပြောကြားခြင်း မရှိသေးပါဘူး။ ဒါပေမယ့် Android P ကို OnePlus 6 , OnePlus 5 , OnePlus 5T တို့အတွက် အရင်ဆုံး ဖြန့်ချီပေးမှာ ဖြစ်ပြီး အဲဒီနောက်မှာ 3/3T တို့မှာ ရရှိမှာ ဖြစ်ပါတယ်။

OnePlus က 6 အတွက် Android P Beta ကိုဖြန့်ချီပေးဖို့ Google နဲ့ ပူးပေါင်းလုပ်ကိုင်နေပါတယ်။ 3 / 3T တို့မှာ ရရှိဖို့တော့ အချိန်ကြာနိုင်ပါသေးတယ်။ ယခုနှစ်ကုန် သို့မဟုတ် လာမယ့်နှစ် အစောပိုင်းမှာ ရရှိနိုင်မယ်လို့ ထင်ရပါတယ်။

Ref : techradar, gsmarena

unicode

OnePlus 3 နဲ့ 3T တို့အတွက် Android P ရမည်

%d bloggers like this: