FCC ကနေ ခွင့်ပြုချက်ရလာခဲ့ပြီဖြစ်တဲ့ Samsung Galaxy Note 9

ဒီနေ့ FCC (အမေရိကန်အစိုးရဆက်သွယ်ရေးကော်မရှင်) ကနေ ခွင့်ပြုပေးလိုက်တဲ့ Samsung စမတ်ဖုန်းလေးကတော့ SM-N960F ဆိုတဲ့မော်ဒယ်နံပါတ်နဲ့ဖုန်းလေးပါ။ Galaxy Note ဟန်းဆက်တွေရဲ့မော်ဒယ်နံပါတ်တစ်ခုဖြစ်တဲ့အပြင် Note 8 တုန်းက မော်ဒယ်လ်နံပါတ်ကလည်း SM-N950 ြဖစ်လို့ ဒီခွင့်ပြုချက်ရထားတဲ့စမတ်ဖုန်းက Samsung Galaxy Note 9 ဖြစ်ဖို့ ကျိန်းသေပါတယ်။

ဒါပေမယ့် FCC ကတော့ Galaxy Note ဖုန်းအသစ်နဲ့ပတ်သတ်တဲ့ ဘာ Feature အသေးစိတ်ကိုမှ ဖော်ပြမထားပါဘူး။ Note 8 တုန်းက နိုင်ငံတကာကိုဝင်တဲ့ဗားရှင်းက SM-N950F လို့နာမည်ပေးထားတာကြောင့် အခု SM-N960F မော်ဒယ်နံပါတ်နဲ့ Galaxy Note 9 ကလည်း နိုင်ငံတကာကိုဝင်မယ့် ဗားရှင်းပဲဖြစ်မှာပါ။

FCC ကို SM-N960F မော်ဒယ်နံပါတ်နဲ့ (Galaxy Note 9) ဖုန်းပေးပို့ထားတာ ဧပြီလကတည်းကဖြစ်ပြီး ဒီနေ့မှခွင့်ပြုချက်ရခဲ့တာပါ။ ဆိုတော့ Samsung အနေနဲ့ လွန်ခဲ့တဲ့ ၂လလောက်ကတည်းက Galaxy Note 9 ကိုနောက်ဆုံးဗားရှင်းလောက်နီးနီးထုတ်လုပ်ပြီးတဲ့ပုံပါပဲ။ ဒီတိုင်းဆို မကြာသေးခင်ကထွက်ထားတဲ့ Note 9 ရဲ့ Render တွေကလည်း မှန်နေမလားတောင်မပြောတတ်ပါဘူး။

Samsung Galaxy Note 9 gets approved by the FCC, could be announced soon

FCC ရဲ့ခွင့်ပြုချက်မှာ SM-N960F အပြင် SM-N960X နဲ့ SM-N960F/DS ဆိုတဲ့မော်ဒယ်လ်တွေလည်းပါဝင်တာတွေ့ရပါတယ်။ ဒုတိယမြောက်မော်ဒယ်လ်ကတော့ dual-SIM နဲ့ Galaxy Note 9 ဖြစ်နိုင်ပြီး SM-N960X ကတော့အာရှနိုင်ငံတွေအတွက်ပဲထုတ်မယ့် Note 9 မော်ဒယ်လ်တွေဖြစ်မှာပါ။

Samsung ကတော့ Galaxy Note 9 တွေကို သြဂုတ်လမှာမိတ်ဆက်နိုင်ဖို့ စီစဉ်နေပုံရပါတယ်။ ဒီဇိုင်းပိုင်းအနေနဲ့ကတော့ Note 8 နဲ့သိပ်ပြီး ထူးထူးခြားခြားပြောင်းလဲသွားမှာမျိုး မရှိလောက်ပါဘူး။ ဒါပေမယ့်  ခန့်မှန်းရသလောက် ပိုများလာတဲ့ဘက်ထရီ၊ ပိုမြန်တဲ့ ပရိုဆက်ဆာအသစ်နဲ့ ပိုကောင်းလာတဲ့ကင်မရာတွေအပြင် S-Pen တွေကိုလည်း အဆင့်မြှင့်ထားမယ်လို့ထင်ပါတယ်။

Galaxy Note 9 ရဲ႕ ကင္မရာဟာ Galaxy S9 Plus ထက္ ပိုေကာင္းမည္

Ref: PhoneArena

 

%d bloggers like this: