Vivo က Apple Face ID ထက် ၁၀ ဆ ပိုတိကျတဲ့ 3D Face Sensing နည်းပညာကို ပြသ

တရုတ်မှာ ကျင်းပနေတဲ့ ရှန်ဟိုင်း MWC မှာ Vivo က 3D Sensing နည်းပညာ အသစ်ကို မိတ်ဆက်လိုက်ပါတယ်။ ဒီနည်းပညာဟာ စမတ်ဖုန်း နယ်ပယ်အတွက်သာ မဟုတ်ဘဲ ထုတ်ကုန်များစွာမှာ အသုံးဝင်လာမှာပါ။ Vivo က သူ့ရဲ့ နည်းပညာကို Time of Flight (TOF) လို့ အမည်ပေးထားပြီး ဆန်ဆာဟာ အရာဝတ္ထုတစ်ခုကနေ သူ့ထံသို့ ပြန်လာတဲ့ အလင်းတန်းရဲ့ ကြာချိန်ကို တွက်ချက်နိုင်တဲ့အတွက် သုံးမီတာ အကွာအဝေးအတွင်းက အရာဝတ္ထုကို တိကျစွာ တိုင်းတာပေးပါတယ်။ ဒီနည်းပညာဟာ 3D Photography , AR , မျက်နှာ၊ Gesture နဲ့ လှုပ်ရှားမှုကို အာရုံခံခြင်းများမှာ အလွန်တိုးတက်လာစေမှပါ။

ဒါ့အပြင် AI ရဲ့ လုံခြုံရေး စွမ်းရည်ဟာလည်း ပိုမို တိုးတက်လာမှာ ဖြစ်ပါတယ်။ Vivo က သူ့ရဲ့ Time of Flight (TOF) စနစ်ဟာ မျက်နှာကို သုံးဖက်မြင်စနစ်ဖြင့် အာရုံခံဖို့အတွက် ဒေတာ ပွိုင့်ပေါင်း ၃၀၀ ၀၀၀ ကို အသုံးပြုတယ်လို့ ပြောပါတယ်။ Apple Face ID ကတော့ ဒေတာ ပွိုင့်ပေါင်း ၃၀ ၀၀၀ ကိုသာ ကောက်ယူပါတယ်။

Vivo က သူ့ရဲ့ နည်းပညာဟာ Mi 8 Explorer Edition , iPhone X နဲ့ ဟွာဝေးက မကြာခင်က မိတ်ဆက်ခဲ့တဲ့ နည်းပညာများထက် ပိုမို ရိုးရှင်းတယ်လို့ ပြောပါတယ်။ Vivo က သူ့ရဲ့ TOF နည်းပညာဟာ Concept အဆင့် မဟုတ်တော့ပေမယ့် စမတ်ဖုန်းများမှာ ထည့်သွင်း ရောင်းချဖို့ အချိန်တော့ လိုပါသေးတယ်လို့ ပြောပါတယ်။ ဒေတာ ပွိုင့်များ ပိုမို ကောက်ယူနိုင်ခြင်းဟာ လုံခြုံရေးနဲ့ တိကျမှုကို ပိုမို ကောင်းလာစေမလားဆိုတာ စောင့်ကြည့်ရမှာပါ။

REF : GSMARENA

unicode

Vivo က Apple Face ID ထက် ၁၀ ဆ ပိုတိကျတဲ့ 3D Face Sensing နည်းပညာကို ပြသ

%d bloggers like this: