Face Unlock စနစ်ကို မကြာခင် အသုံးပြုနိုင်မယ့် Nokia စမတ်ဖုန်း ၄လုံး

HMD Global ကတော့ Nokia ချစ်ပရိတ်သတ်များ ပျော်ရွင်စေမယ့် သတင်းကောင်းကို သယ်ဆောင်လာခဲ့ပြီ ဖြစ်ပါတယ်။ Nokia 8 Sirocco, Nokia 7 Plus, Nokia 8 နဲ့ Nokia 6.1 တို့အတွက် Face Unlock စနစ်ကို မကြာခင် အသုံးပြုနိုင်မယ်လို့ Twitter ရှိ Nokia Mobile ရဲ့ တရားဝင်စာမျက်နှာမှာ ကြေငြာခဲ့တာ ဖြစ်ပါတယ်။ Face Unlock စနစ်ကို OTA (Over-the-air) Update အနေနဲ့ ဖြန့်ချီပေးမှာ ဖြစ်ပြီး နောက်လများမှာ ရရှိနိုင်မယ်လို့ ပြောကြားထားပါတယ်။ HMD Global ကတော့ Face Unlock စနစ် အသုံးပြုနိုင်မယ့် Nokia စမတ်ဖုန်း ၄လုံးနဲ့ ပတ်သတ်ပြီး OTA Update ရရှိနိုင်မယ့်နေ့ရက်ကို အတိအကျ ပြောကြားသွားခြင်း မရှိပါဘူး။ ဒါ့ပေမယ့်လည်း မကြာခင်မှာ ရရှိလိမ့်မယ်လို့ မျှော်လင့်ရပါတယ်။

HMD Global အနေနဲ့ Nokia 8 အတွက် Pro Camera Mode ကို OTA (Over-the-air) Update ကနေတစ်ဆင့် ပြီးခဲ့တဲ့လက ထည့်သွင်းပေးခဲ့ပါတယ်။ ဒါ့အပြင် Google က Android P Update ကို Global ဖြန့်ချီပေးတဲ့အခါကျရင်လည်း လက်ရှိ Nokia စမတ်ဖုန်းအားလုံးအတွက် Android P Update ရရှိအောင် လုပ်ပေးမယ်လို့ ကတိပေးထားပါတယ်။

 

Ref: phonearena

Face Unlock စနစ်ကို မကြာခင် အသုံးပြုနိုင်မယ့် Nokia စမတ်ဖုန်း ၄လုံး

%d bloggers like this: