VOOC နဲ့ Notch ပါလာမယ့် Oppo F9 Pro

Oppo ရဲ့ မလေးရှား ရုံးက F9 စမတ်ဖုန်းရဲ့ Teaser ကို တွစ်တာမှာ မကြာခင်က ပြသခဲ့ပါတယ်။ သူ့အတွက် Pro Version ကိုလည်း ထုတ်လုပ်ရောင်းချမယ်လို့ ထင်ခဲ့ကြပါတယ်။ အခုတော့ Oppo က Pro Version ကို အတည်ပြုလိုက်ပါတယ်။ Oppo F9 Pro ရဲ့ ဓါတ်ပုံကိုလည်းပြသလိုက်ပါတယ်။ တြိဂံပုံသဏ္ဍာန် Notch ကို တွေ့မြင်ရပါတယ်။ လျှင်မြန်စွာ အားသွင်းနိုင်တဲ့ VOOC နည်းပညာပါလာမယ်လို့ ရေးသားထားပါတယ်။

Oppo F9 Pro မှာ အနောက်ကင်မရာ နှစ်လုံးကို အလျားလိုက် တပ်ဆင်ထားမှာ ဖြစ်ပါတယ်။ အနောက်ကာဗာရဲ့ အရောင်ဟာ အနီကနေ ပန်းရောင်၊ ပန်းရောင်ကနေ ခရမ်းရောင် ပြောင်းလဲနိုင်တာက ထူးခြားပါတယ်။ ပတ်ဝန်းကျင် အလင်းရောင် အပေါ် မူတည်၍ ပြောင်းလဲတာလား၊ ပုံသေ ပြောင်းလဲတာလား ဆိုတာကို မသိရသေးပါဘူး။

စကရင်ရဲ့ ဘယ်နဲ့ ညာဘက်မှ ဘောင်များဟာ မရှိသလောက်ကို ပါးလွှာပါတယ်။ အထက်မှ ဘောင်ကလည်း ထိုနည်းလည်းကောင်း ဖြစ်ပါတယ်။ အောက်ဘက်ဘောင်ကတော့ မဆိုစလောက် ထူထဲပါတယ်။ လက်ဗွေရာ အာရုံခံ ကိရိယာကို အနောက်ဘက်မှာ တပ်ဆင်ထားမယ်လို့ ထင်ရပါတယ်။

VOOC ဟာ Oppo ရဲ့အလွန်လျှင်မြန်တဲ့ အားသွင်း နည်းပညာ ဖြစ်ပါတယ်။ ဒီနည်းပညာကို စွမ်းရည်သင့် R Series နဲ့ Find Series များမှာ ထည့်သွင်းပေးလေ့ရှိပါတယ်။ ဒါပေမယ့် နောက်ပိုင်းမှာ F Series များမှာပါ ထည့်သွင်းပေးလာပါတယ်။ ၂၀၁၇ ခုနှစ်မှာ ကြေညာခဲ့တဲ့ F3 Plus မှာ ဒီနည်းပညာ စတင် ပါလာပါတယ်။ သူဟာ 20W ကို ထုတ်လွှတ်ပေးနိုင်ပြီး ၃၀ မိနစ်အတွင်းမှာ ၅၀ ရာခိုင်နှုန်း အားဖြည့်ပေးပါတယ်။

Ref : gsmarena

unicode

VOOC နဲ့ Notch ပါလာမယ့် Oppo F9 Pro

%d bloggers like this: