ဒီတစ်ပတ်အတွက် ရွေးပေးချင်တဲ့ Gadgets များ

လူတွေရဲ့ နေ့စဉ် လူနေမှုဘဝကို အထောက်အကူ ပြုပေးတဲ့ Gadgets များစွာ ဒီနေ့ခေတ်မှာ ပေါ်ထွက်လာကြပါပြီ။ Gadgets for this week ကဏ္ဍမှာ ဒီတစ်ပတ်အတွက် အကောင်းဆုံး Gadgets များကို ဖော်ပြပေးလိုက်ပါတယ်။

SHAPL Smart Suitcases and Backpacks

သူကတော့ စမတ်ကျတဲ့ခရီးဆောင်အိတ်ဖြစ်ပြီး Dr. Nah က ဒီဇိုင်းထုတ်ထားတာ ဖြစ်ပါတယ်။ မာကျောကြံ့ခိုင်ပြီး အသုံးဝင်တဲ့ စွမ်းရည်များ ပါပါတယ်။ အိတ်ရဲ့ အပြင်ဘက်မှာ သင့် အမည်ကို စတစ်ကာများဖြင့် ကပ်ထားနိုင်တဲ့အတွက် လေဆိပ်မှာ သင့်ရဲ့ အိတ်ကို လွယ်ကူစွာ မြင်နိုင်ပါတယ်။ သူ့မှာ ဘလူးတု စောင့်ကြည့်တဲ့ စနစ်လည်းပါပြီး သင်နဲ့ အိတ်တို့ အလွန်ကွာဝေးသွားရင် သင့်ကို အသိပေးမှာပါ။ တစ်နည်းအားဖြင့် သင့် အိတ်ကို သူခိုး မခိုးနိုင်အောင် ပြုလုပ်ပေးထားတာပါ။ အိတ် အခိုးခံရရင် ဒါမှမဟုတ် ပျောက်ဆုံးသွားရင်လည်း မြေပုံကနေ ခြေရာခံနိုင်ပါတယ်။ အိတ်ကို ပိုလီကာဘိုနိတ်ဖြင့် ရာနှုန်းပြည့် ဖန်တီးထားတာ ဖြစ်တဲ့အတွက် ပေါ့ပါး မာကျောပါတယ်။ ဘီးများကို Hinomoto က ဖန်တီးထားတာပါ။ ၁၇ လက်မ အရွယ် လက်ပ်တော့ ထည့်တဲ့ အကန့်နဲ့ USB Port များ ထည့်သွင်းထားပါတယ်။ ရေစိုခံတဲ့ ချည်သားကို အတွင်းပိုင်းမှာ သုံးထားပါတယ်။ ၅၉ ဒေါ်လာ တန်ကြေးရှိပါတယ်။

Tuff Pupper Portable Dog Water Bottle

သူကတော့ သင့် အိမ်မွေး တိရိစ္ဆာန်များကို လွယ်ကူစွာ ရေတိုက်နိုင်မယ့် ရေဘူး ဖြစ်ပါတယ်။ ခွေးကြောင်းတဲ့ အချိန်၊ ခရီးသွားချိန်များမှာ သူက အသုံးဝင်ပါတယ်။ သူဟာ ရေဘူးနဲ့ ကတော့ ပုံသဏ္ဍာန် ခွက်ကို တွဲစပ်ထားတဲ့ ဒီဇိုင်း ဖြစ်ပါတယ်။ သာမာန် အချိန်မှာတော့ ရေဘူး ပုံသဏ္ဍာန် ဖြစ်ပြီး ရေတိုက်မယ့် အချိန်မှာ ကတော့ကို ဆန့်ထုတ်လိုက်ရမှာပါ။ သယ်ဆောင်လို့လည်း လွယ်ကူပါတယ်။ ရေ ၂၄ အောင်စ ထည့်ထားနိုင်ပါတယ်။ Stainless Steel ဖြင့် ဖန်တီးထားပြီး မာကျောပါတယ်။ ဒါပေမယ့် ပေါ့ပါးပါတယ်။ ၁၇.၉၅ ဒေါ်လာ သတ်မှတ်ထားပါတယ်။

QuietOn ANC Anti-Snore Earbuds

သူကတော့ ဟောက်တတ်တဲ့ လူတွေနဲ့ အတူ အိပ်တဲ့ လူများအတွက် အသုံးဝင်ပါတယ်။ သူ့မှာ ဟောက်သံများလို အသံဆူညံမှုကို ဖယ်ရှားပေးတဲ့ နည်းပညာ ပါပါတယ်။ သူ့ကို ဝတ်ဆင်ရတာ သက်တောင့်သက်သာ ရှိပါတယ်။ သူက သာမာန် နားကြပ်များ မလုပ်နိုင်တဲ့ Low-Frequency Sound များကို ဖယ်ရှားပေးနိုင်ပါတယ်။ သူဟာ ပေါ့ပါး မာကျောပါတယ်။ ဟောက်သံသာမက သူက ပတ်ဝန်းကျင်မှ အခြား ဆူညံသံများကိုပါ ဖျောက်ပေးပါတယ်။ ခရီးသွားတဲ့ အခါမှာလည်း သူက အသုံးဝင်ပါတယ်။ သူ့မှာ Sleeping Mode နဲ့ Hearing Mode များ ပါပါတယ်။ ပတ်ဝန်းကျင်မှ ဆူညံမှုများကို မကြားချင်ရင် Sleeping Mode ကို သုံးပါ။ သူ့ကို ဝတ်ဆင်ထားပေမယ့် ပတ်ဝန်းကျင်မှ အသံများကို ကြားချင်ရင် Hearing Mode ကို ပြောင်းရမှာပါ။ ဒီလို ပြောင်းဖို့ ခလုတ်တစ်ချက်သာ နှိပ်ရမှာပါ။ သူ့ရဲ့ ဘက်ထရီ သက်တမ်းက နာရီ ၂၀ ခံတဲ့အတွက် တစ်ညတာ ကောင်းကောင်း သုံးနိုင်ပါတယ်။ ၁၅၉ ဒေါ်လာဆိုတော့ ဈေးတော့ မသေးပါဘူး။

Ref : thegadgetflow

unicode

ဒီတစ်ပတ်အတွက် ရွေးပေးချင်တဲ့ Gadgets များ

%d bloggers like this: