Mi 8 SE ရဲ့ အပြင်းထန်ဆုံး ပြိုင်ဘက် ဖြစ်လာနိုင်တဲ့ Meizu X8

ဒီတစ်ပတ် အစောပိုင်းတုန်းက Meizu ရဲ့ Founder ဖြစ်သူ Jack Wong က အသစ်ထွက်ရှိလာမယ့် Meizu စမတ်ဖုန်းရဲ့ နာမည်ကို Meizu X8 လို့ ကင်ပွန်းတပ်ထားကြောင်း အတည်ပြု ပြောကြားခဲ့ပါတယ်။ ဒါ့အပြင် မကြာသေးမီက ထွက်ရှိထားတဲ့ Qualcomm ရဲ့ အသစ်စက်စက် Processor ဖြစ်တဲ့ Snapdragon 710 SoC ကို Meizu X8 မှာ အသုံးပြုထားတယ်လို့ ထပ်မံ ပြောကြားခဲ့ပါတယ်။ အလားတူ Mi 8 SE မှာလည်း Snapdragon 710 SoC ကို အသုံးပြုထားပါတယ်။ Jack Wong ကတော့ သူတို့ရဲ့ Meizu X8 က Mi 8 SE ထက် ပိုသာတယ် ဆိုပြီး ကြွားလုံး ထုတ်တားပါတယ်။ ဒါ့အပြင် Mi 8 SE ထက် ပိုကြီးတဲ့ Display ကိုလည်း အသုံးပြုထားပါတယ်လို့ ထပ်မံပြောကြားခဲ့ပါသေးတယ်။

Jack Wong အနေနဲ့ Meizu X8 ရဲ့ ဈေးနှုန်းကို တိတိကျကျ ထုတ်ဖော် ပြောပြသွားခြင်း မရှိပါဘူး။ ဒါ့ပေမယ့်လည်း အဲ့ဒီ စမတ်ဖုန်းရဲ့ တန်းဖိုးဟာ တရုတ်ငွေ ၂၀၀၀ ယွမ် (မြန်မာငွေ ၄၂၁,၀၀၀ ဝန်းကျင်) အောက်သာ ရှိမယ်လို့ ပြောကြားခဲ့ပါတယ်။ Mi 8 SE ရဲ့ ဈေးနှုန်းကတော့ RAM 4GB/ROM 64GB မော်ဒယ်ကို တရုတ်ငွေ ၁၇၉၉ ယွမ် (မြန်မာငွေ ၃၇၈,၀၀၀ ဝန်းကျင်) နဲ့ RAM 6GB/ROM 64GB မော်ဒယ်ကို တရုတ်ငွေ ၁၉၉၉ ယွမ် (မြန်မာငွေ ၄၂၀,၀၀၀ ဝန်းကျင်) ဖြစ်ပါတယ်။ ဒီတော့ Meizu X8 နဲ့ Mi 8 SE ရဲ့ ဈေးနှုန်းက မတိမ်းမယိမ်းလို့ ပြောလို့ ရမှာပါ။ နောက်ပြီး သုံးထားတဲ့ Processor ကလည်း အတူတူဘဲ ဆိုတော့ Meizu X8 က Mi 8 SE ရဲ့ အကောင်းဆုံး ယှဉ်ပြိုင်ဘက် ဖြစ်လာနိုင်ပါတယ်။ Mi 8 SE ဝယ်ကိုင်မယ့်သူများ အနေနဲ့လည်း Meizu X8 စောင့်ကြည့်သင့်တယ်လို့ မြင်မိပါတယ်။

Meizu X8 က Mid-range စမတ်ဖုန်း ဖြစ်တာကြောင့် In-display Fingerprint Sensor တော့ ပါဝင်မှာ မဟုတ်ပါဘူး။ လာမယ့် သြဂုတ်လမှာ မိတ်ဆက်သွားမယ့် Meizu ရဲ့ Flagship စမတ်ဖုန်းတွေ ဖြစ်တဲ့ Meizu 16 နဲ့ Meizu 16 Plus တို့မှာတော့ In-display Fingerprint Sensor ပါဝင်လာနိုင်တယ်လို့ သိရပါတယ်။ Meizu အနေနဲ့ အရင်က ထွက်ရှိထားတဲ့ MX စီးရီးတွေကို X စီးရီးအဖြစ် ပြောင်းလဲ မှည့်ခေါ်လိုက်ခြင်း ဖြစ်ပါတယ်။ ပြီးခဲ့တဲ့ ၂၀၁၆ ခုနှစ်တုန်းက MX စီးရီးရဲ့ နောက်ဆုံး စမတ်ဖုန်း ဖြစ်တဲ့ MX6 ကို ထုတ်လုပ် ရောင်းချခဲ့ပါတယ်။ အဲ့ဒီနောက် ၂၀၁၇ခုနှစ်မှာတော့ MX7 ကို ကြေငြာရုံသာ ကြေငြာခဲ့ပြီး ထုတ်လုပ် ရောင်းချခဲ့ခြင်း မရှိပါဘူး။

Ref: gizzmochina

Mi 8 SE ရဲ့ အပြင်းထန်ဆုံး ပြိုင်ဘက် ဖြစ်လာနိုင်တဲ့ Meizu X8

%d bloggers like this: