DxOMark မှာ ကင်မရာ အကောင်းဆုံး စမတ်ဖုန်းအဖြစ် အဆင့် ၁၀ မှာ ရပ်တည်နေတဲ့ OnePlus 6

DxOMark ဆိုတာကတော့ ကင်မရာ နဲ့ စမတ်ဖုန်း ကင်မရာတွေရဲ့ ဓာတ်ပုံ အရည်အသွေးတွေ၊ ကင်မရာ Sensor တွေနဲ့ ကင်မရာ Lens တွေကို စမ်းသပ် စစ်ဆေးပေးတဲ့ အဖွဲ့အစည်း တစ်ခု ဖြစ်ပါတယ်။ DxOMark အနေနဲ့ OnePlus 6 ရဲ့ ဓာတ်ပုံ အရည်အသွေးတွေကို စမ်းသပ်စစ်ဆေးပြီးတဲ့အခါမှာတော့ OnePlus 6 ဟာ ရမှတ် ၉၆မှတ်နဲ့အတူ DxOMark အမှတ်ပေး ဇယားရဲ့ အဆင့် ၁၀ နေရာမှာ ရပ်တည်နိုင်ခဲ့ပါတယ်။

OnePlus 6

OnePlus 6 ဟာ ပြီးခဲ့တဲ့ မေလတုန်းက ထွက်ရှိခဲ့တဲ့ Flagship စမတ်ဖုန်း ဖြစ်ပြီး နောက်ကျောဘက်မှာလည်း Dual Camera Setup ကို တပ်ဆင်ထားပါတယ်။ ၆.၂၈ လက်မ AMOLED Display နဲ့အတူ Qualcomm ရဲ့ Snapdragon 845 Processor ကို အသုံးပြုထားပါတယ်။ နောက်ကျောဘက်မှာ တပ်ဆင်ထားတဲ့ Main Camera အတွက် Aperture f/1.7 ရှိတဲ့ 16MP Sensor ကို အသုံးပြုထားပါတယ်။ Aperture f/1.7 ရှိတဲ့ 20MP Sensor က Depth-of-field effects တွေနဲ့ Zoom ဆွဲရိုက်ရင် ပိုမိုကောင်းမွန်တဲ့ ဓာတ်ပုံတွေကို ရိုက်ကူးနိုင်ဖို့အတွက် ထည့်သွင်းပေးထားတာ ဖြစ်ပါတယ်။ OnePlus 6 က 4K ဗီဒီယိုတွေကို 30/60 fps (frame per second) နဲ့ ရိုက်ကူးနိုင်သလို Slow-motion ဗီဒီယိုတွေကိုလည်း 1080p မှာ 240fps နဲ့ ရိုက်ကူးနိုင်တဲ့ စမတ်ဖုန်း တစ်လုံး ဖြစ်ပါတယ်။

အောက်ပါ ဓာတ်ပုံများကတော့ OnePlus 6 ရဲ့ ကင်မရာ အရည်အသွေးတွေကို iPhone X, Galaxy S9 Plus တို့နဲ့ နှိုင်းယှဉ်ပြသ ပေးထားတာ ဖြစ်ပါတယ်။

OnePlus 6, High-contrast scene
iPhone X, Color rendering
Galaxy S9 Plus Bokeh

အထက်ပါ ပုံတွေကတော့ DxOMark ကနေ တဆင့် ကူးယူဖော်ပြထားတဲ့ ပုံများ ဖြစ်ကြပါတယ်။

Ref: dxomark

DxOMark မှာ ကင်မရာ အကောင်းဆုံး စမတ်ဖုန်းအဖြစ် အဆင့် ၁၀ မှာ ရပ်တည်နေတဲ့ OnePlus 6

blank

OnePlus 6, iPhone X နဲ့ Galaxy S9 Plus တို့ရဲ့ နှိုင်းယှဥ်ပြသထားသော ဓာတ်ပုံများကို Zawgyi တွင် ကြည့်ရှု့နိုင်ပါတယ်။

%d bloggers like this: