သုံးစွဲသူတွေကို သူတို့ Post တွေကနေ ပိုက်ဆံရစေနိုင်ရန် Facebook စီစဉ်နေ

Facebook ဟာ သူတို့ရဲ့ အစီအစဉ်အသစ်တစ်ခုဖြစ်တဲ့ “Tip Jar” ဆိုတဲ့ အစီအစဉ်နဲ့ အသုံးပြုသူတွေရဲ့ Like ရယုံထက်ပိုမိုကောင်းမွန်တဲ့ Post တွေကို ဆုငွေသဘောမျိုး ပေးဖို့ ပြုလုပ်နေတယ်လို့ သတင်းတွေထွက်ပေါ်လာပါတယ်။ ဒီသတင်းကို အရင်ဆုံး နာမည်ကြီး Technology Website တစ်ခုဖြစ်တဲ့ The Verge မှာ ဖော်ပြခဲ့တာဖြစ်ပြီး Facebook ပေါ်ကနေ ဘယ်လိုမျိုးပိုက်ဆံတွေဖန်တီးနိုင်မလဲဆိုတဲ့ လူထုအခြေပြု စစ်တမ်းတစ်ခုကနေ အကောင်းဆုံးနည်းလမ်းကို ထွက်ပေါ်လာတာဖြစ်ပါတယ်။

ဒီထဲကမှ Tip Jar ဆိုတဲ့ အစီအစဉ်ဟာ Like ထက်ပိုတဲ့ အနေနဲ့ တက်လာတဲ့ post တွေကို ပြန်လည်ပြီး ဆုပေးမယ့်အစီအစဉ်ဖြစ်ပါတယ်။ ဘယ်လိုပုံစံမျိုးနဲ့ ငွေပေးမယ်ဆိုတာတော့ ထုတ်ဖော်ပြောကြားခြင်းမရှိခဲ့ပါဘူး။ ဆုငွေရရှိတဲ့သူအနေနဲ့ သူတို့ရတဲ့ ပိုက်ဆံကို ပြန်လည်လှူဒါန်းနိုင်မယ့် အစီအစဉ်တစ်ခုလည်း ပါဝင်တာဖြစ်ပါတယ်။

ကမ္ဘာကျော်ဗီဒီယို ဝက်ဘ်ဆိုက်ဖြစ်တဲ့ You Tube အနေနဲ့လည်း ဒီလို အစီအစဉ်မျိုးကို ပြုလုပ်ခဲ့ဖူးပြီး အသုံးပြုသူတွေတင်ထားတဲ့ Video တွေအနေနဲ့ ကျော်ကြားအောင်မြင်မှုပေါ်မူတည်ပြီး ကြည့်ရှုသူဦးရေတက်လာလေလေ ကြော်ငြာတွေပြသနိုင်လေလေ၊ တင်ဆက်သူက ပိုက်ဆံပိုရလေလေပဲဖြစ်ပါတယ်။

Ref: Independent

%d bloggers like this: