ကြိုးမဲ့နားကြပ်တွေကိုပါ ထည့်သိမ်းလို့ရတဲ့စမတ်နာရီအသစ်ကို Huawei ဖန်တီး

Huawei ကတော့ Bluetooth နားကြပ်တွေကိုပါ ထည့်သိမ်းလို့ရမယ့် စမတ်နာရီအတွက် မူပိုင်ခွင့်ရလာခဲ့ပါပြီ။ ဒီမူပိုင်ခွင့်ကို ဇွန်လ ၂၈ရက်နေ့ကမှ ကမ္ဘာ့မူပိုင်ခွင့်ဆိုင်ရာအဖွဲအစည်းက အတည်ပြုပေးလိုက်တာဖြစ်ပါတယ်။

Image result for Huawei could be working on a smartwatch that stores true wireless earbuds

မူပိုင်ခွင့်မှာတော့ စမတ်နာရီထဲမှာ နားကြပ်တွေကို ပုံစံ၃မျိုးနဲ့သိမ်းလို့ရတဲ့ဒီဇိုင်းတွေကို ဖော်ပြထားပါတယ်။ ဒီဇိုင်း၂ခုမှာတော့ နားကြပ်တွေထည့်သိမ်းလို့ရမယ့်အပေါက်လေး Built-in ပါဝင်ပါတယ်။ အဲဒီထဲကပထမဒီဇိုင်းကတော့ နာရီအိုးရဲ့တစ်ဖက်တစ်ချက်စီမှာ နားကြပ်သိမ်းလို့ရမယ့်အပေါက်လေးတွေပါဝင်ပြီး ဒုတိယဒီဇိုင်းကတော့ လက်ကောက်ဝတ်အောက် လတ်ပတ်ကြိုးပေါ်မှာသိမ်းလို့ရနိုင်မယ့်ဒီဇိုင်းပါ။

Huawei Smartwatch earbuds

နားကြပ်တွေကတော့ ရေစိုလည်းခံပြီး Noise Cancellation feature နဲ့လာမယ်လို့ LetsGoDigital ကဆိုထားပါတယ်။ နားကြပ်သိမ်းလို့ရတဲ့နေရာလည်းပါတာအပြင် Noise ဖယ်ရှားပေးနိုင်တဲ့နားကြပ်တွေပါပါလာတယ်ဆိုတော့ ဈေးကတော့ တော်တော်လေးများမယ့်ပုံပါပဲ။

Huawei Watch 2 ကိုတော့ ဧပြီ ၂၀၁၇ မှာတုန်းက ထုတ်လုပ်ခဲ့ပြီး သူ့ကိုမှ နည်းနည်းလေးမြှင့်ထားတဲ့ဗားရှင်းကို မေလကုန်မှာမိတ်ဆက်ခဲ့ပြန်တာဖြစ်လို့ Huawei Watch 3 ကို အလောတကြီးထုတ်မှာမဟုတ်ဘူးလို့ စီအီးအိုကဆိုခဲ့ပါတယ်။

ဒီနှစ်အစောပိုုင်းကပဲ Touch-Sensitive ဘောင်တွေနဲ့စမတ်နာရီအတွက် မူပိုင်ခွင့်နဲ့ ဂိမ်းအသားပေးစမတ်နာရီမူပိုင်ခွင့်ကို Huawei က ရခဲ့ပြီးသားပါ။ မူပိုင်ခွင့်တင်တိုင်းလည်း ထွက်လာမယ်လို့တပ်အပ်ပြောလို့မရတဲ့အတွက် နားကြပ်ပါပါတဲ့ဒီစမတ်နာရီလည်း ထွက်လာပါ့မလားဆိုတာစောင့်ကြည့်ရုံအပြင်မရှိပါဘူး။

Ref: Android Authority

%d bloggers like this: