Sharp က ဥရောပမှာ ဖုန်း အသစ်နှစ်လုံးကို ကြေညာလိုက်ပါတယ်။ Aquos C10 နဲ့ Aquos B10 တို့ဖြစ်ပါတယ်။ C10 က ပိုမို စွမ်းရည်မြင့်မားပါတယ်။ C10 မှာ ၅.၅ လက်မ IPS LCD 1080x2040p Display တပ်ဆင်ထားပြီး 17:9 မျက်နှာပြင် အချိုးပါ။ Notch ပါပါတယ်။ 12MP+8MP Dual-Rear Camera , 8MP Selfie Camera , Android 8.0 Oreo , Snapdragon 630 Chipset များပါပါတယ်။ 4GB RAM , 64GB Storage , microSD Card များ ပါပါတယ်။ ဘက်ထရီက သေးငယ်ပြီး 2700mAh သာ ပါပါတယ်။ ယူရို ၄၀၀ သတ်မှတ်ထားပါတယ်။
Sharp Aquos B10 မှာတော့ Notch မပါပါဘူး။ ၅.၇ လက်မ 720x1440p Display ပါပြီး မျက်နှာပြင် အချိုးမှာ 18:9 ဖြစ်ပါတယ်။ 13MP Selfie Camera , 13MP+8MP Rear Camera များ ထည့်သွင်းထားပါတယ်။ 8MP ဟာ ၁၂၀ ဒီဂရီ မြင်ကွင်းကျယ် ဖြစ်ပါတယ်။
B10 ကို MediaTek MT6750 Chipset က မောင်းနှင်ထားပါတယ်။ Android 7.0 Nougat သာ ပါတာက အားနည်းပါတယ်။ 3GB RAM , 32GB Storage များ ထည့်သွင်းထားပါတယ်။ Hybrid SIM Slot ပါပါတယ်။ ကောင်းတာက အရွယ်ကြီး 4000mAh Battery ထည့်သွင်းထားပြီး ယူရို ၃၀၀ သတ်မှတ်ထားပါတယ်။
Ref : gsmarena
unicode
Sharp က Dual-Camera များပါတဲ့ စွမ်းရည်သင့် Aquos C10 နဲ့ B10 တို့ကို ကြေညာ