Samsung ရဲ့ ပထမဦးဆုံး Android Go စမတ်ဖုန်းကို မကြာခင် မြင်တွေ့ရဖွယ်ရှိ

ဒီနေ့မှာတော့ Samsung ရဲ့ ပထမဦးဆုံး Android Go စမတ်ဖုန်းရဲ့ Specification တွေဟာ Online ကနေတစ်ဆင့် ထွက်ပေါ်လာတာ ဖြစ်ပါတယ်။ မော်ဒယ်နံပါတ် SM-J260G အမည်ရှိ စမတ်ဖုန်း တစ်လုံးဟာ Super AMOLED Display နဲ့ Exynos 7570 SoC တွေကို အသုံးပြုထားတာ ဖြစ်ပါတယ်။ Operating System အပိုင်းမှာတော့ Android 8.1 Oreo (Go edition) ကို ထည့်သွင်းထားနိုင်ဖွယ် ရှိပါတယ်။ အဲ့ဒီ စမတ်ဖုန်းကို ဥရောပ၊ လက်တင် အမေရိကနဲ့ အာရှနိုင်ငံများမှာ ရောင်းချဖို့အတွက် စမ်းသပ်နေပြီ ဖြစ်ကြောင်း ကောလဟလ သတင်းများ ထွက်ပေါ်နေပါတယ်။ Samsung အနေနဲ့ သူတို့ရဲ့ ပထမဦးဆုံး Android Go စမတ်ဖုန်းကို SM-J260F, SM-J260M နဲ့ SM-J260G ဆိုပြီး မော်ဒယ် ၃မျိူးခွဲပြီး ထုတ်လုပ်နိုင်ပါတယ်။ Android 8.1 Oreo (Go Edition) ကို ထည့်သွင်း အသုံးပြုထားတဲ့ စမတ်ဖုန်းဟာ Galaxy J2 Core အဖြစ်ပွဲထွက်လာနိုင်ဖွယ် ရှိတယ်လို့ ကျွမ်းကျင် ပညာရှင်များက ခန့်မှန်းပြောဆို ထားကြပါတယ်။

Samsung အနေနဲ့ Galaxy J2 Core နဲ့ ပတ်သတ်ပြီး ရေငုံနှုတ်ပိတ်နေပေမယ့် Techi Drive ကတော့ Samsung ရဲ့ ပထမဦးဆုံး Android Go စမတ်ဖုန်း ဖြစ်နိုင်ဖွယ်ရှိတဲ့ မော်ဒယ်နံပါတ် SM-J260F ရဲ့ Specification တစ်ချိူ့ကို သူတို့ရဲ့ ဝက်ဆိုက်မှာ လွှင့်တင်ခဲ့တာ ဖြစ်ပါတယ်။ Techi Drive ဝက်ဆိုက်မှာ လွှင့်တင်ခဲ့တဲ့ ဓာတ်ပုံအရဆိုရင် Galaxy J2 Core ရဲ့ Display အပိုင်းအတွက် ၅လက်မ မျက်နှာပြင်အကျယ်ရှိ Super AMOLED Display ကို အသုံးပြုထားပါတယ်။ Processor အပိုင်းမှာတော့ 1.4GHz ရှိတဲ့ Exynos 7570 Quad-core processor ကို အသုံးပြုထားနိုင်ပြီး RAM အနေနဲ့ 1GB ပါဝင်နိုင်ဖွယ် ရှိပါတယ်။ Memory Storage ကိုတော့ 16GB ထည့်သွင်းထားနိုင်ပါတယ်။ နောက်ကျောက်ဘက်မှာ 8MP Camera ကို တပ်ဆင်ထားနိုင်ပြီး ရှေ့ဘက်မျက်နှာပြင်မှာတော့ 5MP Camera ကို တပ်ဆင်ထားနိုင်ပါတယ်။ ဘက်ထရီ သိုလှောင်မှု ပမာဏ 2600mAh ထည့်သွင်းထားနိုင်ပြီး Android 8.1 Oreo နဲ့ ပွဲထွက်လာနိုင်ဖွယ် ရှိပါတယ်။ တန်ဖိုးနည်း Android Go စမတ်ဖုန်း ဖြစ်တာကြောင့် Super AMOLED Display သုံးရုံကလွဲပြီး တခြား Specs တွေကို လျော့ချထားပါတယ်။ ဒါ့ကြောင့် Display အားကိုးနဲ့ မိုက်နေတဲ့ Samsung တို့ရဲ့ Android Go ဖုန်းက တန်ဖိုးဘယ်လောက်ရှိမလဲဆိုတာ တော်တော်လေးကို စိတ်ဝင်စားစရာ ကောင်းပါတယ်။

 

Ref:gadgets.ndtv

[Unicdoe]

Samsung ရဲ့ ပထမဦးဆုံး Android Go စမတ်ဖုန်းကို မကြာခင် မြင်တွေ့ရဖွယ်ရှိ

%d bloggers like this: