ကင်မရာ၅လုံးနဲ့ ထွက်ရှိလာနိုင်တဲ့ LG V40

၂၀၁၈ မှာ LG က V-စီးရီးစမတ်ဖုန်း၂လုံးဖြစ်တဲ့ V30S ThinQ နဲ့ V35 ThinQ တို့ကို မိတ်ဆက်ခဲ့ပေမယ့် အရင်နှစ်က V30 တွေထက် ထူးထူးခြားခြားကြီးပြောင်းလဲသွားတာရယ်လို့ သိပ်မရှိခဲ့ပါဘူး။

Image result for LG V40 to have five cameras in total, three of them on the back

အခုလည်း LG က နောက်မော်ဒယ်လ်တစ်ခု ထပ်ထုတ်နေပြီလို့သိရပြီး နာမည်ကတော့ V40 ဖြစ်လာနိုင်ပါတယ်။ လတ်တလောရထားတဲ့သတင်းတစ်ခုအရတော့ ဒီ V40 လို့ခေါ်လာနိုင်တဲ့ စမတ်ဖုန်းမှာ ကျောဘက်ကင်မရာ ၃လုံး ရှေ့ကင်မရာ၂လုံး စုစုပေါင်း ၅လုံးပါမယ်လို့သိရပါတယ်။

ရှေ့ကင်မရာကတော့ Face Unlock အပြင် 3D Face Mapping အတွက်လည်း သုံးလာနိုင်တယ်ဆိုပေမယ့် သိပ်တော့မသေချာသေးပါဘူး။ ကျောဘက် Sensor ၃ခုမှာတော့ တစ်ခုက Main Sensor(Standard) နောက်တစ်ခုက Ultra-Wide Lens နဲ့ နောက်တစ်ခုကတော့ Zoom ပဲဖြစ်မလား Depth Effect တွေကိုရိုက်ကူးနိုင်တဲ့ Sensor ပဲဖြစ်မလား မသေချာသေးပါဘူး။

ဘယ် Sensor က ဘာအတွက်ဆိုတဲ့အသေးစိတ်တွေကို မသိရပေမယ့် V40 က ကင်မရာ၅လုံးနဲ့လာမယ်ဆိုတာကတော့ သေချာပါတယ်။ ခုချိန်ထိထွက်လာခဲ့တဲ့ထဲမှာ ရှေ့ကင်မရာ၂လုံးနောက်၂လုံး၊ Huawei P20 Pro မှာဆို နောက်ကင်မရာ ၃လုံးပေမယ့် ရှေ့မှာတစ်လုံး ဘယ်လိုပဲတပ်တပ်အများဆုံး၄လုံးထိပဲရှိပါသေးတယ်။ V40 ကတော့ ကင်မရာ၅လုံးနဲ့ ပထမဆုံးစမတ်ဖုန်းဖြစ်လာနိုင်ပါလိမ့်မယ်။

ကင်မရာများတာနည်းတာထက် ရုပ်ထွက်ကလည်းအရေးကြီးပါသေးတယ်။ ဒီ V40 မှာတော့ ရုပ်ထွက်ကိုပါ သေချာဂရုစိုက်လာမယ်လို့တော့ မှန်းရတာပါပဲ။ LG G7 ထက် နည်းနည်းလေးပိုကြီးပြီး ထိပ်ဖက်လည်း Notch ပါဦးမှာပါ။ OLED လား LCD Display ပဲလားတော့မသိသေးပေမယ့် ပုံမှန်လိုဆိုရင်တော့ LCD ပဲသုံးဖို့များပါတယ်။

Chipset ကိုတော့ Qualcomm ရဲ့ Snapdragon 845 တွေသုံးထားနိုင်ပြီး ဘေးဘက် အသံခလုတ်တွေနားမှာ Google Assistant အတွက် ခလုတ်လေးလည်း ထည့်သွင်းပေးထားမယ်လို့သိရပါတယ်။ လက်ဗွေ Sensor ကတော့ ထုံးစံအတိုင်း နောက်မှာပါပဲ။ တကယ်လို့ သတင်းတွေအတိုင်းသာ ကင်မရာ၅လုံးနဲ့ဖြစ်လာခဲ့ရင်..ပုံအရည်အသွေးတွေကလည်း မှန်းထားတာထက်ကောင်းနေခဲ့ရင်တော့ Android ထဲမှာ နာမည်ကြီးလာပြန်ဦးမှာပါ။

Ref: GsmArena

%d bloggers like this: