Xiaomi Redmi Note 5 အတွက် Flame Red အရောင်ထွက်ရှိ

ရှောင်မီက Redmi Note 5 အတွက် Flame Red အရောင်ကို ရောင်းချပေးလိုက်ပါတယ်။ တရုတ်မှာ ကြေညာလိုက်တာ ဖြစ်ပြီး 4GB RAM , 64GB Storage များ ပါပါတယ်။ ယွမ် ၁၃၉၉ ( ၂၁၃ ဒေါ်လာ ) သတ်မှတ်ထားပါတယ်။ အခုဆိုရင် သူ့အတွက် အရောင်ငါးမျိုးထုတ်လုပ်ပေးထားပြီး အခြား အရောင်များမှာ အနက်၊ ရွှေ၊ နှင်းဆီ ရွှေနဲ့ အပြာများ ဖြစ်ပါတယ်။

Redmi Note 5 ဟာ Xiaomi ရဲ့ တန်ဖိုးနည်း စမတ်ဖုန်းတွေထဲက တစ်လုံး ဖြစ်ပါတယ်။ Redmi Note 5 ကို ပြီးခဲ့တဲ့ မတ်လတုန်းက စတင်မိတ်ဆက်ခဲ့တာပါ။ ယနေ့ မြန်မာနိုင်ငံမှာတော့ RAM 3GB/ ROM 32GB မော်ဒယ်ကို တန်ဖိုးငွေ ၂၁၆,၀၀၀ ကျပ်နဲ့ ရောင်းချနေတယ်လို့ သိရပါတယ်။ မြန်မာနိုင်ငံမှာ Redmi Note 5 လို့ ကင်ပွန်းတပ်ထားတဲ့ စမတ်ဖုန်းကို ပြည်ပနိုင်ငံတွေမှာ Redmi Note 5 Pro ဆိုပြီး ရောင်းချတာပါ။ ပြည်ပနိုင်ငံတွေမှာ ရောင်းချနေတဲ့ Redmi Note 5 ဆိုတာကတော့ ယနေ့ မြန်မာနိုင်ငံမှာ ရောင်းချနေတဲ့ Redmi 5 Plus ဘဲ ဖြစ်ပါတယ်။

Redmi Note 5 ရဲ့ Display အရွယ်အစားက ၅.၉၉ လက်မ ရှိပြီး IPS LCD Display ကို အသုံးပြုထားပါတယ်။ FullView Display အမျိူးအစား ဖြစ်ပြီး Resolution က 1080 x 2160 pixels ပါဝင်ပါတယ်။ သာမန် တန်းဖိုးနည်း စမတ်ဖုန်းတွေမှာ မမျှော်လင့်နိုင်တဲ့ Resolution ဘဲ ဖြစ်ပါတယ်။ Processor အပိုင်းအတွက် Snapdragon 636 SoC နဲ့ Adreno 509 တို့ကို ထည့်သွင်းထားပါတယ်။

12MP+5MP ကင်မရာ ၂ လုံး ကျောဘက်မှာ ဒေါင်လိုက် တပ်ဆင်ထားတယ်။ iPhone X ရဲ့ ကင်မရာ ဒီဇိုင်းနဲ့ ဆင်တူတယ်။ ရှေ့ဘက် မျက်နှာပြင်မှာတော့ Selfie ဆွဲဖို့ 13MP ကင်မရာ ၁လုံးကို တပ်ဆင်ပေးထားပါတယ်။

Ref : gsmarena

unicode

Xiaomi Redmi Note 5 အတွက် Flame Red အရောင်ထွက်ရှိ

%d bloggers like this: