၆.၁ နဲ့ ၆.၅ လက်မ iPhone များရဲ့ ဓါတ်ပုံများ ထွက်ပေါ်လာ

Apple က စက်တင်ဘာလမှာ အိုင်ဖုန်း အသစ်သုံးလုံးကိုမိတ်ဆက်တော့မှာ ဖြစ်ပါတယ်။ သူတို့ရဲ့ သတင်းအချက်အလက်များဟာလည်း အွန်လိုင်းမှာ ပေါက်ကြားထွက်ပေါ်နေပါတယ်။ အခုလည်း ၆.၁ နဲ့ ၆.၅ လက်မ အိုင်ဖုန်းများရဲ့ ဒီဇိုင်းကိုပြသထားတဲ့ Dummy Models များကို Ben Geskin ဆိုသူက တွစ်တာမှာ ဖြန့်ဝေလိုက်ပါတယ်။ သူက တွစ်တာ ပို့်စ်မှာ ဓါတ်ပုံများနဲ့အတူ “2018 iPhone X Plus (6.5-inch) and iPhone (6.1-inch) Dummy Models “ လို့ စာသား ရေးသားထားပါတယ်။

ယခင်သတင်းများအတိုင်းပဲ ၆.၁ လက်မ LCD iPhone ရဲ့ အနောက်ဘက်မှာ ကင်မရာ ၁ လုံးသာပါပါတယ်။ သူဟာ အိုင်ဖုန်း သုံးလုံးထဲမှာ တန်ဖိုးအနည်းဆုံး ဖြစ်ပါတယ်။ Stainless Steel အစား အလူမီနီယမ် ကိုယ်ထည်ကိုအသုံးပြုထားပါတယ်။ 3D Touch ကို ဖယ်ရှားထားပြီး FaceID ပါလာမှာပါ။ သူတို့ နှစ်လုံးဟာ အရှေ့ဘက်အပိုင်းမှာ iPhone X နဲ့ အလွန် တူပါတယ်။ တန်ဖိုးနည်း အိုင်ဖုန်းကို နိုဝင်ဘာလနောက်ပိုင်းမှ ရောင်းမှာပါ။

Apple က စက်တင်ဘာလမှာ အိုင်ဖုန်းများနဲ့အတူ တက်ဘလက် အသစ်များကို မိတ်ဆက်မယ်လို့ ထင်ရပါတယ်။ ပြီးခဲ့တဲ့ရက်ပိုင်းက ဂျပန်မှ ထွက်ပေါ်လာတဲ့ သတင်းအရ Apple ဟာ နောက်ထုတ်မယ့် iPad Pro အသစ်များမှာ အရွယ်အစားကို ကျစ်လစ်အောင် ဖန်တီးထားပြီး နောက်ဆုံးထွက် အိုင်ဖုန်းများမှာလို တက်ဘလက်အသစ်များမှာ နားကြပ်ပေါက်ကို ဖယ်ရှားထားမယ်လို့ သိရပါတယ်။

ဂျပန်မှ သတင်းအရ အိုင်ပတ် အသစ်များမှာ FaceID လည်း ပါလာမယ်လို့ ရေးသားထားပါတယ်။ ဒီသတင်းကတော့ ထွက်နေတာ ကြာပါပြီ။ အိုင်ပတ်အသစ်မှာ စကရင်ရဲ့ ထိပ်မှာ Notch လည်း ပါလာနိုင်ပါတယ်။ အဲဒီအတွက် သူ့ရဲ့ မျက်နှာပြင် ဘေးဘောင်များဟာ အလွန် ပါးလွှာမှာ ဖြစ်ပါတယ်။ iOS 12 မှာ Face ID အတွက် Multi-User ကို ထောက်ပံံ့လာမယ့်အတွက် အိုင်ပတ်အသစ်မှာ Face ID ပါလာမှာ ပိုပြီး သေချာစေပါတယ်။ Multi-User ကို ထောက်ပံ့ခြင်းဟာ အိုင်ဖုန်း ကိုင်သူများအတွက်တော့ သိပ်မလိုအပ်ဘဲ အိုင်ပတ်ကို မျှေ၀ အသုံးပြုတဲ့ လူများအတွက်တော့ အသုံးဝင်လာမှာ ဖြစ်ပါတယ်။

အိုင်ပတ်ရဲ့ ဒီဇိုင်းကိုလည်း ဆန်းသစ်ထားမှာ ဖြစ်ပါတယ်။ Home Button ကို ဖယ်ရှားထားမှာ ဖြစ်ပြီး iPhone X မှာလို Gesture Navigation များကို သုံးရမှာ ဖြစ်ပါတယ်။ Control Center ကို သုံးတဲ့အခါမှာ iOS 12 Beta မှာ Gesture Navigation အသစ်များ ပါလာပါတယ်။

Ref : gsmarena

unicode

၆.၁ နဲ့ ၆.၅ လက်မ iPhone များရဲ့ ဓါတ်ပုံများ ထွက်ပေါ်လာ

%d bloggers like this: