Microsoft ရဲ့ ဒေါ်လာ ၄၀၀ တန် တန်ဖိုးနည်း Surface Tablet လာမည်

မိုက်ကရိုဆော့ဖ်က တန်ဖိုးနည်း Surface Tablet ကို ထုတ်လုပ်ရောင်းချမယ်ဆိုတဲ့ သတင်းများဟာ လအနည်းငယ်ကတည်းက သတင်းထွက်ခဲ့ပါတယ်။ သူ့ရဲ့ ဈေးနှုန်းဟာ ဒေါ်လာ ၄၀၀ ဝန်းကျင်သာ ရှိနိုင်ပါတယ်။

အခုတော့ ကုမ္ပဏီက သူ့ကို အမေရိကန် ဆက်သွယ်ရေး ကော်မရှင် (FCC) ထံမှာ မှတ်ပုံတင်လိုက်ပါတယ်။ မှတ်ပုံတင် သတင်းအချက်အလက်များထဲမှာ သူ့ရဲ့ Specifications များတော့ မတွေ့ရှိဘဲ Low-Powered Charger ပါမယ်လို့ ဖော်ပြထားပါတယ်။ သူ့ရဲ့ လျှို့ဝှက် အမည်မှာ Libra ဖြစ်ပါတယ်။ Bloomberg က ယခင်က မိုက်ကရိုဆော့ဖ်ဟာ ၁၀ လက်မ Surface Devices ကို ထုတ်လုပ်ဖို့ ပြင်ဆင်နေတယ်လို့ ပြောပြီး သူ့မှာ ထောင့်စွန်းများလုံးဝန်းတဲ့ ဒီဇိုင်းနဲ့ USB-C Charging များ ပါလာမယ်လို့ သိရပါတယ်။

ပေါက်ကြားထွက်ပေါ်နေတဲ့ သတင်းများအရ တက်ဘလက်မှာ LTE ဆက်သွယ်မှုလည်း ပါဝင်လာနိုင်ပါတယ်။ ဝိုင်ဖိုင် မော်ဒယ်ကိုလည်း ရွေးချယ်နိုင်မှာ ဖြစ်ပါတယ်။ သူနဲ့ တွဲဖက် အသုံးပြုနိုင်တဲ့ တန်ဖိုးနည်း Type Cover , Arc Mouse , Surface Pen များကိုလည်း ထုတ်လုပ်ရောင်းချပေးမယ်လို့ သတင်းထွက်နေပါတယ်။ သူဟာ ၃၂၉ ဒေါ်လာ တန် iPad ကို ယှဉ်ပြိုင်မှာ ဖြစ်ပါတယ်။ မော်ဒယ်အသစ်ဟာ ယခင် မော်ဒယ်များထက် ပေါ့ပါးပြီး Intel Processors, Full Windows 10 Version များထည့်သွင်းထားမယ်လို့ သတင်းထွက်နေပါတယ်။

တန်ဖိုးနည်း တက်ဘလက်ကို အမေရိကန်မှာ ကျောင်းသား လူငယ်များအတွက် ရည်ရွယ် မိတ်ဆက်နိုင်ပါတယ်။ အဲဒီအတွက် ကျောင်းများ ပြန်ဖွင့်မယ့် စက်တင်ဘာလလောက်မှာ အမေရိကန်မှာ သူ့ကို ကြေညာနိုင်ပါတယ်။ မိုက်ကရိုဆော့ဖ်ဟာ လွန်ခဲ့တဲ့ သုံးနှစ်က တန်ဖိုးနည်း အရွယ်သေး Surface 3 Tablet ကို ရောင်းချပေးခဲ့ဖူးပါတယ်။

Ref : theverge

unicode

Microsoft ရဲ့ ဒေါ်လာ ၄၀၀ တန် တန်ဖိုးနည်း Surface Tablet လာမည်

%d bloggers like this: