စမတ် Function တွေနဲ့အတူ ဈေးသက်သာလွန်းတဲ့ Xiaomi Mijia Quartz Watch

Xiaomi ရဲ့တစ်စိတ်တစ်ပိုင်းဖြစ်တဲ့ Mijia brand ကတော့ အဖွဲ့ဝင်အသစ်လေးတိုးလာခဲ့ပြန်ပါပြီ။ သူကိုတော့ Mijia Quartz Watch လို့ခေါ်ပြီး ပုံမှန်နာရီဒီဇိုင်းပုံကိုမှ စမတ် Function တစ်ချို့ပေါင်းစပ်လိုက်တဲ့ hybrid နာရီလေးတစ်လုံးပါ။

Image result for Xiaomi Mijia Quartz Watch debuts with affordable price tag

ပုံမှန်သုံးနေကျနာရီတွေကိုမှ Smart Feature လေးတွေ နည်းနည်းလေးပိုလာတာမျိုးကို ရှာနေတဲ့သူတွေအတွက်တော့ အကိုက်ညီဆုံးဖြစ်ပါလိမ့်မယ်။ နာရီအိုးအချင်းကလည်း 40mm ပဲရှိပြီး ပုံမှန်လက်ပတ်နာရီတွေလို လတ်ပတ်ကြိုး၂ဖက်ပါပါတယ်။ ဒီဇိုင်းကတော့ တော်တော်လေးကိုရိုးရိုးရှင်းရှင်းနဲ့မိုက်နေတာပါပဲ။

သွားခဲ့သမျှခြေလှမ်းတွေကိုမှတ်နိုင်ဖို့ Pedometer ပါတဲ့အတွက် တစ်နေ့ခြေဘယ်နှစ်လမ်းလျှောက်ခဲ့တယ်ဆိုတာကို ပြပေးနိုင်ပါတယ်။ စံတော်ချိန်တွေအလိုက် အချိန်ကိုအလိုအလျောက်ညှိပေးနိုင်ပြီး Call notification တွေ Alarm တွေလည်း လုပ်ဆောင်နိုင်ပါသေးတယ်။ သူကတော့ Display ကနေတိုက်ရိုက် Set up လုပ်လို့မရတဲ့အတွက် စမတ်ဖုန်း App တစ်ခုနဲ့ချိတ်ဆက်ပြီးမှ Alarm တွေဘာတွေပေးနိုင်မှာပါ။

နာရီကိုယ်ထည်ကတော့ ရေအောက် ၃၀ မီတာထိရေစိုခံပြီး Bluetooth 4.0 ကိုထောက်ပံ့ပေးနိုင်ဖို့ CR2430 ဘက်ထရီကိုသုံးထားပါတယ်။ အရောင်ကတော့ အဖြူ၊ မီးခိုးနဲ့ အနက်ရောင်ဆိုပြီး သုံးရောင်လာပြီး CD လို Pattern တွေပါတဲ့အတွက် နေရောင်နဲ့တွေ့ရင် Pattern အတိုင်းပဲအရောင်လေးတွေပြောင်းနေပါလိမ့်မယ်။

blank

ဈေးနှုန်းကလည်း တရုတ်ယွမ် ၃၄၉ (၅၂ဒေါ်လာ)ပဲရှိတဲ့အတွက် ဒီလို ၂မျိုးသုံးစမတ်နာရီတွေထဲမှာတော့ တော်တော်လေးတန်တယ်လို့တော့ ပြောလို့ရပါတယ်။ ဇူလိုင်လ ၁၇ ရက်နေ့မှာ စတင်ရောင်းချတော့မှာဖြစ်ပါတယ်။

Source: GsmArena

%d bloggers like this: