ကွန်ပျူတာတစ်လုံးမှာ ပါဝင်သမျှ အစိတ်အပိုင်းများ

ကွန်ပျူတာပုံးတစ်လုံးထဲမှာ ဘယ်အစိတ်အပိုင်းတွေပါလဲ ဘယ်ပစ္စည်းတွေကိုတော့ ဘယ်နေရာမှာထားလဲဆိုတာသိချင်လို့ ဖွင့်ပြီး စပ်စုဖူးပါသလား?? အတိုအစအစိတ်အပိုင်းသေးသေးလေးတွေနဲ့ ရှုပ်ယှက်ခက်နေပေမယ့် တကယ်တော့ကွန်ပျူတာတစ်လုံးရဲ့အတွင်းပိုင်းက အဲ့လောက်ထိ အဆန်းတကြယ်မဟုတ်လှပါဘူး။ ဆိုတော့ ကွန်ပျူတာပုံးတစ်လုံးအတွင်းထဲမှာ ဘယ်အစိတ်အပိုင်းတွေပါလဲ အခုပဲကြည့်ကြည့်လိုက်ရအောင်…

Motherboard

a motherboard

Motherboard ဆိုတာကတော့ ကွန်ပျူတာရဲ့အဓိက Main Circuit ပြားကြီးပါပဲ။ CPU, Memory, Hard Drive တွေအတွက် Connector တွေ၊ ဗီဒီယိုတွေအသံတွေအတွက် Expansion ကဒ်တွေ၊ USB ပေါက်တွေနဲ့ချိတ်ထားတဲ့ Connection တွေ ဒါတွေအားလုံးစုစည်းတပ်ဆင်ထားတဲ့ ပါးလွှာတဲ့အပြားတစ်ခုပါပဲ။ ဒီ Motherboard ကပဲ ကွန်ပျူတာထဲမှာရှိတဲ့အစိတ်အပိုင်းအကုန်လုံးနဲ့ တိုက်ရိုက်ဖြစ်ဖြစ် တစ်ဆင့်ခံဖြစ်ဖြစ်ချိတ်ဆက်ထားတာပါ။

CPU/ Processor

        Processor လို့ခေါ်တဲ့ Central Processing Unit (CPU) ကိုတော့ မားသားဘုတ်ပေါ်မှာတပ်ဆင်ထားပါတယ်။ သူ့ကိုတော့ ကွန်ပျူတာတစ်လုံးရဲ့ ဦးနှောက်လို့တင်စားကြပြီး အမျိုးမျိုးသောခိုင်းစေချက်တွေကို လုပ်ဆောင်ပေးရတဲ့ အဓိကအစိတ်အပိုင်းတစ်ခုပါ။ ခလုတ်တစ်ခု မောက်စ်တစ်ချက်နှိပ်လိုက်တိုင်း ဘာလုပ်မယ်ဆိုတဲ့ညွှန်ကြားချက်တွေကို CPU ဆီပေးပို့နေတာပါပဲ။

CPU ကတော့ ၂လက်မ လေးထောင့်ပြားလေးကိုမှ အထဲမှာ Silicon Chip ပြားလေးတစ်ခုပါပါတယ်။ မားသားဘုတ်ရဲ့ CPU Socket ထဲမှာ CPU ကိုကွက်တိတပ်ဆင်ထားပြီး သူ့ဆီကထွက်လာတဲ့အပူတွေကို စုပ်ယူနိုင်ဖို့ အပေါ်က Heat Sink လေးနဲ့ဖုံးအုပ်ထားပါတယ်။

Processor ရဲ့အမြန်နှုန်းကိုတော့ Megahertz (MHz) နဲ့ တိုင်းတာပြီး တစ်စက္ကန်မှာ ညွှန်ကြားချက်ပေါင်းသန်းနဲ့ချီပြီးလုပ်နိုင်ပါတယ်။ Gigahertz (GHz) ဆိုရင်တော့ ဘီလီယံနဲ့ချီပြီးလုပ်နိုင်တာပေါ့။ ဆိုတော့ ပရိုဆက်ဆာမြန်လေလေ ညွှန်ကြားချက်တွေကို မြန်မြန်လုပ်ဆောင်နိုင်လေလေပါပဲ။ ဒါပေမယ့် ကွန်ပျူတာရဲ့တကယ့်အမြန်နှုန်းကတော့ ပရိုဆက်ဆာတင်မဟုတ်ဘဲ တခြား အစိတ်အပိုင်းတွေအများကြီးပေါ်မှာလဲ မူတည်နေပါသေးတယ်။

RAM (Random Access Memory)

RAM ဆိုတာကတော့ ကွန်ပျူတာက တွက်ချက်မှုတွေလုပ်တိုင်း ရလာတဲ့ဒေတာတွေကို ယာယီသွားသိမ်းတဲ့ Short-Term Memory ပါ။ ယာယီသိမ်းတာဖြစ်တြ့အတွက် ကွန်ပျူတာပိတ်တာနဲ့ RAM ပေါ်ကဒေတာတွေပျောက်သွားမှာပါ။ ဒါကြောင့် စာရေးတာ၊ စာရင်းဆွဲတာတွေ တခြားဖိုင်တစ်ခုခုရေးနေတဲ့အချိန်မျိုးဆို အရင်ဆုံး Save ထားတာပိုစိတ်ချရပါတယ်။ Save လိုက်မှ Hard Drive ပေါ်ရောက်သွားပြီး ကိုယ်မဖျက်မချင်းသိမ်းပေးထားမှာပါ။

RAM ကိုတော့ Megabyte(MB) ဒါမှမဟုတ် Gigabyte (GB) နဲ့တိုင်းတာပါတယ်။ RAM များလေလေ ကွန်ပျူတာက အလုပ်တွေကိုတစ်ပြိုင်နက်အများကြီးလုပ်နိုင်လေလေပါပဲ။ RAM သာနည်းလို့ကတော့ ဖွင့်တဲ့ Program တွေများလေလေ ဟန်းလေလေဖြစ်နေမှာပါ။ ဒါကြောင့်လည်း စွမ်းဆောင်ရည်ပိုကောင်းအောင် တစ်ချို့က RAM တွေထပ်စိုက်ပြီးသုံးကြတာပါ။

Hard Drive

        ခုနကပြောခဲ့တဲ့အတိုင်း ကိုယ့်ဆော့ဖ်ဝဲလ်တွေ၊ ဖိုင်တွေ Document တွေအကုန်လုံးက Hard Drive ထဲမှာ သိမ်းထားတာပါ။ Long-Term Memory ြဖစ်တဲ့အတွက် ကွန်ပျူတာပိတ်ပိတ် ပလပ်ပဲဖြုတ်ဖြုတ် ပျက်သွားမှာမဟုတ်ပါဘူး။

ပရိုဂရမ်တစ်ခု ဒါမှမဟုတ် ဖိုင်တစ်ခုကိုဖွင့်ပြီဆိုရင် ကွန်ပျူတာက Hard Drive က ဒေတာတွေကို RAM ပေါ်တင်ထားပါတယ်။ Save လုပ်လိုက်ရင်တော့ Hard Drive ပေါ်ပြန်သိမ်းပေးပြီး Hard Drive မြန်လေလေ ကွန်ပျူတာက ပရိုဂရမ်တွေကို စတင်ဖို့ မြန်လေလေပါပဲ။

Power Supply Unit

a power supply unit

        သူကတော့ ပလပ်ပေါက်ကလာတဲ့ ပါဝါအားကို ကွန်ပျူတာကလိုအပ်တဲ့ အားအမျိုးအစားအနေနဲ့ပြောင်းပေးတာပါ။ သူကနေ မားသားဘုတ်ဆီ တခြားအစိတ်အပိုင်းတွေဆီကို ကြိုးတွေကတစ်ဆင့် အားတွေပေးပို့ပေးနေတာပါ။

Expansion Cards

ကွန်ပျူတာအများစုမှာတော့ မားသားဘုတ်ပေါ်မှာ Expansion ကဒ်အမျိုးမျိုးကိုထပ်စိုက်နိုင်ဖို့ Expansion အပေါက်လေးတွေပါပါတယ်။ PCI (Peripheral Component Interconnect) ကဒ်တွေလို့လည်ခေါ်ပြီး မားသားဘုတ်အများစုမှာတော့ ဗီဒီယို၊ အသံ၊ကွန်ယက်နဲ့ တခြားစွမ်းဆောင်ရည်တွေအတွက် Build In ပါပြီးသားဖြစ်လို့ ထပ်စိုက်စရာမလိုပါဘူး။

ဒီလိုမှမဟုတ်ဘဲ စွမ်းဆောင်ရည်ကိုမြှင့်ချင်တယ်၊ အရင်ကွန်ပျူတာအဟောင်းမှာမရနိုင်တဲ့စွမ်းဆောင်ရည်တွေကို ထပ်ထည့်ချင်တယ်ဆိုရင်တော့ ၁ကဒ်မကထပ်စိုက်နိုင်ပါတယ်။ Expansion ကဒ်အမျိုးအစားတစ်ချို့ကတော့

  1. Video Card

မော်နီတာပေါ်မှာမြင်ရသမျှတွေက Video Card နဲ့ဆိုင်ပါတယ်။ ကွန်ပျူတာအများစုမှာတော့ GPU (Graphics Processing Unit) တွေကို Built-in ထည့်သွင်းပေးပြီးသားဖြစ်လို့ သီးသန့်ဗီဒီယိုကဒ်တစ်ခုထပ်ထည့်စရာမလိုပါဘူး။ ဒါပေမယ့် Graphic အရမ်းမြင့်တဲ့ဂိမ်းတွေဆော့ချင်တယ်ဆိုရင်တော့ စွမ်းဆောင်ရည်ပိုကောင်းအောင် Expansion ပေါက်တစ်ခုခုမှာ ဗီဒီယိုကဒ်တွေထည့်သုံးလို့ရနိုင်ပါတယ်။

  1. Sound Card
  2. သူ့ကိုတော့ Audio-Card လို့ခေါ်ပြီး စပီကာတွေ နားကြပ်နဲ့ကြားရသမျှတွေက သူနဲ့ဆိုင်ပါတယ်။ သူလည်း မားသားဘုတ်အများစုမှာ တစ်ခါတည်းပါပြီးသားဖြစ်ပေမယ့် ပိုကောင်းတဲ့အသံကွာလတီကိုလိုချင်ရင်တော့ Sound Card ထပ်စိုက်နိုင်ပါတယ်

  3. Network Card
  4. a network card

    သူကတော့ နက်ဝါ့ခ်တစ်ခုကို ကွန်ပျူတာနဲ့ချိတ်ဖို့ အင်တာနက်ရဖို့အတွက်လုပ်ဆောင်ပေးတာပါ။ Ethernet ကြိုးနဲ့ဖြစ်ဖြစ် ကြိုးမဲ့(ဝိုင်ဖိုင်) နဲ့လည်းချိတ်ဆက်နိုင်ပါတယ်။ သူလည်းမားသားဘုတ်အများစုမှာ တစ်ခါတည်းပါပြီးသားပါပဲ။

    Bluetooth Card (Adapter)

    a Bluetooth Dongle

    ကြိုးမဲ့နည်းပညာတစ်ခုဖြစ်တဲ့ Bluetooth ကတော့ ကွန်ပျူတာတွေကို ကြိုးမဲ့ ကီးဘုတ်၊မောက်စ်၊ Printer တွေနဲ့ချိတ်ဆက်ပေးပြီး မားသားဘုတ်မှာဖြစ်ဖြစ် Wireless Network Card မှာဖြစ်ဖြစ်ပါပါတယ်။ ကွန်ပျူတာမှာ Bluetooth မရဘူးဆိုရင်တော့ dongle လို့ခေါ်တဲ့ USB Adapter တစ်ခုဝယ်သုံးလို့ရပါတယ်။

    (ဗီဒီယို)

    ဒါတွေကတော့ ကွန်ပျူတာပုံးတစ်လုံးထဲမှာပါတဲ့ အစိတ်အပိုင်းတွေအကြောင်းပါပဲ။ နောက်ရက်တွေမှာတော့ ဘယ်လိုမျိုးလေးတွေ တင်ဆက်ပေးသွားဦးမလဲဆိုတာ စောင့်မျှော်ဖတ်ရှုနိုင်ပါတယ် 😉

%d bloggers like this: