Jia Jia အမည်ရ စက်ရုပ်အလှဘုရင်မတစ်ပါးကို တရုတ်သိပ္ပံပညာရှင်တွေ တီထွင်

ဒီစက်ရုပ်မလေးကို မြင်မြင်ချင်းမှာတော့၊ တကယ့်ကောင်မလေးတစ်ယောက်လားလို့ ထင်မိမှာပါ။ ဒါပေမယ့် တကယ်တမ်းတော့ သူမဟာ Jia Jia လို့ အမည်ပေးထားတဲ့ စက်ရုပ်မလေးဖြစ်ပါတယ်။

Jia Jia ဟာ မျက်လုံးလှုပ်ရှားပုံ၊ နှုတ်ခမ်းလှုပ်စကားပြောပုံကအစ လူသားမိန်းကလေးတစ်ယောက်လိုဖြစ်ပြီး၊ နက်မှောင်ရှည်လျားတဲ့ဆံပင်၊ ပန်းရောင်သန်းနေတဲ့ပါးပြင်နဲ့ တကယ့်မိန်းမချောလေးတစ်ဦးလို့ ထင်မှတ်မှားလောက်ရတာမို့ ‘စက်ရုပ်နတ်မိမယ်လေး’ လို့တောင် နာမည်ပြောင်ပေးခံထားရပါတယ်။

33394D8100000578-0-image-a-17_1460753881222

Jia Jia ကို တရုတ်သိပ္ပံနှင့်နည်းပညာတက္ကသိုလ်က Chen Xiaoping ဆိုသူနဲ့ အပေါင်းအပါတစ်စုက ဖန်တီးခဲ့ကြတာဖြစ်ပြီး၊ ဧပြီလ ၁၅ ရက်နေ့က တရုတ်နိုင်ငံ၊ Hefei မြို့မှာ စတင်ပြသခဲ့တာပါ။

Jia Jia ကို စတင်ပြသတဲ့ပွဲမှာ တီထွင်သူ Xaioping က ‘ဟယ်လို’ လို့ စခေါ်လိုက်တာနဲ့၊ စက်ရုပ်မလေးက ‘ ဟုတ်ကဲ့၊ သခင်၊ ကျွန်မဘာများလုပ်ပေးရမလဲ’ လို့ ချက်ချင်းပြန်ပြောခဲ့တာ မြင်တွေ့ရပါတယ်။

ဒီလို စကားပြောနိုင်၊ မျက်နှာအမူအရာအသေးစားတွေပြုလုပ်နိုင်တဲ့ စက်ရုပ်မျိုးကို ဖန်တီးနိုင်ဖို့အတွက် သုံးနှစ်ကျော်ကြာအချိန်ယူခဲ့ရတယ်လို့ဆိုပါတယ်။ Jia Jia ကို လူသားနဲ့ဆက်သွယ်တုံ့ပြန်ပြောဆိုနိုင်ဖို့ ပရိုဂရမ်ပေးထားပြီး၊ Cloud နည်းပညာကနေတဆင့်၊ ဝန်ဆောင်မှုတွေ လုပ်ပေးနိုင်တယ်လို့ သိရပါတယ်။

Jia Jia ရဲ့ Deep Learning (အယ်ဂိုရီသမ်အရအလိုအလျောက်လေ့လာသင်ယူနိုင်တဲ့စွမ်းရည်) ဟာ ကောင်းမွန်လွန်းလှတာကြောင့်၊ သူမကို ဓာတ်ပုံရိုက်တဲ့အခါ

“ ကျွန်မနားကပ်ပြီး၊ ဓာတ်ပုံမရိုက်နဲ့နော်၊ ကျွန်မမျက်နှာက ပိုပြဲနေသလိုဖြစ်သွားလိမ့်မယ်” လို့ ပြောဆိုခဲ့တာကြောင့် ပွဲလာပရိတ်သတ်တွေအကုန် ရယ်မောခဲ့ရပါသေးတယ်။

33371F8F00000578-3542621-Compared_to_previous_interactive_robots_this_humanoid_has_natura-m-2_1460757781821

Jia Jia စက်ရုပ်ကို တီထွင်ခဲ့တဲ့အဖွဲ့ဟာ ၂၀၁၄ ခုနှစ် RoboCup ချန်ပီယံရှစ်မှာ ပထမဆုရသွားခဲ့တဲ့ ‘Kejia’ အခိုင်းအစေစက်ရုပ်ကို တီထွင်ခဲ့တဲ့အဖွဲ့လည်း ဖြစ်ပါတယ်။

Ref: DailyMail

 

 

%d bloggers like this: