သင့် ဖုန်း ကင်မရာကနေ သင်္ချာပုဒ်စာများကို ဘယ်လို တွက်မလဲ ?

ဒီနေ့ခေတ် စမတ်ဖုန်းများဟာ နည်းပညာမြင့်မားလာကြပြီး အိတ်ဆောင်ကွန်ပြူတာများလို အသုံးပြုနိုင်ပါပြီ။ စမတ်ဖုန်း Apps များရဲ့ အကူအညီဖြင့် လူများရဲ့ ကျန်းမာရေး၊ စီးပွားရေး၊ လူနေမှု စတိုင်၊ အလုပ်ကိစ္စများ အပါအဝင် ကဏ္ဍပေါင်းစုံမှာ တိုးတက်အောင် ပြုလုပ်ပေးနိုင်လာပါပြီ။ ကျောင်းသားများ၊ ဆရာများအတွက်လည်း အထောက်အကူ ပြုလာနိုင်ပါပြီ။ အဲဒီအထဲကမှ စမတ်ဖုန်း ကင်မရာကနေ သင်္ချာပုဒ်စာများတွက်ချက်ပေးနိုင်တဲ့ App တစ်ခုအကြောင်းကို တင်ဆက်ပေးလိုက်ပါတယ်။

သူ့ရဲ့ အမည်ကတော့ Photomath ဖြစ်ပြီး စမတ်ကျစွာ သင်္ချာပုဒ်စာများကို အဖြေထုတ်ပေးနိုင်ပါတယ်။ ဖုန်း ကင်မရာဖြင့် သင်္ချာ ညီမျှခြင်းကို ချိန်ရွယ်လိုက်တာနဲ့ အဖြေကို သူက ထုတ်ပေးမှာပါ။ သူ့ကို ကမ္ဘာအဝန်းမှာ အသုံးပြုသူ သန်းပေါင်းများစွာ ရှိနေပြီ ဖြစ်ပြီး ကျောင်းသားများ သင်္ချာ သင်ကြားရာမှာ လျှင်မြန်စေမှာပါ။ မိဘများအနေဖြင့် ကလေးများရဲ့ အိမ်စာကို လျှင်မြန်စွာ စစ်ဆေးနိုင်မှာ ဖြစ်ပါတယ်။

၁။ အောက်ပါ လင့်ကနေ Play Store မှာ PhotoMath ကို အင်စတောလုပ်ပါ။

https://play.google.com/store/apps/details?id=com.microblink.photomath&hl=en

၂။ အင်စတောလုပ်ပြီးတာနဲ့ သူက အသုံးပြုနည်းကို သင်ကြားပြသပေးမှာ ဖြစ်ပါတယ်။

၃။ ပြီးရင်တော့ သူ့ရဲ့ Home Screen ကို ရောက်ရှိမှာ ဖြစ်ပြီး ကင်မရာ မြင်ကွင်းကို ပြသထားမှာ ဖြစ်ပါတယ်။

၄။ QR Code ကို စကင်ဖတ်သလို သင့် စာအုပ်မှ သင်္ချာ ညီမျှခြင်းကို စကရင်မှ ဘောင်ထဲသို့ ဝင်အောင် ကင်မရာကနေ ချိန်ရွယ်ပါ။ စက္ကန့်အနည်းငယ်လောက် စောင့်ပေးလိုက်တာနဲ့ သူက သင်္ချာ ညီမျှခြင်းကို အာရုံခံပြီး အဖြေကို တွက်ချက်ပေးမှာ ဖြစ်ပါတယ်။

အကယ်၍ PhotoMath က သင့်ရဲ့ သင်္ချာ ညီမျှခြင်းကို မဖြေရှင်းနိုင်ရင် မေးခွန်းနဲ့တကွ Feedback ကို ပေးပို့နိုင်အောင် ပြုလုပ်ပေးထားပါတယ်။ သူတို့ရဲ့ အကူအညီပေးရေး အဖွဲ့က အဲဒီ မေးခွန်းကို အဖြေထုတ်ပေးမှာ ဖြစ်ပါတယ်။ App က ပုံနှိပ်စာသားများကို အကောင်းဆုံး တွက်ချက်ပေးနိုင်ပေမယ့် တခါတလေမှာ လက်ရေးစာသားများကို အာရုံခံရာမှာတော့ အခက်အခဲများ ရှိတတ်ပါတယ်။

Ref : techviral

unicode

သင့် ဖုန်း ကင်မရာကနေ သင်္ချာပုဒ်စာများကို ဘယ်လို တွက်မလဲ ?

%d bloggers like this: